Manuali i Mësuesit të Seminarit për Doktrinën e Besëlidhjet

Përmbajtja
Faqja e Titullit
Hyrje në Manualin e Mësuesit të Seminarit për Doktrinën e Besëlidhjet
Mësimet nga Doktrina e Besëlidhje
- Proklamata mbi Rivendosjen
- Doktrina e Besëlidhje 1
- Joseph Smith – Historia 1:1–26
- Doktrina e Besëlidhje 2; Joseph Smith – Historia 1:27–65
- Doktrina e Besëlidhje 3–5
- Doktrina e Besëlidhje 6–9
- Doktrina e Besëlidhje 10–11
- Doktrina e Besëlidhje 12–17; Joseph Smith – Historia 1:66–75
- Doktrina e Besëlidhje 18
- Doktrina e Besëlidhje 19
- Doktrina e Besëlidhje 20–22
- Doktrina e Besëlidhje 23–26
- Doktrina e Besëlidhje 27–28
- Doktrina e Besëlidhje 29
- Doktrina e Besëlidhje 30–36
- Doktrina e Besëlidhje 37–40
- Doktrina e Besëlidhje 41–44
- Doktrina e Besëlidhje 45
- Doktrina e Besëlidhje 46–48
- Doktrina e Besëlidhje 49–50
- Doktrina e Besëlidhje 51–57
- Doktrina e Besëlidhje 58–59
- Doktrina e Besëlidhje 60–63
- Doktrina e Besëlidhje 64–66
- Doktrina e Besëlidhje 67–70
- Doktrina e Besëlidhje 71–75
- Doktrina e Besëlidhje 76
- Doktrina e Besëlidhje 77–80
- Doktrina e Besëlidhje 81–83
- Doktrina e Besëlidhje 84
- Doktrina e Besëlidhje 85–87
- Doktrina e Besëlidhje 88
- Doktrina e Besëlidhje 89–92
- Doktrina e Besëlidhje 93
- Doktrina e Besëlidhje 94–97
- Doktrina e Besëlidhje 98–101
- Doktrina e Besëlidhje 102–105
- Doktrina e Besëlidhje 106–108
- Doktrina e Besëlidhje 109–110
- Doktrina e Besëlidhje 111–114
- Doktrina e Besëlidhje 115–120
- Doktrina e Besëlidhje 121–123
- Doktrina e Besëlidhje 124
- Doktrina e Besëlidhje 125–128
- Doktrina e Besëlidhje 129–132
- Doktrina e Besëlidhje 133–134
- Doktrina e Besëlidhje 135–136
- Doktrina e Besëlidhje 137–138
- Nenet e Besimit dhe Deklaratat Zyrtare 1 dhe 2
- Familja: Një Proklamatë drejtuar Botës
- Krishti i Gjallë
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Për Forcën e Rinisë: Bërja e Zgjedhjeve
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Mësimi 175 – Vendosja e Synimeve: Të Bëhemi më Shumë si Ati Qiellor dhe Jezu Krishti

“Mësimi 175 – Vendosja e Synimeve: Të Bëhemi më Shumë si Ati Qiellor dhe Jezu Krishti”, Manuali i Mësuesit të Seminarit për Doktrinën e Besëlidhjet (2025)

“Vendosja e Synimeve”, Manuali i Mësuesit të Seminarit për Doktrinën e Besëlidhjet

Mësimi 175: Për Forcën e Rinisë: Bërja e Zgjedhjeve

Vendosja e Synimeve

Të Bëhemi më Shumë si Ati Qiellor dhe Jezu Krishti

Ati Qiellor dëshiron që të gjithë fëmijët e Tij ta fitojnë jetën e përjetshme (shih te Moisiu 1:39). Ne mund të përparojmë në përpjekjet tona për t’u bërë si Perëndia dhe për t’u kthyer në praninë e Tij duke vendosur synime vetjake. Ky mësim mund t’i ndihmojë nxënësit të vendosin synime dhe të krijojnë plane në mënyrë të efektshme ndërsa kërkojnë të bëhen më shumë si Perëndia me ndihmën e Tij.

Veprimtari të Mundshme të të Mësuarit

Ku po shkon? Si do të shkosh atje?

Paraqitni një hartë të botës ose një hartë të zonës suaj. Kërkojuni nxënësve të tregojnë vendndodhjet që ata i kanë vizituar ose që do të donin t’i vizitonin. Jepuni nxënësve dy minuta për të krijuar një plan që mund ta ndihmojë dikë të udhëtojë drejt asaj vendndodhjeje. Plani mund të përfshijë gjëra si mënyra e përshtatshme e transportit, një itinerar i hollësishëm dhe shpenzimet. Nxënësit mund t’ia tregojnë planin e tyre një partneri.

Si mund të lidhet me jetën tonë në vdekshmëri krijimi i një plani udhëtimi?

Presidenti M. Rasëll Ballard, i Kuorumit të Dymbëdhjetë Apostujve, tregoi sa vijon:

“Ta dish se ku je duke shkuar dhe mënyrën se si pret të mbërrish atje mund t’i japë kuptim, qëllim dhe përmbushje jetës.

Disa kanë vështirësi që ta bëjnë dallimin midis një synimi dhe një plani, derisa mësojnë se një synim është një vendmbërritje apo një përfundim, ndërkohë që një plan është rruga me anë të së cilës ti mbërrin atje.” (M. Rasëll Ballard, “Të Kthehemi dhe të Marrim”, Liahona, maj 2017, f. 62)

Cilat janë qëllimet e synimeve dhe planeve?

Ftojini nxënësit të reflektojnë mbi synimet dhe planet e tyre vetjake duke përsiatur për pyetje si ato në vijim:
Sa shpesh vendos synime për veten dhe bën plane për t’i arritur ato?
Cilat kanë qenë sukseset dhe vështirësitë e tua?
Ku shpreson të të çojnë synimet dhe planet e tua?

Gjatë gjithë mësimit, nxitini nxënësit të kërkojnë udhërrëfim nga Fryma e Shenjtë ndërsa zhvillohen dhe punojnë për arritjen e synimeve dhe planeve të tyre.

Perëndia na ka dhënë një shembull

Ndërsa e paraqitni thënien vijuese, merreni parasysh ta hiqni frazën “të bëj[ë] të ndodhë pavdekësia dhe jeta e përjetshme e njeriut” dhe fjalën “shpëtim” nga paragrafi i parë. Kërkojuni nxënësve t’i plotësojnë vendet bosh me synimin e Perëndisë dhe emrin e planit të Tij. Nxënësit mund të lexojnë më pas te Moisiu 1:39 ose Alma 42:5 për të përcaktuar fjalët që përdori Presidenti Ballard. Ju mund të shpjegoni se përdorimi i fjalës “njeri” te Moisiu 1:39 dhe i shkrimeve të tjera të shenjta (për shembull, Zanafilla 1:27; Mormoni 9:17) është një referencë e përgjithshme ndaj të vdekshmëve ose njerëzve, duke iu referuar kështu si burrave, edhe grave.

Presidenti Ballard vazhdoi të jepte mësim:

“Perëndia, Ati ynë Qiellor, na ka dhënë shembullin e përkryer të vendosjes së synimeve dhe të planifikimit. Synimi i Tij është që të ‘bëj[ë] të ndodhë pavdekësia dhe jeta e përjetshme e njeriut’ [Moisiu 1:39] dhe mënyra e Tij për ta realizuar atë është plani i shpëtimit. …

… Unë besoj se një çelës i rëndësishëm drejt lumturisë është që të mësojmë se si t’i vendosim synimet tona dhe të krijojmë vetë planet tona brenda kornizës së planit të përjetshëm të Atit tonë Qiellor.” (M. Rasëll Ballard, “Të Kthehemi dhe të Marrim”, Liahona, maj 2017, f. 63)

Çfarë mëson nga kjo thënie rreth synimeve dhe planeve të tua?

Një e vërtetë që mund ta përcaktojnë nxënësit është se ne mund të përjetojmë lumturi duke punuar për të arritur synimet vetjake që na ndihmojnë ta ndjekim planin e Perëndisë. Ndihmojini nxënësit të kuptojnë se Perëndia e ka bërë të mundur nëpërmjet Shpëtimtarit që ne të jetojmë përgjithmonë ose të fitojmë pavdekësinë. Ai gjithashtu dëshiron që ne të bëhemi si Ai dhe Jezu Krishti dhe të kthehemi të jetojmë me Ta, ose të fitojmë jetën e përjetshme. Plani i Perëndisë për shpëtimin i bën këto bekime të mundura.
Pse mendon se mund të përjetojmë lumturi kur synimet tona na ndihmojnë ta ndjekim planin e Perëndisë? (shih te 2 Nefi 2:25; Mosia 2:41).

Lexo te Lluka 2:52, duke kërkuar mënyrat se si Shpëtimtari u rrit e u bë i ri ndërsa Ai e ndiqte planin e Atit të Tij.
Përse mund të çojë në lumturi më të madhe ndjekja e shembullit të Shpëtimtarit për rritjen në këto fusha?

Një model për rritje

Një Model për Rritje

Zbulo nevojat, dhuratat dhe talentet e tua. Përpiqu të bësh pyetje si:

Çfarë ndiej se duhet të mësoj ose të ndryshoj në jetën time?

Çfarë talentesh ose aftësish dua të fitoj?

Çfarë zakonesh shpirtërore kam nevojë të zhvilloj ose përmirësoj?

Si mund t’i mbaj besëlidhjet që bëra kur u pagëzova?

Kujt mund t’i shërbej?

“Studio[je] atë tërësisht në mendjen tënde; më pas … më pye[t] nëse është e drejtë” (Doktrina e Besëlidhje 9:8).

Planifiko të përmirësohesh. Përpiqu të bësh pyetje si:

Përse është e rëndësishme kjo për mua?
Si do të më ndihmojë kjo që të bëhem më shumë si Jezu Krishti?
Çfarë veprimesh mund të ndërmarr për ta bërë këtë?
A mund t’i ndaj këto veprime në hapa më të vegjël?
Çfarë planesh mund të bëj tani për t’i mposhtur sfidat me të cilat mund të përballem?

“Fjalët e Krishtit do t’ju tregojnë të gjitha gjërat që ju duhet të bëni” (2 Nefi 32:3).

Reflekto mbi atë që mësove. Përpiqu të bësh pyetje si:

Si jam rritur?
Si mund t’i përdor ato që kam mësuar, për t’u shërbyer të tjerëve?
Si më kanë ndihmuar veprimet e mia për t’u bërë më i/e afërt me Shpëtimtarin?
Si mund të vazhdoj të rritem në këtë fushë?

“Sheshoje shtegun e këmbëve të tua” (Fjalët e Urta 4:26).

Vepro që të rritesh në besim. Nëse bllokohesh, përpiqu të bësh pyetje si:

Çfarë ka funksionuar? Përse?
Çfarë nuk ka funksionuar? Pse jo?
Çfarë mund të provoj tjetër?
Ku mund të gjej ide të tjera?
A mund ta ndaj synimin tim në hapa ose veprime më të vogla?
Si mund të mësoj nga pengesat?

“Në të vërtetë unë them, [ju] duhet të përfshihen[i] me zell në një kauzë të mirë dhe të bë[ni] shumë gjëra me vullnetin [tuaj] të lirë” (Doktrina e Besëlidhje 58:27).

Cilat pyetje e ndien se mund të jenë të dobishme ndërsa punon për të arritur synimet dhe planet e tua? Përse?
Si mund të të ndihmojë ky model në përpjekjet e tua për t’u bërë më shumë si Ati Qiellor dhe Jezu Krishti?
Si mund të të ndihmojë Ati Qiellor dhe Jezu Krishti në përpjekjet e tua?

Zbulo, planifiko, vepro, reflekto

Jepuni nxënësve kohë që të punojnë për t’i arritur synimet e tyre vetjake. Paraqitini udhëzimet e mëposhtme:

Zgjidh titullin që të përshkruan më mirë dhe ndiq një ose më shumë prej udhëzimeve përkatëse. Kërko ndihmë nga Fryma e Shenjtë dhe përdor “Një Model për Rritje” (që gjendet te Libri Udhëzues për Rininë ose në fletushkë).

Nuk kam bërë synime ose plane të veçanta.
a. Zbulo se për çfarë duhet të punosh me njërën ose më shumë prej fushave vijuese: shpirtërore, sociale, intelektuale, fizike.

b. Krijo plane që do të të ndihmojnë t’i arrish këto synime.

c. Mbaji shënim synimet dhe planet e tua te Libri Udhëzues për Rininë ose në ditarin e studimit.
Unë kam synime dhe plane që po përpiqem t’i realizoj.
a. Nëse është e përshtatshme, përdore kohën në klasë për të vepruar sipas planeve dhe synimeve të tua.

b. Reflekto mbi ato që ke mësuar dhe përparimin që ke bërë ndërsa ke vepruar sipas synimeve dhe planeve të tua.

c. Shënoji mendimet e tua dhe përshtati synimet ose planet e tua te Libri Udhëzues për Rininë ose ditari yt i studimit, sipas nevojës.

Pas një kohe të mjaftueshme, ftojini disa nxënës të tregojnë synimet që kanë vendosur ose sukseset dhe sfidat që kanë përjetuar ndërkohë që punonin për t’i arritur synimet e tyre.

Ftojini nxënësit të veprojnë sipas synimeve të tyre vetjake. Shpjegoni se puna për t’i arritur synimet është një vepër besimi. Dëshmoni se Jezu Krishti i di pikat tona të forta dhe të dobëta. Ai do të na ndihmojë t’ia dalim mbanë ndërsa drejtohemi tek Ai.

Burime Shtesë

Përse është e rëndësishme të vendosësh synime?

Presidenti Dallin H. Ouks, i Presidencës së Parë, dha mësim:

“Rritja shpirtërore, shoqërore, fizike dhe intelektuale është e gjitha pjesë e tërësisë që Ati juaj Qiellor dëshiron që të keni dhe do t’ju ndihmojë ta arrini. Mbajeni mend se kjo përvojë e vdekshme është një përvojë në të cilën ne mësojmë të bëhemi çka Perëndia Ati ynë Qiellor dëshiron që të bëhemi dhe çka Ai ka bërë të mundur duke na dhënë Birin e Tij të Vetëmlindurin, Shlyerja e të cilit na siguron për pavdekësinë dhe na jep mundësinë për jetën e përjetshme.” (Dallin H. Oaks, “You Can Do This”, New Era, prill 2020, f. 14)

Çfarë mund të më ndihmojë t’i arrij synimet e mia?

Presidenti M. Rasëll Ballard, i Kuorumit të Dymbëdhjetë Apostujve, dha mësim:

16:10

“Specialistët për vendosjen e synimeve na thonë se, sa më i thjeshtë dhe i drejtpërdrejtë të jetë një synim, aq më shumë fuqi do të ketë ai. Kur ne mund ta thjeshtojmë një synim në një imazh të qartë apo në një ose dy fjalë të fuqishme dhe simbolike, ai synim mund të bëhet më pas pjesë e jona dhe të udhëheqë praktikisht çdo gjë që ne e mendojmë dhe bëjmë. Besoj se ka dy fjalë që, në këtë kontekst, simbolizojnë synimet e Perëndisë për ne dhe synimet tona më të rëndësishme për veten tonë. Fjalët janë të kthehemi dhe të marrim.

Të kthehemi në prani të Tij dhe të marrim bekimet e përjetshme që vijnë nga bërja dhe mbajtja e besëlidhjeve, janë synimet më të rëndësishme që mund të vendosim.” (M. Rasëll Ballard, “Të Kthehemi dhe të Marrim”, Liahona, maj 2017, f. 63)

Për të mësuar më shumë rreth parimeve të vendosjes së efektshme të synimeve, merre parasysh të studiosh fjalimin e plotë të Presidentit Ballard “Të Kthehemi dhe të Marrim”.

Veprimtari Plotësuese të të Mësuarit

Shembulli i një profeti

Merreni parasysh të paraqitni një figurë të Jozef Smithit në Korijen e Shenjtë. Ftojini nxënësit të përcaktojnë parimet e vendosjes së synimeve në shembullin e Jozefit.

Çfarë parimesh shihni në shembullin e Jozef Smithit që mund të gjejnë zbatim në vendosjen e synimeve? (shihni te Joseph Smith – Historia 1:8–14, 18).
Si mund t’i zbatojmë këto parime në vetë përpjekjet tona për t’i arritur synimet?

Shembuj të vendosjes së synimeve

Për t’i ndihmuar nxënësit ta thellojnë kuptueshmërinë e tyre të modelit për rritjen, merreni parasysh të shihni njërin prej shembujve vijues te “Video: You Can Do This Individually” [“Material Filmik: Mund ta Bëni Këtë Individualisht”] (6:34), në dispozicion në ChurchofJesusChrist.org. Ftojini nxënësit të kërkojnë se si e zbatuan të rinjtë modelin për rritje.

6:34

Eshli mëson përmendsh “The Living Christ: The Testimony of the Apostles” [“Krishti i Gjallë: Dëshmia e Apostujve”] (shikoje nga kodi kohor 0:00 deri në 1:55, [ose lexo dokumentin “Krishti i Gjallë” në shqip]).
Eli vrapon çdo ditë (shikoje nga kodi kohor 1:55 deri në 3:28).
Mek-Kena bën kërkime për historinë e saj familjare (shikoje nga kodi kohor 3:28 deri në 6:34).

Mbaje Shpëtimtarin në qendër të planeve të tua

Merreni parasysh ta jepni këtë thënie nga Presidenti Rasëll M. Nelson:

“Kur vendosni synimet tuaja për t’u ‘rrit[ur] në dituri, në shtat dhe në hir përpara Perëndisë dhe njerëzve’, ju lutemi mbajeni Shpëtimtarin në qendër të planeve tuaja. Gjithmonë pyeteni veten tuaj dhe pyeteni plot lutje Atin tuaj në Qiell: ‘Çfarë mund të bëj unë për t’u bërë më shumë si Jezu Krishti?’ Teksa e bëni këtë çdo ditë, mrekulli do të ndodhin.” (Russell M. Nelson, në një mesazh filmik të paraqitur në Face to Face with Elder Gerrit W. Gong [transmetim mbarëbotëror për fëmijët dhe të rinjtë, 17 nëntor 2019], broadcasts.ChurchofJesusChrist.org)

99:51

Si mund të ndikojë vendosja e Jezu Krishtit në qendër të planeve në synimet që vendosim?

Ftojini nxënësit të marrin parasysh me lutje se si ta mbajnë Jezu Krishtin në qendër të planeve të tyre për të arritur synimet e tyre.

Synimet afatshkurtra dhe afatgjata

Merreni parasysh ta tregoni këtë thënie nga Presidenti M. Rasëll Ballard, i Kuorumit të Dymbëdhjetë Apostujve:

“Vendosja në mënyrë të mençur e synimeve përfshin të kuptuarin se synimet afatshkurtra janë të efektshme vetëm nëse ato na çojnë drejt synimeve më afatgjata të kuptuara qartë.” (M. Rasëll Ballard, “Të Kthehemi dhe të Marrim”, Liahona, maj 2017, f. 63)

Jepuni nxënësve një listë të synimeve afatgjata që mund të ketë një person, si ato në vijim. Nxënësit mund ta krijojnë edhe vetë listën e tyre të synimeve afatgjata.

Të shërbejnë në një mision kohëplotë.
Të martohen në tempull.
Të frekuentojnë kolegjin.
Të punojnë në një karrierë që kanë zgjedhur.

Ftojini nxënësit të krijojnë shembuj të synimeve afatshkurtra që mund ta ndihmojnë dikë t’i arrijë këto synime afatgjata. Për shembull, nëse një person kishte një synim afatgjatë për të shërbyer në një mision, ai mund të krijojë synime afatshkurtra për të kursyer para ose për të lexuar të gjithë Librin e Mormonit.

Programi Kompjuterik Gospel Living [Të Jetuarit e Ungjillit]

Programi kompjuterik Gospel Living [Të Jetuarit e Ungjillit], përmban shumë burime për t’i ndihmuar të rinjtë të punojnë për synimet e tyre, duke përfshirë ide, një vend për të mbajtur shënime dhe njoftimet. Merreni parasysh ta ftoni një nxënës që ka njohuri për programin kompjuterik që t’i tregojë klasës se si ta përdorë atë për të krijuar dhe gjurmuar synimet vetjake.