“O Valoaga o le Soifua Mai o Iesu Keriso,” Aafiaga o Suesuega o le Vaiaso Paia (2026)
Aso Sa Lau Pama
O Valoaga o le Soifua Mai o Iesu Keriso
“Ae faauta, o le toetu mai o Keriso ua togiolaina ai tagata, ioe, o tagata uma, ma toe aumai ai i latou i luma o le Alii” (Helamana 14:17).
Pe tusa o le 6 TLM, o le toatele o tagata sa nonofo i Saraemila i Amerika anamua ua leai so latou faatuatua ia Iesu Keriso. O lea na auina atu ai e le Atua ia Samuelu le perofeta e molimau atu i le soifua mai o le Faaola, maliu, ma le Toetu ma valaaulia tagata ia salamo ma talitonu ia Iesu Keriso. Na valoia e Samuelu ia faailoga o le soifua mai ma le maliu o Iesu ina ia “mafai ona tou iloa … lona afio mai” ma “talitonu ai i lona suafa” (Helamana 14:12).
O le asō ua tatou ola ai i se taimi ua valoia ai e perofeta o aso nei le Afio Mai Faalua o le Alii toetu. Na saunoa Peresitene Russell M. Nelson:
O’u uso e ma tuafafine pele, ua tele naua mea matagofie o loo i luma atu. I aso a sau, o le a tatou vaaia ai faaaliga silisili o le mana o le Faaola nai lo se mea e le’i vaai i ai le lalolagi. I le va o le taimi nei ma le taimi e toe afio mai ai o Ia “i le mana ma le mamalu tele” [Iosefa Samita—Mataio 1:36], o le a Ia tuuina mai avanoa, faamanuiaga, ma vavega e le mafaitaulia i luga o e faamaoni. (“Manumalo i le Lalolagi ma Maua le Malologa,” Liahona, Nov. 2022, 95)
Mau ma fesili
O a ni aafiaga na e maua na faamalosia ai lou faatuatua i le Tama Faalelagi ma Iesu Keriso?
Tusifaamaumau Ou Lagona Uunai
Vitio
Pese
“We Listen to a Prophet’s Voice,” Hymns, no. 22
Gaoioiga mo Tamaiti
Fai le itulau o gaoioiga lenei e aoao ai e uiga i perofeta eseese mai le Tusi a Mamona ma pe na faapefea ona latou vavalo e uiga ia Iesu Keriso. O le a se mea ua e aoaoina e uiga ia Iesu mai le Tusi a Mamona?