Shoqata e Ndihmës

Mbledhjet zhvillohen të dielat e dyta dhe të katërta të muajit. Ato zgjatin 50 minuta. Këto mbledhje i planifikon presidenca e Shoqatës së Ndihmës. Një anëtare e presidencës drejton.

Mbledhjet e Shoqatës së Ndihmës përqendrohen tek temat në një ose më shumë biseda nga konferenca e përgjithshme më e fundit.

Presidencat e Shoqatave të Ndihmës mund të planifikojnë aktivitete. Shumica e aktiviteteve nuk zhvillohen të dielave ose në mbrëmjet e të hënave.

Motrat marrin nga presidenca e Shoqatës së Ndihmës caktimet për dhënien e shërbesës. Për më shumë informacion, shihni te kapitulli 21.

Motrat shërbestare përpiqen t’i kuptojnë dhe t’u përgjigjen nevojave të njerëzve të cilëve u shërbejnë. Anëtareve mund t’u nevojitet ndihmë afatshkurtër në kohë sëmundjeje, lindjeje, vdekjeje, humbjeje të punësimit dhe rrethana të tjera.

Kur nevojitet, motrat shërbestare i kërkojnë ndihmë presidencës së Shoqatës së Ndihmës.

Siç bashkërendohet nga peshkopi, presidencat e Shoqatës së Ndihmës dhe të kuorumit të pleqve i ndihmojnë anëtarët për nevojat afatgjata dhe mbështetjen te vetja.

Presidentja e Shoqatës së Ndihmës, presidenti i kuorumit të pleqve ose një udhëheqës tjetër e ndihmon personin ose familjen që të zhvillojë një Plan të Mbështetjes te Vetja.

Kur vdes një anëtar/e i/e lagjes, presidencat e Shoqatës së Ndihmës dhe të kuorumit të pleqve ofrojnë ngushëllim dhe ndihmë. Nën udhërrëfimin e peshkopit, ato mund të ndihmojnë për ceremoninë e varrimit.

Për më shumë informacion, shihni te 38.5.8.

Peshkopi thërret një grua që të shërbejë si presidente e Shoqatës së Ndihmës të lagjes. Nëse njësia është mjaft e madhe, ajo i rekomandon atij një ose dy gra që të shërbejnë si këshilltaret e saj.

Disa njësi të vogla mund të mos kenë një presidente të Të Rejave ose të Fillores. Në këto njësi, presidentja e Shoqatës së Ndihmës mund t’i ndihmojë prindërit që të planifikojnë udhëzimet për rininë dhe fëmijët.

Presidentja e Shoqatës së Ndihmës ka përgjegjësitë vijuese. Këshilltaret e saj e ndihmojnë atë.

• Shërben në këshillin e lagjes.

• Udhëheq përpjekjet e Shoqatës së Ndihmës për të marrë pjesë në veprën e shpëtimit dhe të ekzaltimit (shihni te kapitulli 1).

• Organizon dhe mbikëqyr shërbimin e motrave shërbestare.

• Nën udhërrëfimin e peshkopit, këshillohet me anëtarë në moshë madhore të lagjes.

  

  3:16

• Bashkërendon përpjekjet e Shoqatës së Ndihmës për t’i forcuar motrat e reja në moshë madhore në lagje, si beqare edhe të martuara.

• Takohet me secilën anëtare të Shoqatës së Ndihmës individualisht të paktën një herë në vit.

• Mbikëqyr dokumentet, raportet dhe financat e Shoqatës së Ndihmës (shihni te LCR.ChurchofJesusChrist.org).

Presidenca e Shoqatës së Ndihmës dhe sekretarja takohen rregullisht. Këto mbledhje i drejton presidentja. Rendi i ditës mund të përfshijë pikat vijuese:

• Të planifikojnë se si t’i forcojnë motrat dhe familjet e tyre.

• Të bashkërendojnë punën misionare, punën në tempull dhe për historinë familjare.

• T’u përgjigjen detyrave nga mbledhjet e këshillit të lagjes.

• Të rishikojnë informacionin nga intervistat për dhënien e shërbesës.

• Të marrin në konsideratë motra që të shërbejnë në thirrjet dhe caktimet e Shoqatës së Ndihmës.

• Të planifikojnë mbledhje dhe aktivitete të Shoqatës së Ndihmës.