Faamaloloina o Tagata

Ina ua mavae se aso umi o le auaunaga, a o sauni Iesu e tuua sa Nifae, sa Ia silasila atu “ua maligi o latou loimata” ma sa lei mananao e alu o Ia (3 Nifae 17:5). I le tali atu i ai, sa ofoina atu e le Faaola Lona mana faamalolo. “Ua tumu lo’u loto i le agaalofa ia te outou,” na Ia fetalai ai (fuaiupu 6), ona Ia fetalai atu lea mo e mama’i ina ia aumai ia te Ia. “Ma sa ia faamaloloina i latou uma taitoatasi ina ua aumai i latou ia te ia” (fuaiupu 9).

E faapena foi ona ofoina mai e Iesu Keriso le agaalofa ma le faamalologa ia i tatou taitoatasi i aso nei. Na aoao mai Peresitene Russell M. Nelson, o Iesu Keriso o le tali lea i a tatou fesili ma faafitauli. I le talanoa ai e uiga i le valaaulia a le Faaola e “foi mai ia te au, … ina ia mafai ona ou faamaloloina outou” (3 Nifae 9:13), na saunoa ai Peresitene Nelson:

Ua tuuina atu e Iesu Keriso lena lava valaaulia e tasi ia te oe i le asō. Ou te aioi atu ia te outou ia o mai ia te Ia ina ia mafai ona Ia faamaloloina outou! O le a Ia faamaloloina oe mai le agasala pe a e salamo. O le a Ia faamaloloina oe mai le faanoanoa ma le fefe. O le a Ia faamaloloina oe mai manu’a o lenei lalolagi.

“Po o a lava au fesili po o faafitauli o i ai, o le tali e maua i taimi uma i le soifuaga ma aoaoga a Iesu Keriso. Aoao atili e uiga i Lana Togiola, Lona alofa, Lona alofa mutimutivale, Lana aoaoga faavae, ma Lana talalelei toefuataiina o le faamalologa ma le alualu i luma. Liliu atu ia te Ia! Mulimuli ia te Ia! (“O Le Tali Lava o Iesu Keriso ,” Liahona, Me 2023, 127)

Vitio

6:31

Pese

“Ou Te Tu ma Ofo,” Viiga, no. 107

5:16

Gaoioiga mo Tamaiti

Faitau pe matamata i le tusiata o tala faatusipaia lenei e aoao ai e uiga i le ala na faaalia ai e Iesu le agalelei ma faamalolo tagata o e sa talitonu ia te Ia. O le a se mea e mafai ona e faia e faaali atu ai le agalelei i isi?