1 Mpanjaka 12–13; 17–22

Ahoana no hanoritsoritanao ny fahadisoana nataon’i Rehoboama Mpanjaka, zanakalahin’i Solomona ao amin’ny 1 Mpanjaka 12:1–14? Inona avy ireo toetra tahaka ny an’i Kristy izay mety ho nanampy an’i Rehoboama hamonjy ny fanjakany? (jereo ny andininy 7; Matio 20:25–28; Môzià 2:10–21). Ahoana no ahafahanao mampiasa ireo toetra ireo amin’ny maha-mpitarika anao, na amin’ny antso ao am-piangonana na amin’ny maha-mpitarika anao eo amin’ny fiainanao manokana?

Nangataka ny vehivavy mpitondratena iray ny mpaminany Elia mba hanome sakafo sy rano azy alohan’ny hamahanany ny tenany sy ny zanany lahy izay noana. Nahoana izy no nanao izany? Azo raisina ho toy ny fitahiana ho an’io fianakaviana kely io ny fangatahana nataon’i Elia. Nila ny fitahian’ny Tompo izy ireo, ary ny fahafoizan-tena no mitondra fitahiana, anisan’izany ny fahazoana finoana mafy orina kokoa.

Eo am-pamakianao ny 1 Mpanjaka 17:8–16 dia alaovy sary an-tsaina hoe io vehivavy mpitondratena io ianao. Inona no manaitra anao mikasika azy? Azonao atao koa ny manao lisitra ireo safidy izay mitaky finoana an’i Jesoa Kristy (ohatra, jereo ny Ho zatovo mahery!: Torolalana amin’ny fanaovana safidy [2022]). Inona no ianaranao avy amin’io vehivavy mpitondratena io momba ny fampiharana finoana:

Inona no mampitovy ny fihetsik’i Elisa ao amin’ny 1 Mpanjaka 19:19–21 amin’ny zavatra nataon’ilay mpitondratena?

Eritrereto ireo fahafoizan-tena nataonao mba hanarahana ny Mpamonjy. Inona no ampianarin’ny 1 Mpanjaka 17:8–16; 19:19–21 momba ireo fahafoizan-tena ireo? Nahoana no manampy anao ny fahalalanao momba ny Mpamonjy rehefa angatahana hanao fahafoizan-tena ianao? Ahoana no nitahiany anao?

Jereo koa ny Matio 4:18–22; 6:25–33; Lioka 4:24–26; “L’amour de Dieu, sa force aussi,” Cantiques, no. 45.

10:13

Mety nahatsapa ny Isiraelita fa nanana antony tsara hanompoana an’i Bala izy ireo, izay fantatra amin’ny hoe andriamanitry ny tafio-drivotra sy ny orana. Taorian’ny hain-tany nandritra ny telo taona dia nila orana mafy izy ireo. Ary ny fivavahana tamin’i Bala dia neken’ny fiarahamonina sy namporisihin’ny mpanjaka lahy sy mpanjaka vavy. Eo am-pamakianao ny 1 Mpanjaka 18 dia eritrereto ny antony mety hahatonga ny olona iray ho tsy tapa-kevitra ny hanaraka ny Tompo amin’izao androntsika izao. Ao amin’ity toko ity, inona araka ny eritreritrao no ezahan’ny Tompo hampianarina momba ny Tenany? Inona no zavatra niainanao ka nanampy anao hanolo-tena hanaraka ny Mpamonjy?

Jereo ihany koa ny D. Todd Christofferson, “Safidy sy Fanoloran-tena” (fampaherezam-panahy maneran-tany ho an’ny tanora tokan-tena sy mpivady vao herotrerony, 12 jan. 2020), Médiathèque de l’Évangile.

Indrisy anefa fa ilay fahagagana teo amin’ny Tendrombohitra Karmela dia tsy nanamora ny asa nanirahana an’i Elia. Raha ny marina dia notandindomin-doza ny fiainany ary tsy maintsy niafina tao amina lava-bato iray tany an-tany foana izy. Rehefa nitolona tamin’ny fanireriny sy ny hakiviany tao izy dia nisy zavatra niainany niaraka tamin’ny Tompo izay tsy nitovy mihitsy tamin’ny zavatra niainany teo amin’ny Tendrombohitra Karmela. Inona no ampianarin’ny zavatra niainan’i Elia tao amin’ny 1 Mpanjaka 19:1–18 anao momba ny fomba ifandraisan’ny Tompo aminao ao anatin’ny fotoana maha-sahirana anao?

Saintsaino ireo fotoana izay nahatsapanao fa niresaka taminao ny Tompo. Ahoana no hamaritanao ny fomba ifandraisany aminao? Nahoana no fomba tsara ilazalazana ny feon’ny Fanahy ireo teny hoe “tony” sy “malefaka”? Inona avy ireo teny hafa hitanao ao amin’ny Helamàna 5:30; Fotopampianarana sy Fanekempihavanana 6:22–23; 11:12–14? Inona no tokony hataonao mba handraisana matetika kokoa ny fitarihan’ny Tompo?

Jereo koa ny Salamo 46:10.

• Mba hanampiana ny zanakao hianatra ireo tantaran’ny finoana ao amin’ny 1 Mpanjaka 17, dia azonao atao ny mampiseho azy ireo sary na zavatra azo tsapain-tanana mba hanehoana ireo tantara, toy ny vorona, na mofo, na zazalahy. Rehefa mitantara ireo tantara ireo amin’ny zanakao ianao dia asao izy ireo hitady ilay sary na zavatra mifanaraka amin’ny tantara tsirairay. Afaka manampy anao hitantara ireo tantara ireo ny “Mpaminany Elia” (ao amin’ny Tantara ao amin’ny Testamenta Taloha, 121–24). Inona no ampianaran’ireo tantara tsirairay ireo antsika momba ny fanehoana finoana an’i Jesoa Kristy?

  

  1:58

• Ampio ny zanakao hieritreritra fomba ahafahan’izy ireo maneho ny finoany an’i Jesoa Kristy.

• Azon’ny zanakao atao angamba ny manao ny sarin’ny zavatra nasain’ny Tompo nomen’ilay mpitondratena an’i Elia (jereo ny 1 Mpanjaka 17:12–13) sy ny zavatra noraisin’ilay mpitondratena ho valin’izany (jereo ny 1 Mpanjaka 17:15–16). (Jereo koa ny pejin’ny sahanasa ho an’ity herinandro ity.) Azon’izy ireo atao ihany koa ny mitady sarin’olona hafa izay nahafoy zavatra iray izay tian’izy ireo ho an’ny zavatra tsaratsara kokoa. Asao ny zanakao hitady sary ao amin’ny Boky mirakitra sary momba ny filazantsara na ny Avia, Hanaraka Ahy. Inona no angatahin’ny Tompo mba hafoinao? Ahoana no hitahiany antsika?

• Rehefa miara-mamaky ny 1 Mpanjaka 18:17–39 ianareo dia afaka maka andininy iray ny zanakao ary manao ny sarin’ny zavatra fariparitan’izany. Afaka mampiasa ny sariny mba hitantarana ny tantara amin’ny tenin’izy ireo manokana izy ireo. (Jereo ihany koa ny “Elia sy ireo mpisoron’i Bala,” ao amin’ny Tantara ao amin’ny Testamenta Taloha , 125–28.)

  

  2:17

• Ampio ny zanakao hieritreritra toe-javatra izay mety hilainy hanapahan-kevitra raha toa ka hanaraka na tsia an’i Jesoa Kristy izy ireo. Angamba azon’izy ireo atao ny manao ny sarin’izy ireo manao safidy tsara. Ifampizarao ny antony isafidiananareo ny hanaraka an’i Jesoa.

• Rehefa mamintina ny 1 Mpanjaka 19:9–12 ianao dia asao ny zanakao hanao fihetsika mba hanehoana ny rivotra mahery vaika sy ny horohoron-tany ary ny afo. Avy eo dia asao izy ireo mba hipetraka milamina tsara eo am-piarahanareo miteny amin’ny feo malefaka ny hoe: “manarakaraka ny afo nisy feo nitsoka malemy” (andininy 12). (Jereo koa ny “Miteny amin’i Elia ny Tompo,” ao amin’ny Tantara ao amin’ny Testamenta Taloha, 129–31.) Tantarao amin’ny zanakao ireo fotoana nahatsapanao ny feo tony sy malefaky ny Fanahy Masina.

  

  1:48

• Mihirà moramora hira iray momba ny Fanahy Masina, toy ny “Ny Fanahy Masina” Bokin-kiran’ny Ankizy, 56). Inona no mety hanelingelina antsika ka tsy hahafantatra ny Fanahy? Inona no afaka manampy antsika haheno Azy?