Wozani, Ngilandeleni
NgoMeyi 25–31. “USimakade Wabavusela uMkhululi”: Abehluleli 2–4; 6–8; 13–16

“NgoMeyi 25–31. ‘USimakade Wabavusela uMkhululi: Abehluleli 2–4; 6–8; 13–16,” Wozani, Ngilandeleni—Incwadi Yezifundo ZaseKhaya naseBandleni: iTestamente eliDala 2026 (2026)

“NgoMeyi 25–31. ‘USimakade Wabavusela uMkhululi,’” Wozani, Ngilandeleni: iTestamente eliDala 2026

UDebora umPhrofethikazi

“Impela Ngizohamba Nawe”—uDebora umPhrofethikazi, nguDes Leavitt

NgoMeyi 25–31: “USimakade Wabavusela uMkhululi”

Abehluleli 2–4; 6–8; 13–16

Sonke siyazi ukuthi kunjani ukona, ukuzisola ngakho, bese uyaphenduka futhi unqume ukushintsha izindlela zakho. Kodwa ngokuvamile siyakhohlwa isinqumo sethu sangaphambili, futhi, uma isilingo sifika, sizithola senza isono esifanayo. Lesi sibonelo sivela kaningi encwadini yabAhluleli. Bathelelwa yizinkolelo nezindlela zokukhonza zabaseKhenani—okwakumele bebasuse emhlabeni—abakwa-Israyeli bephula izethembiso zabo neNkosi futhi bayeka ukumkhonza. Ngenxa yalokho, balahlekelwa ukuphephiswa Nguye futhi bawela ekuthunjweni. Kepha, njalo ngesikhathi kwenzeka lokhu, iNkosi yanikeza abantu Bayo besivumelwano ithuba lokuphenduka futhi yabavusela umkhululi, umholi wamabutho obizwa ngokuthi “umahluleli.” Akubona bonke abahluleli encwadini yAbehluleli ababelungile, kepha abanye babo bakhombisa ukholo olukhulu ekukhululeni abantwana bakwa-Israyeli nokubabuyisela kubudlelwano besivumelwano neNkosi. Lezi zindaba ziyasikhumbuza ukuthi noma ngabe yini esisusile kuJesu Kristu, uyena uMkhululi ka-Israyeli futhi uhlezi ezimisele ukusikhulula nokusamukela futhi ngesikhathi sibuyela Kuye.

isithonjana sokufunda

Amasu okuFunda eKhaya naseBandleni

Abehluleli 2:1–19; 3:5–12

INkosi iyathethelela njalo uma ngiphenduka.

Incwadi yAbahluleli ingaba yisixwayiso nesikhuthazo. Bheka izexwayiso nezinkuthazo ngesikhathi ufunda Abehluleli 2:1–19; 3:5–12. Ucabanga ukuthi izexwayiso nezinkuthazo zikusebenzela kanjani?

Isibonelo, uma incwadi Abehluleli 2:19 ibikhuluma ngawe nezilingo zakho kunokuba ikhulume ngabakwa-Israyeli endulo, yikuphi obungakusho? Uma Abehluleli 3:9 yayingalokho iNkosi eyakwenza ukukukhulula, yayingathini?

Cabanga ngokufunda umbuzo nempendulo kwi khasi 9 le For the Strength of Youth: A Guide for Making Choices. Ucabanga ukuthi lokhu kusebenza kanjani kulokho okwenzeka kuma-Israyeli encwadini yAbahluleli? Lokhu kukufundisani ngoJesu Kristu?

Abehluleli 4:1–15

isithonjana sohlelo lokufundisa ivangeli
Ngingakhuthaza abanye ukuba babenokholo eNkosini.

Ngesinye isikhathi ukholo lomuntu oyedwa lungakhuthaza ukholo lwabantu abaningi. Ku Abehluleli 4, lowomuntu oyedwa kwakuDebora. Funda ngaye ku Abehluleli 4:1–15, bese ubheka umthelela aba nawo kubantu abaseduze kwakhe. Nansi eminye imibuzo engakusiza ukuthi ucabange ngokuthi isehlakalo sakhe sikusebenzela kanjani empilweni yakho:

  • Ungazichaza kanjani izimo ama-Israyeli ayekuzo ngaleso sikhathi? (bheka amavesi 1–3). Yikuphi okufanayo okubonayo kwizimo namuhla—kubantu ngabanye nasemphakathini?

  • Yimaphi amazwi noma izenzo zikaDebora ezikhombisa ukuthi wayenethemba eNkosini? Ukholo lwakhe labakhuthaza kanjani abanye? Ngabe yikuphi okunye okukuhlaba umxhwele ngaye na?

  • Ucabanga ukuthi uDebora wayechaza ukuthini ngombuzo wakhe eveseni 14: “uJehova akaphumanga phambi kwakho na?” Ngabe iNkosi “iphuma kanjani phambi” kwakho? (bheka IMfundiso neziVumelwano 84:87–88).

amantombazane ehamba ndawonye

Cabanga ngokuthi ukholo lwakho kuJesu Kristu lungababusisa kanjani abanye ngendlela ukholo lukaDebora olwabusisa ngayo uBharaki namanye ama-Israyeli. Ukukusiza ucabange ngalokhu, ungase ufunde umyalezo weGosa uNeil L. Andersen “We Talk of Christ” (ILiyahona, Nov. 2020, 88–91). Bheka umlayezo ubheke (1) izizathu zokukhuluma ngokukhululekile ngoMsindisi kanye (2) nezindlela zokukwenza lokho.

Emva kwalokho ungahle wenze uhla lwezinto ozaziyo ngoJesu Kristu—kusuka emibhalweni engcwele, emazwini abaphrofethi abaphilayo, kanye nasezehlakalweni zakho. Ubani odinga ukwazi lokhu? Uzokwabelana kanjani ngakho?

Bheka futhi NgokukaMathewu 5:14–16; 1 kaPetru 3:15; “Each Life That Touches Ours for Good,” Amaculo, no. 293.

Mema ukwabelana. Uma uwuthisha—ekhaya noma ebandleni—nika abafundi amathuba okuba babelane omunye nomunye ngalokho abakufundayo ngoMsindisi nangevangeli Lakhe. Ukwenza lokho kuzobasiza bawafake ezinhliziyweni amaqiniso abafundiswa wona futhi bawasho.” (Ukufundisa ngendlela yoMsindisi, 26). Isibonelo, ngesikhathi nifunda Abehluleli 4 ndawonye, unganikeza umfundi ngamunye okuthile okufanele akubheke esahlukweni bese uyamema ukuba abelane nabanye ngalokho akutholayo.

Abehluleli 6–8

INkosi ingenza izimangaliso uma ngithemba izindlela Zayo.

Ngesikhathi ufunda Abehluleli 6–8, bhala ngezikhathi lapho iNkosi yacela uGidiyoni ukuthi akholelwe entweni eyayingase ibonakale ingenakwenzeka. Ngabe Wake wakucela into efanayo nawe?

Ucabanga ukuthi iNkosi izama ukusifundisani ngalo mbhalo? Uyibone kanjani iNkosi yenza umsebenzi Wayo ngezindlela ebezibonakala zingenakwenzeka?

Abehluleli 13–16

UNkulunkulu uyangiqinisa ngesikhathi ngithembekile ezivumelwaneni zami.

USamsoni walahlekelwa amandla akhe enyama nawomoya ngoba wephula izivumelwano zakhe noNkulunkulu, okubalwa kuzo lezo ezazenziwa amaNazaretha kuphela (ukuthola ulwazi ngamaNazaretha, bheka ku INumeri 6:1–6; Abehluleli 13:7). Ngesikhathi ufunda ngoSamsoni ku Abehluleli 13–16, qaphela amavesi abonisa ukuthi iNkosi yayinoSamsoni, kanye namavesi abonisa ukuthi uSamsoni wayengazinikele ngokugcwele eNkosini.

Ungase futhi uzindle ngezivumelwano ozenzile neNkosi. Lezi zivumelwano ziwalethe kanjani amandla Akhe empilweni yakho? Ngabe yikuphi okufundayo ezehlakalweni zikaSamsoni okukugqugquzela ukuthi uhlale uthembekile kwizivumelwano zakho noNkulunkulu?

UDade u-Ann M. Dibb wafundisa: “USamson wazalwa enamandla amakhulu. Unina wathenjiswa, ‘Uyoqala ukukhulula u-Israyeli esandleni samaFilisti’ [Abehluleli 13:5]. Kepha ngesikhathi uSamsoni ekhula, wabheka kakhulu ezilingweni zezwe kunasesiqondisweni sikaNkulunkulu. Wenza izinqumo ngoba ‘zimjabulisa kakhulu’ [Abehluleli 14:3] kunokuba enze lezo zinqumo ngoba zazilungile. Ngokuphindaphindiwe, imibhalo engcwele isebenzisa inkulumo ethi ‘futhi wehla’ [Abehluleli 14:7] ngesikhathi ilandisa ngohambo lukaSamsoni, izenzo, nezinqumo zakhe. Kunokuba avuke futhi akhanye ukuze afeze amandla akhe amakhulu, uSamsoni wanqotshwa izwe, waphelelwa amandla ayewanikwe uNkulunkulu, wafa kabuhlungu, ukufa okusheshayo” (“Arise and Shine Forth,” iLiyahona, ngoMeyi 2012, 118).

-

isithonjana sesigaba sabantwana

Amasu okuFundisa Abantwana

Ngoba leliSonto liyiSonto lokuqala lenyanga, othisha beNhlangano yabaNtwana bayakhuthazwa ukuba basebenzise okwenziwayo kokufunda okutholakala la “Isithasiselo B: Ukulungiselela Abantwana ukuba bahambe Izimpilo zabo Zonke Endleleni kaNkulunkulu yesiVumelwano.”

Abehluleli 3:7–9, 12–15

UJesu Kristu UnguMkhululi wami.

  • Abehluleli 3 bachaza iphethini efundisa ngamandla oMsindisi okusikhulula esonweni. Ukusiza abantwana bakho ukuthi babone leli phethini, ungabhala phansi le misho: “wenza okubi,” “wakhala eNkosini,” nothi “wavusa umkhululi.” Abantwana bakho bangabe sebebheka le misho ku Abehluleli 3:7–9 naku Abehluleli 3:12–15. Sifundani ngeNkosi kule phethini?

  • Ukugcizelela ukuthi uJesu Kristu unguMkhululi wethu, ungaqoqa izithombe eziningi zabantu, kuhlanganisa nesithombe sikaJesu, uzibeke zibheke phansi. Vumela abantwana bakho bashintshane ngokuphenya izithombe. Uma bethola isithombe sikaJesu, culani iculo Ngaye, njengelithi “He Sent His Son” (Amaculo Abantwan a, 34–35),futhi utshele abantwana bakho ukuthi Ukukhulule kanjani.

Abehluleli 4:1–15

Ngingakhuthaza abanye ukuba babenokholo eNkosini.

  • Ungasebenzisa “UDebora uMprofethikazi” encwadini Izindaba zeTestamente eliDala, 92–95, ukutshela abantwana bakho indaba etholakala ku Abehluleli 4. Abelanani ndawonye ngokuthi yini abayincomayo ngoDebora. Ukukholwa kwakhe eNkosini kwababusisa kanjani abantu ababemzungezile? Yini esingayenza ukuze sisize abanye babe nokholo olwengeziwe kuJesu Kristu?

    2:9

    Deborah the Prophetess

Abehluleli 7:1–21

INkosi ingasebenzisa izinto ezincane ukwenza umsebenzi omkhulu.

  • Sebenzisa Abehluleli 7:4–7, kwikhasi lomsebenzi lalelisonto, noma “IButho likaGidiyoni” encwadini Izindaba zeTestamente eliDala, 96–99, ukufundisa abantwana bakho ukuthi iNkosi yenza kanjani ukuthi ibutho lakwa-Israyeli libe lincane. Kungani iNkosi yayifuna ibutho likaGidiyoni libe lincane na? (bheka Abehluleli 7:2).

    2:37

    The Army of Gideon

  • Abantwana bakho bangadweba izithombe zenkemba, isihlangu, icilongo, isibani, nembiza futhi bakhulume ngokuthi yiziphi kulezi zinto abangazifuna empini. Bangabe sebefunda Abehluleli 7:16 ukufunda ukuthi iNkosi yatshela ibutho likaGidiyoni ukuthi lisebenziseni. Ngesikhathi nifunda ngempi ku Abehluleli 7:19–21, yabelanani ngokuthi nifundani ngeNkosi kule ndaba.

USamsoni ebeka phansi izinsika zethempeli

Samson Puts Down the Pillars [USamsoni Ebeka Phansi Izinsika], nguJames Tissot nabanye

Abehluleli 13:5

Ukugcina izivumelwano kunginika amandla.

  • Izivumelwano zikaSamsoni neNkosi zamnika amandla omzimba, njengoba nathi ezethu izivumelwano zisinika amandla angokomoya. Abantwana bakho bangase bathande ukwenza imisebenzi yokuzivocavoca nokuxoxa ngokuthi lemisebenzi yokuzivocavoca ingayigcina kanjani imizimba yethu inamandla. Ukugcina izivumelwano zethu kuyenza kanjani imimoya yethu iqine? (bheka uMosiya 18:8–10; IMfundiso neziVumelwano 20:77, 79).

Ukuze uthole amanye amasu, bheka iphephabhuku le Friend (Umngani) lalenyanga.

amalungu ebutho likaGideyoni eshaya amacilongo awo

Gideon’s Army [Ibutho likaGidiyoni], nguDaniel A. Lewis

Ikhasi lomsebenzi leNhlangano yabaNtwana: INkosi ingasebenzisa izinto ezincane ukwenza umsebenzi omkhulu.