Doktrina e Besëlidhje 111

Fillojeni orën mësimore duke i ftuar nxënësit të mendojnë rreth sfidave me të cilat përballen zakonisht adoleshentët, që mund të bëjnë që ata të ndihen të shkurajuar ose të frikësohen se gjërat nuk do të bëhen më mirë. Më pas mund të vizatoni në tabelë një shkallë si ajo më poshtë dhe t’i ftoni nxënësit ta përdorin atë për t’iu përgjigjur pyetjes më poshtë.

Merreni parasysh ta ftoni një nxënës që ta lexojë sfondin kontekstual vijues, ose mund ta përmblidhni atë me vetë fjalët tuaja. Përndryshe, mund t’i ftoni nxënësit të lexojnë nga kapitulli 22 i materialit Saints: The Story of the Church of Jesus Christ in the Latter Days [Shenjtorët: Historia e Kishës së Jezu Krishtit në Ditët e Mëvonshme], vëll. 1, The Standard of Truth [Standardi i së Vërtetës], 1815–1846 ([2018], f. 258–259), ose mund të vini variantin zanor të atij kapitulli (në dispozicion në saints.ChurchofJesusChrist.org) nga kodi kohor 16:14 deri në 17:00. Mund të vini në dukje se ashtu siç ne në jetën tonë përballemi me sfida që mund të jenë shkurajuese, në vitin 1836 Jozef Smithi dhe udhëheqësit e tjerë të Kishës u përballën me sfida që u shkaktuan atyre shqetësim të madh në lidhje me të ardhmen e Sionit.

Ndërsa nxënësit studiojnë seksionin te Doktrina e Besëlidhje 111, ftojini ata të kërkojnë zbulesë rreth mënyrave se si Zoti mund të na ndihmojë ta shtojmë vetëbesimin tonë se problemet dhe sfidat tona mund të rregullohen për të mirën tonë.

Në përgjigjet e tyre për pyetjen e dytë, nxënësit mund të përmendin një numër të vërtetash ose cilësish të Perëndisë. Ata mund të përfshijnë të vërteta si ato në vijim: Perëndia është i mëshirshëm me marrëzitë tona (shihni te vargu 1); Perëndia komunikon me ne nëpërmjet paqes dhe fuqisë së Shpirtit të Tij (shihni te vargu 8); Perëndia mund t’i urdhërojë të gjitha gjërat për të mirën tonë (shihni te vargu 11).

Ndiqni nxitjet e Shpirtit për të vërtetat që do të ishin të dobishme që nxënësit t’i studiojnë më thellësisht. Pjesa e mbetur e këtij mësimi do të përqendrohet në të vërtetën që Perëndia mund t’i urdhërojë të gjitha gjërat për të mirën tonë. Merreni parasysh ta shkruani këtë të vërtetë në tabelë dhe t’i ftoni nxënësit të shenjojnë te vargu 11 fjalët që e japin mësim atë.

Sipas nevojës, ndihmojini nxënësit të kuptojnë se fjala urdhëroj në këtë varg do të thotë “rregulloj”. Ju mund t’i referoheni shkallës në tabelë dhe t’i ftoni nxënësit të përsiatin se sa të sigurt janë se Perëndia mund t’i rregullojë “të gjitha gjërat” për të mirën e tyre.

Merreni parasysh të diskutoni me nxënësit se nëse ata do të donin ta besonin këtë të vërtetë më fort, ata mund të luten për ndihmë për ta thelluar kuptueshmërinë dhe besimin e tyre në këtë cilësi të Perëndisë.

Sipas nevojës, shpjegoni se “të zgjuar sa gjarpërinjtë dhe përsëri pa mëkatuar” (vargu 11) i referohet idesë që dishepujt e Shpëtimtarit duhet ta ndërthurin urtësinë me pafajësi dhe pastërti.

Për veprimtarinë vijuese, ju mund t’i organizoni nxënësit në grupe me nga tre veta. Kërkojini secilit nxënës në grup të lexojë një fragment të ndryshëm më poshtë. Pasi nxënësit t’i kenë lexuar dhe diskutuar fragmentet, merreni parasysh t’i ftoni ata të vijnë në tabelë dhe të shkruajnë diçka që gjetën. Ata mund ta shkruajnë atë përreth të vërtetës në tabelë, me një shigjetë të drejtuar drejt së vërtetës.

Ftojini nxënësit ta lexojnë thënien vijuese nga Presidenti Gordon B. Hinkli dhe më pas ta shtojnë atë që mësuan, në listën në tabelë:

Ftojini nxënësit t’i japin mësim njëri‑tjetrit rreth asaj që shkruan në tabelë. Ata mund të shpjegojnë arsyen përse është kuptimplotë për ta. Disa nga pyetjet vijuese mund ta përmirësojnë diskutimin:

Veprimtaria vijuese u jep kohë nxënësve për të marrë parasysh se si ajo që kanë mësuar dhe ndier sot, mund të ndikojë në jetën e tyre dhe në marrëdhënien e tyre me Atin Qiellor. Pasi nxënësit të mbarojnë së shkruari në ditarët e tyre, ju mund t’i ftoni disa vetë t’ia tregojnë klasës.