“Vim Li Cas EnglishConnect Txawv Lwm Yam?,” EnglishConnect rau cov Xib Hwb (2023)
“Vim Li Cas EnglishConnect Txawv Lwm Yam?,” EnglishConnect rau cov Xib Hwb
Vim Li Cas EnglishConnect Txawv Lwm Yam?
Nyob hauv EnglishConnect, peb “nrhiav kev kawm, twb yog los ntawm kev kawm ntawv thiab los ntawm kev ntseeg” (Lus Qhuab Qhia thiab Kev Khi Lus 88:118). Nyob ua ke peb kawm tej txuj ci hais lus Askiv nyob hauv ib qho chaw uas muaj kev ntseeg, kev ua phooj ywg, thiab kev ua zoo zuj zus.
Kev Ntseeg
Nyob hauv EnglishConnect, peb muab siab rau ntseeg kom nrhiav tus Tswv txoj kev pab peb kawm lus Askiv. Thaum peb nrhiav tus Tswv txoj kev pab kawm lus Askiv, peb yuav muab siab npuab Vajtswv ntxiv thiab txais tau tus Cawm Seej lub hwj chim. Nyob hauv txhua zaj lus qhia, peb kawm txog thiab siv ib lub ntsiab cai txog kev kawm ntawv uas yog los ntawm sab ntsuj plig. Tus Ntsuj Plig yog tus xib hwb tiag tiag, thiab peb nrhiav tus Ntsuj Plig tej txiaj ntsim kom pab peb kawm, tsis hais lub txiaj ntsim txawj hais ntau yam lus (saib Lus Qhuab Qhia thiab Kev Khi Lus 46:8–26).
Kev Ua Phooj Ywg
Nyob hauv EnglishConnect, peb caw tus Ntsuj Plig los thaum peb ib leeg hlub, qhia, thiab txhawb nqa ib leeg. Peb ua phooj ywg nrog lwm tus thiab pab tib neeg kom lawv xav kawm. Nyob ua ke peb thiaj li ua siab loj ntxiv, kawm los ntawm tej yam uas peb hais ua yuam kev, thiab zoo siab thaum peb txawj ua ntxiv. Thaum peb kawm los ntawm tus Ntsuj plig, ces peb “ib leeg to taub ib leeg, thiab puav leej txais kev txhawb nqa thiab xyiv fab ua ke” (Lus Qhuab Qhia thiab Kev Khi Lus 50:22).
Kev Ua Zoo Zuj Zus
Nyob hauv EnglishConnect, peb tsis kawm lus Askiv xwb, peb kuj muaj peev xwm qhia thiab kawm ntxiv. Txawm yog peb pib qhov twg los, peb khwv ua hauj lwm thiab koom siab nrog Vajtswv kom muaj raws li peb tej lub hom phiaj. Peb muab siab rau ntseeg kom xyaum hais lus Askiv txhua hnub. Peb siv zog kom kawm “los ntawm kev kawm ntawv thiab los ntawm kev ntseeg” (Lus Qhuab Qhia thiab Kev Khi Lus 88:118) thaum peb ua txhua yam hauv peb lub neej.