Zell në Punën Misionare

Merreni parasysh ta nisni mësimin duke i ndihmuar nxënësit të përsiatin rëndësinë e zellit në punën misionare. Mund ta paraqitni figurën vijuese dhe të jepni rrëfimin më poshtë. Ose mund të shfaqni materialin filmik “Fourth Floor, Last Door” [“Kati i Katërt, Dera e Fundit”], në dispozicion në ChurchofJesusChrist.org, nga kodi kohor 14:17 deri në 17:27. Mund ta ndaloni materialin filmik në kodin kohor 16:03 për nxënësit që të marrin parasysh se si mund të kishin reaguar në këtë pikë. Më pas shfaqeni pjesën tjetër të materialit filmik.

21:33

Merreni parasysh t’i caktoni gjysmës së klasës t’i lexojë vargjet më poshtë te Doktrina e Besëlidhje seksioni 4 dhe gjysmës së klasës të lexojë vargjet te seksioni 75. Pas leximit, nxënësit mund t’ia tregojnë përgjigjet e tyre për pyetjet më poshtë dikujt që lexoi referencën tjetër.

Përndryshe, mund t’i ftoni partnerët të studiojnë pjesën “Zelli” duke përfshirë idetë në pjesën “Studimi i Shkrimeve të Shenjta”, në faqet 129 të materialit Predikoni Ungjillin Tim: Një Udhëzues për Shpërndarjen e Ungjillit të Jezu Krishtit (2023).

Ndër të vërtetat që tregojnë nxënësit, ata mund të përcaktojnë se Zoti pret që misionarët e Tij të punojnë me zell në shpërndarjen e ungjillit të Tij.

Shkruajeni nxitjen vijuese në tabelë dhe ftojini nxënësit të shkruajnë se si mund ta përfundojnë atë.

Nëse nxënësit kanë nevojë për ndihmë për të përkufizuar zellin, mund t’u tregoni se një përkufizim i mundshëm është “përpjekja e vazhdueshme, plot dëshirë” (Predikoni Ungjillin Tim: Një Udhëzues për Shpërndarjen e Ungjillit të Jezu Krishtit [2023], f. 128).

Nëse doni, mund t’i renditni përgjigjet e nxënësve në tabelë. Pasi të mblidhni disa ide nga nxënësit, jepuni atyre një mundësi për të menduar më me kujdes rreth mënyrës se si ata tregojnë zell në jetë.

Një mënyrë për ta bërë këtë është të paraqitni vetëvlerësimin vijues dhe t’u jepni nxënësve kohë për të reflektuar në heshtje mbi mënyrën se si do të reagonin. Merreni parasysh t’u shpjegoni nxënësve se, ndërsa e plotësojnë këtë vetëvlerësim, Fryma e Shenjtë mund t’i ndihmojë të dallojnë se çfarë po bëjnë mirë dhe se si mund të përmirësohen. Nxënësit mund të kenë dobi nga shënimi i mendimeve të tyre në ditarët e studimit. (Shënim: Mund të zgjidhni t’i paraqitni këto thënie sërish në fund të mësimit.)

Merreni parasysh t’i paraqitni udhëzimet vijuese dhe t’i ftoni nxënësit të punojnë në grupe të vogla për të plotësuar veprimtarinë. Pasi nxënësit ta kenë përfunduar veprimtarinë, ftojini ata t’ua tregojnë grupeve të tjera atë që mësuan.

Fryma e Shenjtë mund t’i ndihmojë të vërtetat të zhyten thellë në zemrat e nxënësve dhe t’i përgatitë ata që t’i zbatojnë ato të vërteta. Një mënyrë se si mund t’i ndihmoni nxënësit ta ftojnë Frymën e Shenjtë është të siguroni mundësi që ata të shohin se si Shpëtimtari dhe të tjerët kanë treguar zell. Për shembujt e mënyrës se si Shpëtimtari tregoi zell, nxënësit mund të lexojnë te Doktrina e Besëlidhje 19:16–19 ose Lluka 22:39–44. Për një shembull të dikujt tjetër që tregon zell, merreni parasysh të paraqitni “Preparation of Gordon B. Hinckley: Forget Yourself and Go to Work” [“Përgatitja e Gordon B. Hinklit: Harroni Veten dhe Shkoni të Punoni”] (2:03), në dispozicion në ChurchofJesusChrist.org.

2:4

Kujtojuani nxënësve rrëfimin e Plakut Diter F. Uhtdorf për dy misionarët në Evropë që trokitën në derën e fundit të katit të katërt. Shpjegoni se përpjekjet e tyre të zellshme përfunduan duke e bekuar Plakun Uhtdorf. Merreni parasysh të shfaqni figurën vijuese të misionarëve dhe familjes që jetonte në apartamentin pas derës së fundit në katin e katërt. Vëreni në dukje se njëra nga dy vajzat e reja është Herrieta, bashkëshortja e Plakut Uhtdorf.

Merreni parasysh t’i paraqitni thëniet rreth zellit vetjak për të cilat nxënësit reflektuan më herët në mësim. Nxënësit mund të kenë ndier mbresën nga Shpirti për t’u përqendruar te një thënie më shumë se sa tek të tjerat. Ftojini nxënësit të mendojnë për atë thënie ndërsa shkruajnë përgjigje për pyetjet vijuese në ditarët e studimit.

Ndërsa nxënësit i shënojnë përgjigjet e tyre, inkurajojini të mos ngurrojnë të hartojnë një plan për të bërë diçka që do t’i vërë në provë dhe do të kërkojë punë të madhe të vazhdueshme dhe zell.