Vlerësoni të Mësuarit Tuaj 8

Sillni disa gurë të madhësive të ndryshe në klasë dhe vërini nxënësit të krijojnë një shenjues shtegu. Ftojini nxënësit të vendosin disa gurë njëri mbi tjetrin dhe të shohin se çfarë e krijon një themel të qëndrueshëm. (Përndryshe, tregoni një figurë të një shenjuesi të shtegut.) Ju mund të përmendni se në lashtësi dhe sot, këta shenjues shtegu u ofrojnë siguri dhe drejtim udhëtarëve. Ju mund të bëni pyetjet vijuese rreth veprimtarisë.

Ndihmojini nxënësit ta dallojnë se fragmentet e shkrimit të shenjtë që i kanë studiuar, mësimet që i kanë mësuar dhe mësimet që i kanë zbatuar në studimin e tyre të librit Doktrina e Besëlidhje, mund të jenë si gurët e vendosur njëri mbi tjetrin, që ofrojnë siguri dhe drejtim ndërsa ata udhëtojnë përgjatë shtegut të besëlidhjeve. Ftojini nxënësit t’i shqyrtojnë shënimet që kanë mbajtur dhe shkrimet e shenjta që i studiuan gjatë disa javëve të fundit (Doktrina e Besëlidhje 95–115), duke përsiatur të vërtetat që kanë mësuar.

Paraqitini pyetjet vijuese për t’i ndihmuar nxënësit të reflektojnë mbi përparimin e tyre shpirtëror. Ftojini nxënësit t’u përgjigjen dy ose më shumë prej pyetjeve në ditarët e tyre të studimit.

Pasi nxënësit të kenë pasur kohë të mjaftueshme për t’i shënuar përgjigjet e tyre, ftojini disa vullnetarë të tregojnë reflektime që nuk janë tepër vetjake. Ata mund të tregojnë fragmentet e shkrimit të shenjtë që ishin domethënëse për ta dhe përse. Ndërsa nxënësit tregojnë, ata mund të shtojnë gurë në shenjuesin e shtegut.

Merrini parasysh nxitjet e Shpirtit dhe nevojat e nxënësve tuaj ndërsa përzgjidhni se cilat prej veprimtarive vijuese të përdorni.

Ndihmojini nxënësit ta vlerësojnë atë që kanë mësuar kohët e fundit rreth priftërisë së Shpëtimtarit dhe çelësave të priftërisë. Në studimin e tyre te Mësimi 119: Doktrina e Besëlidhje 107:1–20, nxënësit mund të kenë mësuar se ata që shërbejnë në Kishë, mund të përdorin fuqinë e Shpëtimtarit nëpërmjet priftërisë së Tij. Në studimin e tyre të mësimit Doktrina e Besëlidhje 110, Pjesa 2, nxënësit mund të kenë mësuar rreth rivendosjes së çelësave të priftërisë për Jozef Smithin dhe Oliver Kaudërin në Tempullin e Kirtlandit.

Ju mund të jepni skenarin vijues. Për të shkruar përgjigjet e tyre, nxënësit mund të shqyrtojnë shënimet që kanë mbajtur në ditarët e tyre, ose shkrimet e shenjta që i kanë shenjuar.

Nëse nxënësve u nevojitet ndihmë, nëse doni, mund ta vizatoni përsëri në tabelë pemën nga Mësimi 119: Doktrina e Besëlidhje 107:1–20 dhe t’i emërtoni degët sipas organizatave të ndryshme në Kishë. Nxënësit mund të tregojnë se burrat dhe gratë që marrin thirrje në Kishë, marrin fuqi nga Shpëtimtari për t’u shërbyer të tjerëve në Kishën e Tij. Si pjesë e shpjegimeve të tyre, nxënësit mund të përdorin vargjet nga seksioni 107 për të ilustruar që të gjitha autoritetet dhe detyrat në Kishën e Shpëtimtarit janë shtesa të Priftërisë Melkizedeke. Disa vargje që ata mund t’i përdorin, mund të përfshijnë vargjet 5, 8, 14, 18–20, ose vargje të tjera të zgjedhura prej tyre për ta dhënë këtë mësim.

Përndryshe, mund të paraqitni figura të vizitave të Moisiut, Eliasit dhe Elijas në Tempullin e Kirtlandit, të përshkruara te Doktrina e Besëlidhje 110. Ftojini nxënësit të tregojnë se kush ishin këta vizitorë dhe cilët çelësa rivendosën ata. Nxitini ata t’i përdorin vargjet nga seksioni 110 në shpjegimet e tyre.

Në një mësim të fundit, nxënësit mund të kenë mësuar se si Presidenca e Parë dhe Kuorumi i Dymbëdhjetë Apostujve janë dëshmitarë të veçantë të emrit të Krishtit në mbarë botën (shihni te Doktrina e Besëlidhje 107:23). Jepuni nxënësve një mundësi për të reflektuar për dëshminë e tyre që profetët dhe apostujt janë dëshmitarë të veçantë të Krishtit në kohën tonë dhe janë ngarkuar nga Jezu Krishti me detyrën për të na ndihmuar të vijmë më pranë Tij.

Një mënyrë për ta bërë këtë mund të jetë të tregoni një fotografi të fundit të Presidencës së Parë dhe Kuorumit të Dymbëdhjetë Apostujve dhe të bëni pyetjen vijuese. Mund t’u jepni kohë nxënësve për të përsiatur dhe për t’i shënuar mendimet e tyre në ditarët e tyre të studimit. Pas njëfarë kohe, lërini disa nxënës të gatshëm të flasin.

Pas një kohe të përshtatshme, disa nxënës mund t’ia tregojnë klasës atë që shkruan ose publikuan.

Në mësimet e mëparshme, nxënësit patën mundësi që të përgatiteshin për ta adhuruar Zotin në tempullin e Tij. Ja tek janë disa përmbledhje të mësimeve të fundit që ndihmuan për këtë:

• Në seksionin 95, nxënësit mund të kenë diskutuar bërjen e sakrificave për të adhuruar në tempull.

• Në seksionin 97, ata mund të kenë shqyrtuar se si pyetjet e rekomandimit të tempullit na ndihmojnë të bëhemi të pastër në zemër.

• Në seksionin 109, nxënësit zbuluan bekimet e lidhura me adhurimin në tempull dhe morën parasysh se si këto bekime mund t’u japin shtysë atyre në jetën e tyre.

• Në seksionin 110, nxënësit mund të kenë diskutuar se si denjësia e tyre mund t’i ndihmojë ata të ndihen më afër Zotit në tempullin e Tij (shihni te Doktrina e Besëlidhje 110:5–10).

Ftojini nxënësit t’i shqyrtojnë qëllimet ose planet e veçanta që i kanë bërë për t’i ndihmuar ata të përgatiten për ta adhuruar Atë në tempullin e Tij.

Nëse nxënësit do të përfitonin nga pyetje më të veçanta që ndjekin ecurinë e planeve ose qëllimeve për të cilat ata kanë punuar, mund të paraqitni tekstin vijues për nxënësit dhe t’i vini ata të përgjigjen në ditarët e tyre të studimit.

Nxitini nxënësit të veprojnë sipas çdo ndryshimi që janë ndier të nxitur të bëjnë ndërsa e kanë shqyrtuar përparimin e tyre. Ju mund t’i përgëzoni përpjekjet e nxënësve për ta bërë Atin Qiellor, Shpëtimtarin tonë dhe ungjillin një përparësi në jetën e tyre. Mund ta përmbyllni duke dhënë një shembull të bekimeve që keni marrë nga përgatitjet tuaja për ta adhuruar Shpëtimtarin në tempullin e Tij.