Auauna Atu i Tamaiti

Ina ua uma ona faamalolo i e mama’i, sa valaaulia e Iesu tagata e aumai a latou fanau laiti ia te Ia. Ona Ia tatalo lea i se ala e le mafai e tagata ona tautatala pe tusi Ana afioga, ma sa faatumulia o latou agaga i le olioli. “Na ave [e le Faaola] a latou fanau laiti, taitoatasi, ma faamanuia i latou” (3 Nifae 17:21). Ina ua uma ona faamanuia tamaiti, sa tagi le Faaola ma tautino atu, “Vaai ia i o outou tamaiti” (fuaiupu 23). Sa o ifo agelu mai le lagi ma auauna atu i tamaiti a o siomia i latou i le afi.

I le talanoa ai e uiga i le valaaulia a le Faaola e “vaai i o outou tamaiti,” na aoao mai ai Peresitene M. Russell Ballard:

Ia matau e lei fetalai mai o Ia “tepa atu ia i latou” po o le “vaai faasamasamanoa ia i latou” po o le “vaai i nisi taimi i la latou taitaiga lautele.” Sa Ia fetalai atu e vaai ia i latou. Ia te au o lona uiga e tatau ona tatou opogiina i latou i o tatou mata ma o tatou loto; e tatau ona tatou vaai ma talisapaia i latou po o ai moni lava i latou: o fanau agaga a lo tatou Tama Faalelagi, ma ni uiga paia” (“Great Shall Be the Peace of Thy Children,” Ensign, Ape. 1994).

Vitio

5:51

Pese

“Le Alofa o Lo’u Faaola,” Tusipese a Tamaiti, 42

3:52

Gaoioiga mo Tamaiti

Fai lenei itulau o gaoioiga ma talanoa e uiga i le ala na faamanuiaina ai e Iesu Keriso tamaiti taitoatasi. E faapefea ona Ia faamanuiaina oe?