Bekimet Patriarkale

Merreni parasysh ta paraqitni figurën vijuese ose të vizatoni një figurë si ajo në tabelë.

Shpjegoni se shkrimet e shenjta japin mësim të vërteta të rëndësishme rreth Perëndisë që mund të na ndihmojnë kur na nevojitet drejtim.

Ftojini nxënësit t’i tregojnë të vërtetat që gjetën. Duke përdorur fjalët e tyre, ata mund të tregojnë të vërteta të ngjashme me:

Sa herë që ne kërkojmë nga Perëndia, Ai do të na japë udhëzim nëpërmjet Shpirtit të Tij (Doktrina e Besëlidhje 6:14).

Nëse e kërkojmë, Perëndia do të na bekojë me zbulesë pas zbulese (Doktrina e Besëlidhje 42:61).

Perëndia do të na udhëheqë dhe do të na japë përgjigje për lutjet tona (Doktrina e Besëlidhje 112:10).

Mund edhe t’u kërkoni nxënësve të tregojnë shkrime të shenjta të tjera për të cilat janë në dijeni, që demonstrojnë etjen e Perëndisë për të na ofruar udhërrëfim dhe drejtim.

Nëse është e nevojshme, përmendni se bekimet patriarkale janë një mënyrë se si ne mund të marrim drejtim nga Perëndia. Për t’i ndihmuar nxënësit ta vlerësojnë njohurinë e tyre të tanishme për bekimet patriarkale, merreni parasysh të paraqitni përmbajtjen vijuese dhe t’u jepni nxënësve kohë për t’u përgjigjur për thëniet në heshtje ose në ditarët e tyre të studimit.

Jepuni nxënësve kohë për t’i shkruar në tabelë pyetjet që kanë rreth bekimeve patriarkale. Ata mund të kenë pyetje si vijueset:

• Çfarë është një bekim patriarkal?

• Si mund të ndikojë një bekim patriarkal në marrëdhënien time me Atin Qiellor dhe Jezu Krishtin?

• Si mund të përgatitem për bekimin tim patriarkal?

• Kur duhet ta marr bekimin tim patriarkal?

Jepuni nxënësve kohë për të gjetur përgjigjet për pyetjet e veta rreth bekimeve patriarkale. Merrini parasysh nevojat dhe aftësitë e nxënësve tuaj në përcaktimin e mënyrës se si ata do të kërkojnë përgjigje. Mund të jetë e dobishme për disa që të kërkojnë përgjigje në grupe të vogla.

Pasi nxënësit të kenë pasur një mundësi për të studiuar, merreni parasysh t’i ftoni ata ta tregojnë atë që mësuan duke bërë pyetje si ato në vijim:

Merreni parasysh të tregoni se si Perëndia ju ka bekuar ose drejtuar nëpërmjet bekimit tuaj patriarkal. Gjithashtu, mund t’i inkurajoni nxënësit që e kanë marrë bekimin patriarkal t’i tregojnë përvojat e tyre. Sigurohuni që nxënësit ta kuptojnë se nuk duhet të japin hollësi të bekimeve të tyre. Megjithatë, është e udhës të flasin rreth përvojave të marrjes së bekimit patriarkal dhe se si ai e ka bekuar jetën e tyre.

Ju gjithashtu mund të shfaqni njërën prej materialeve filmike vijuese, në dispozicion në ChurchofJesusChrist.org, për të dhënë shembuj të mënyrës se si individët morën udhërrëfim nga Perëndia nëpërmjet bekimeve të tyre patriarkale.

• “Enemy Territory” [“Territori Armik”] (kodi kohor 0:00 deri në 2:25) – Një rrëfim nga jeta e Presidentit Bojd K. Paker, i Kuorumit të Dymbëdhjetë Apostujve (1924–2015).

• “Without Fear” [“Pa Frikë”] (3:30) – Një i ri nga Italia përshkroi se si bekimi i tij patriarkal e ndihmoi të merrte vendimin për të shërbyer në një mision.

Për t’i ndihmuar nxënësit të reflektojnë mbi atë që kanë mësuar dhe ndier, merreni parasysh t’i ftoni ata të bëjnë sa vijon:

Inkurajojini nxënësit të veprojnë sipas mbresave që kanë ndier sot. Dëshmoni për udhërrëfimin dhe drejtimin nga Ati Qiellor në dispozicionin tonë nëpërmjet bekimeve patriarkale.