Mirë se Vini në Programin EnglishConnect

Ju faleminderit për gatishmërinë tuaj për të shërbyer si mësues/e i/e programit EnglishConnect. Ne shpresojmë se ju do ta ndieni dashurinë e Atit tuaj Qiellor ndërsa shërbeni. Ndihma ndaj të tjerëve që të mësojnë anglisht, mund t’i zgjerojë mundësitë e tyre për arsimim, punësim dhe shërbim. Përpjekjet tuaja do ta bekojnë jetën e nxënësve tani dhe në të ardhmen.

Ndërsa kërkoni udhërrëfimin dhe forcën e Perëndisë, Ai do t’ju ndihmojë t’i doni dhe t’u shërbeni nxënësve në grupin tuaj. Nuk nevojitet të flisni po atë gjuhë që flasin personat të cilëve u jepni mësim. Nuk nevojitet të jeni ekspert në gjuhën angleze ose të keni përvojë me mësimdhënien për të drejtuar një grup të programit EnglishConnect. Materialet e programit EnglishConnect kanë atë çka ju nevojitet për të qenë të suksesshëm. Ndërsa kërkoni Shpirtin dhe i udhërrëfeni me dashuri nxënësit gjatë mësimeve, ju mund t’i ndihmoni ata t’i afrohen më shumë Perëndisë duke mësuar anglisht.