Faamatalaga Faaletulafono

Ua pasia e le Ofisa o le Aufono Aoao (OAA) ia taiala faalegaluega mo le polokalama o le EnglishConnect. O nei taiala o le a faaaoga i le lalolagi atoa i le EnglishConnect 1 ma le 2, e tusa ai ma soo se tulaga manaomia faaletulafono e patino i le atunuu o loo otooto atu i le aotelega faaletulafono o le EnglishConnect mo atunuu taitasi (tagai i tulaga manaomia faapitoa i atunuu i le englishconnect.org/leader/approved-locations).

• E manaomia maliega faamatua mo tamaiti taitasi e 18 tausaga po o lalo ifo e faaaoga ai le fomu o le maliega a matua. O loo maua fomu i le tele o gagana i luga o le initoneti i le englishconnect.org/resources/leader.

  • Ia maua uma saini a matua pe a talafeagai. Afai o se tagata e 18 pe lalo ifo ona tausaga o loo nofo na o ia, e le manaomia le maliega faamatua.

  • O fomu ua maea ona faatumuina e tatau ona teu e taitai o le lotoifale ma ia avanoa mo suegatusi.

• E manaomia faiaoga e faamaea le aoaoga a le Ekalesia “Puipuia o Tamaiti ma le Autalavou.” Mulimuli i tulaga uma a le atunuu i le lotoifale mo le faʻaaogaina ma le valaʻauina o faiaoga o le autalavou mo soo se faiaoga o le EnglishConnect o le a aoaoina soo se tasi e i lalo ifo o le 21 tausaga.

• Aua nei tuuina atu ni pili po o tau i tagata auai mo le auai i le polokalama.

  • E mafai e tagata auai o le EnglishConnect ona sii mai anomea o le polokalama i luga o le initoneti e leai se totogi, po o iunite i le lotoifale e mafai ona faatauina anomea mo le vaega e ala i faletusi masani i le store.churchofjesuschrist.org. E mafai foi e tagata auai ona faatau anomea e ala i lenei polokalama pe a latou mananao ai.

  • E le tatau i faiaoga o le EnglishConnect ona tuuina atu pe mauaina ni tupe po o ni meaalofa o se vaega o soo se aoaoga po o se sootaga faafaiaoga ma tagata auai o le EnglishConnect.

• Ia aofia ai le anotusi tele faalelotu ia le itiiti ifo ma le tasi vaetolu o aoaoga uma. (O anotusi faalelotu e tatau ona alu ai le 20 minute o itula taitasi o aoaoga po o le 30 minute o aoaoga taitasi e 90 minute.) Manatua: Afai e tuuina atu lesona e pei ona mamanuina ma e faaaofia ai i taimi uma e se faiaoga le gaoioiga “Talanoaina le Mataupu Faavae o le Aoaoina” i le taimi o le vaega o talanoaga, o le a ausia lenei tulaga manaomia.

• Mulimuli i taiala uma o polokalama o loo i ai i le Taiala o le Faatinoga mo le EnglishConnect ma le tusi lesona a le faiaoga, e aofia ai le faaaogaina o le polokalama o le lesitalaga i le initoneti QuickReg (quickreg.englishconnect.org) e faamautinoa ai le le faalauaiteleina o faamatalaga.

• Ina ia aloese mai le taufaamatau i visa faafaifeautalai po o le tulaga faaletulafono a le Ekalesia, soo se misiona i se atunuu e lei faaaogaina le Igilisi o se metotia e faafesootai ai tagata, e tatau ona maua se faamaoniga faapitoa a le OPA a o lei amata ona faaaoga anomea a le EnglishConnect.

O le EnglishConnect 3 o loo faagaoioia ma faaaogaina e le BYU–Pathway Worldwide. O lea tulaga, e faagaoioia i lalo o tulaga faaletulafono lava e tasi e pei o le BYU–Pathway.

I atunuu ua faatagaina ai faasalalauga o le EnglishConnect 1 ma le 2, e mafai e siteki, uarota, ma misiona i le lotoifale ona faalauiloa atu le EnglishConnect vaega 1 ma le 2 i le tele o nuu e tusa ai ma soo se taiala faalauiloa faapitoa i atunuu (tagai i tulaga manaomia e patino i le atunuu i le englishconnect.org/leader/approved-locations). O faasalalauga e tatau ona aofia uma ai mea nei:

1. Tulaga iloga o le igoa o le Ekalesia.

2. O se faamatalaga faapea e leai se tau mo le EnglishConnect 1 ma le 2.

3. O se faamatalaga e le tauaveina e le EnglishConnect 1 ma le 2 soo se faailoga.

O le EnglishConnect o se polokalama na saunia e Le Ekalesia a Iesu Keriso o le Au Paia o Aso e Gata Ai. O aia tatau uma i anomea o le EnglishConnect e anaina pe laiseneina e le Intellectual Reserve, Inc. mo le faaaogaina e iunite o le Ekalesia e pei o siteki, itu, ma misiona. Soo se isi lava faaaogaaga o anomea o le EnglishConnect e manaomia muamua ai se faatagaga tusitusia. Ina ia talosagaina le faatagaga e faaaoga ai anomea a le EnglishConnect, faamolemole faatumu se fomu o le talosaga i le Permissions.ChurchofJesusChrist.org.

O vaega o le EnglishConnect e tatau ona mulimuli i taimi uma i Aiaiga faavae a le Ekalesia mo le puipuia o le autalavou (lea e aofia ai tagata auai e 18 tausaga pe laiti ifo). O tamaiti e tatau ona i ai se fomu o le maliega a matua ua sainia a o lei auai atu i se vaega o le EnglishConnect. O loo maua fomu i le tele o gagana i luga o le initoneti i le englishconnect.org/resources/leader. O fomu ua maea ona faatumuina e tatau ona teu e taitai o le lotoifale ma ia avanoa mo suegatusi.

Talu ai e mafai e tagata aoao o le EnglishConnect ona faaaofia ai tamaiti, e tatau i taitai faalelotu ona faatalanoaina faiaoga faamoemoeina taitasi ma iloilo le pepa faamaumau o le tagata mo faamatalaga faaopoopo a o lei tuuina atu se valaauga. Ma le isi, ia le itiiti ifo ma le toalua ni tagata matutua faatuatuaina e tatau ona i ai i taimi uma i taimi o fonotaga faalevaega. E le tatau i faiaoga ona galulue taitoatasi ma se tamaitiiti auai na o la’ua. E tatau ona e mulimuli i nei aiaiga faavae e tusa lava pe o fono i le initoneti le vaega.

O le EnglishConnect o se polokalama na saunia e Le Ekalesia a Iesu Keriso o le Au Paia o Aso e Gata Ai. Mo faamatalaga i le auala o loo faagasolo ai ou faamatalaga patino, faamolemole asiasi i le ChurchofJesusChrist.org ma kiliki le Faaaliga o le Le Faalauaiteleina i le pito i lalo o le itulau.

E tatau i tagata auai uma ona talia tuutuuga o le auai, lea e mafai ona maua i le ChurchofJesusChrist.org/legal/englishconnect-terms-of-participation. E mafai e tagata auai ona talia faaeletonika tuutuuga o le auai pe a resitala i latou e se tagata e faatautaia le EnglishConnect i le QuickReg.

E le tatau i faiaoga EnglishConnect ona tuu ni ata i luga o ala o faasalalauga faaagafesootai a i latou o loo latou aoaoina pe aoao atu.

O le EnglishConnect e le o tauaveina ai soo se ituaiga o faailoga, tikeri, po o se togi a soo se polokalama faalea’otauina pe faaleaoaoga po o se faalapotopotoga faaleaoaoga. O le auai e tuu i le faitalaia. E mafai e tagata auai ona tuua le polokalama pe le toe auai i soo se taimi.