O Le A Se Mea e Tulaga Ese Ai le EnglishConnect?

I le EnglishConnect, tatou te galulue i le faatuatua e saili le fesoasoani a le Alii i le aoaoina o le Igilisi. A o tatou saili atu i le fesoasoani a le Alii e aoao le Igilisi, e mafai ona tatou latalata atili atu i le Atua ma maua le mana gafatia o le Faaola. I lesona taitasi, tatou te suesue ai ma faaaoga se mataupu faavae faaleagaga o le aoaoina. O le Agaga o le faiaoga moni, ma e mafai ona tatou sailia meaalofa a le Agaga e fesoasoani ia i tatou e aoao, e aofia ai le meaalofa o gagana (tagai Mataupu Faavae ma Feagaiga 46:8–26).

2:7

I le EnglishConnect, tatou te valaaulia ai le Agaga a o tatou alolofa, aoao atu, ma lagolago e le tasi le isi. Tatou te fausia ni faauoga ma fesoasoani le tasi i le isi ia tumau le faaosofia. Tatou te faateleina faatasi lo tatou mautinoa, aoao mai a tatou mea sese, ma faailoga lo tatou alualu i luma. A o tatou aoao mai le Agaga, o le a tatou “malamalama i le tasi, ma [ia] faagaeetiaina ma olioli faatasi” (Mataupu Faavae ma Feagaiga 50:22).

1:53

I le EnglishConnect, e tele atu mea tatou te faia nai lo le aoaoina o le Igilisi; tatou te faateleina foi lo tatou gafatia e aoao mai ma aoao atu ai. Po o fea lava tatou te amata ai, tatou te galulue malosi ma faipaaga ma le Atua ina ia ausia a tatou sini. Tatou te galulue i le faatuatua e faataitai le Igilisi i aso taitasi. Tatou te taumafai e aoao “e ala i le suesue ma le faatuatua foi” (Mataupu Faavae ma Feagaiga 88:118) i vaega uma o o tatou olaga.

2:24