“Kuv Yuav Ua Li Cas Kom Qhia Zoo Dua Ntxiv?,” EnglishConnect rau cov Xib Hwb (2023)
“Kuv Yuav Ua Li Cas Kom Qhia Zoo Dua Ntxiv?,” EnglishConnect rau cov Xib Hwb
Kuv Yuav Ua Li Cas Kom Qhia Zoo Dua Ntxiv?
Ib yam li cov neeg uas kawm yuav ua zoo zuj zus, koj kuj yuav ua siab loj zuj zus thiab ua zoo dua thaum siv sij hawm. Tus Tswv yuav txhawb nqa koj thaum koj ua hauj lwm thiab pab cov neeg hauv koj pawg kawm ntawv. Nws yuav qhia koj “ib nqe lus ntxiv rau ib nqe lus, ib ntsiab cai ntxiv rau ib ntsiab cai” (2 Nifais 28:30). Cia li ntseeg hais tias Leej Txiv Saum Ntuj Ceeb Tsheej yuav pab koj thaum koj nrhiav tus Ntsuj Plig thiab ua hauj lwm kom ua zoo dua ntxiv.
Tej lub Tswv Yim rau Kev Qhia Ib Yam Lus
Nram qab no los muaj tej lub tswv yim rau kev qhia lus Askiv. Tsis zoo li tej chav kawm uas tsom ntsoov rau kev cai siv lus, kev kawm tej lo lus, los sis xyaum hais tej lus, EnglishConnect tej pawg sib tham yeej tsom ntsoov rau kev pab cov neeg kawm hais lus txaus kom muaj nqis. Thaum koj siv tej lub tswv yim no, koj yuav txawj pab cov neeg uas kawm ntxiv.
Hais Lus Askiv
Hais lus Askiv pab cov neeg kawm vam meej thiab yog ib txoj kev tseem ceeb kom nrhiav lub txiaj ntsim txawj hais ntau yam lus. Ua tib zoo hais lus Askiv xwb thiab caw cov neeg kawm ua zoo ib yam. Hais tej lo lus uas yooj yim hais thiab hais tej kab lus uas tsis ntev. Maj mam hais lus thiab rov qab hais tej lus ob peb zaug kom txawj hais. Tom qab koj nug ib lo lus nug, cia cov neeg uas kawm muaj sij hawm xav thiab teb. Siv tej lus thiab tej txheej txheem hais lus uas cov neeg kawm tab tom xyaum. Thaum koj coj ib txoj kev kawm hais lus, koj qhia tau cov neeg kawm txog tej lus piav txog qhov ntawd uas nyob hauv cov ntawv rau cov neeg kawm EnglishConnect uas tau muab txhais lus.
Coj Yam Ntxwv txog tej Kev Xyaum Hais Lus
Qhov uas koj coj yawm ntxwv kom cov neeg paub ua li cas yeej pab tau zoo dua li koj hais lus rau lawv. Siv qhov piv txwv txog kev sib tham thaum pib txhua txoj kev kawm kom coj yam ntxwv rau cov neeg paub tias lawv yuav xyaum ua dab tsi. Koj coj tau yam ntxwv txog ob lub luag hauj lwm ntawm kev sib tham, los sis koj thov tau cov neeg kawm kom pab koj ua yam ntxwv.
Txhawb Nqa Kev Sib Tham
Cov neeg kawm yuav ntseeg lawv tus kheej thiab kawm sai dua ntxiv thaum lawv xyaum hais lus Askiv. Tsis txhob sim kho txhua yam uas lawv hais ua yuam kev; cia li pab cov neeg kawm kom rau siab sib tham xwb. Saib xyuas zoo kom muaj sij hawm ntau tshaj rau cov neeg nrog ib tug khub sib tham.
Txhawb Nqa Kev Rov Qab Hais Dua Ntxiv
Kev rov qab xyuam ntau zaus yuav pab cov neeg ua siab loj thiab txawj hais lus. Pab cov neeg kawm hloov tus khub thiab rov qab xyaum ib zaug ntxiv. Kev hloov tus khub pab cov neeg kawm muaj cib fim mloog thiab hais tej yam tshiab. Thaum cov neeg uas kawm hais tej lus uas lawv paub lawm rau lwm tus, ces yuav pab lawv nco ntsoov tej yam uas lawv kawm. Kuj yuav ua rau lawv ua siab loj ntxiv thiab pab txhawb lawv txoj kev ua phooj ywg.
Pab cov Neeg uas Kawm Muaj Peev Xwm
Cov neeg kawm xav tau koj txoj kev hlub thiab txoj kev txhawb nqa. Cia li qhuas cov neeg kawm thaum lawv hais lus Askiv kom pab lawv kov yeej kev ntshai. Saib thiab sib tham nrog txhua pawg thiab mloog zoo thaum cov neeg kawm xyaum hais lus. Qhuas lawv ntau. Nrog lawv xyaum thiab pab lawv kawm tau. Hais rau lawv txog txhua yam uas lawv kawm thiab ua zoo dua ntxiv. Thaum koj hlub thiab txhawb nqa cov neeg kawm, koj tsim ib qho chaw rau lawv txoj ntseeg, ua phooj ywg thiab ua zoo zuj zus tuaj.
Kev Ua Ib tug Xib Hwb Zoo Dua Ib Yam Li Yexus Khetos
Vim koj yog ib tug xib hwb EnglishConnect, koj muaj cib fim txhawb pab lwm tus. Tej lub ntsiab cai ntawm kev qhia neeg zoo li Yexus Khetos qhia yeej muaj nqis rau koj. Koj kawm tau thiab siv tau tej lub ntsiab cai los ntawm phau ntawv Qhia Raws Li tuS Cawm Seej txoj Kev (2022). Raws li koj tus thawj coj pov thawj hwj qhia, koj koom cov xib hwb pawg sab laj los tau. Tej zaum koj yuav xav ntsuas koj tus kheej thiab sim seb puas muaj dab tsi uas koj ua tau zoo dua thaum koj siv “Kev Ua Ib tug Xib Hwb Zoo Dua Ib Yam Li Yexus Khetos—Kev Ntsuas Yus tus Kheej,” (Kev Qhia Raws Li tus Cawm Seej txoj Kev, 37). Cia li to taub tej yam uas koj ua zoo lawm. Nrhiav tej yam uas koj xav ua zoo dua thiab rau siab npaj siv tej yam uas koj kawm.
Nco ntsoov tias, qhov tseem ceeb tshaj plaws uas koj ua tau yog hlub cov neeg uas kawm thiab cia tus Ntsuj Plig coj koj txoj hau kev thaum koj txhawb nqa kev ntseeg, kev ua phooj ywg, thiab kev ua zoo zuj zus tuaj.