Tos Txais Koj rau EnglishConnect

Ua koj tsaug vim koj txaus siab ua hauj lwm ua ib tug xib hwb EnglishConnect. Peb cia siab hais tias koj yuav hnov Leej Txiv Saum Ntuj Ceeb Tsheej txoj kev hlub thaum koj ua hauj lwm. Kev pab lwm tus kawm lus Askiv yuav pab lawv muaj cib fim kawm ntawv, ua hauj lwm, thiab pab lwm tus. Koj txoj kev siv zog ua hauj lwm yuav foom koob hmoov rau cov neeg kawm tam sim no thiab thaum yav tom ntej.

Thaum koj nrhiav Vajtswv txoj lus qhia thiab Nws lub dag zog, Nws yuav pab koj hlub thiab pab cov neeg kawm hauv koj pawg. Koj tsis tas hais yam lus uas cov neeg koj qhia hais. Koj tsis tas txawj hais lus Askiv tag nrho los sis tsis tas ua ib tug xib hwb ua ntej koj coj ib pawg EnglishConnect. Cov ntaub ntawv EnglishConnect muaj tej yam uas koj yuav tsum siv. Thaum koj nrhiav tus Ntsuj Plig txoj kev coj thiab coj cov neeg kawm tej zaj lus, koj pab tau lawv muab siab npuab Vajtswv dhau los ntawm kev kawm lus Askiv.