O Le Faaali Atu o Iesu Keriso i le Atu Amerika Anamua

Na faailoa mai e le Atua le Tama Lona Alo Pele, o Iesu Keriso, ia sa Nifae ma valaaulia i latou e faalogo ia te Ia. Ona afio ifo lea o le Faaola toetu ma folafola atu ua Ia faamaeaina le Togiola ma "mafatia i le finagalo o le Tama i mea uma" (3 Nifae 11:11). Sa valaaulia e le Faaola sa Nifae ia tagotago i tulaga o fao i Ona aao ma i Ona vae ma ia iloa mo i latou lava Lona Toetu mamalu. Ina ua uma ona latou faia taitoatasi, sa latou alalaga, "Osana!" ma tapuai atu ia te Ia.

I le konafesi aoao ia Aperila 2023, na valaaulia ai i tatou e Elder Gary E. Stevenson e mafaufau pe mafai faapefea e le tala i le galuega a le Faaola toetu i le Tusi a Mamona ona faaleleia lo tatou faamanatuina o le Eseta:

Vaai faalemafaufau: na pai moni atu sa Nifae sa i le malumalu i aao o le Alii toetu! Matou te faamoemoe ia avea nei mataupu i le 3 Nifae o se vaega tele o la tatou tu masani o le Eseta e pei o le Luka 2 o la tatou tu masani o le Kerisimasi. O le mea moni, ua faasoa mai e le Tusi a Mamona le tala aupito silisili o le Eseta ua faamatalaina. Aua nei avea ma tala aupito silisili o le Eseta e lei faamatalaina lava.

Ou te valaaulia outou ia vaai i le Tusi a Mamona i se malamalama fou ma mafaufau i le molimau loloto o loo tauaveina ai le moni o le Keriso toetu faapea foi ma le tamaoaiga ma le loloto o le mataupu faavae a Keriso. ("O Le Tala Aupito Silisili o le Eseta Na Faamatalaina," Liahona, Me 2023, 8)

Vitio

5:37

Pese

"This Is the Christ," O Viiga—Mo Le Aiga ma le Ekalesia, nu. 1017

4:52

Gaoioiga mo Tamaiti

Faitau pe matamata i le tala faatusipaia lenei e aoao ai e uiga i le asiasiga a le Faaola i tagata i le atu Amerika. Ana faapea sa e i ai iina, o le a sou manatu o le a sou lagona i ai?