قُضاۃ 2–4؛ 6–8؛ 13–16

قُضاۃ کی کِتاب انتباہ اور حوصلہ افزائی دونوں ہو سکتی ہے۔ اُس تنبیہ اور حوصلہ افزائی کو تلاش کریں جب آپ قُضاۃ 2:‏1–19؛ 3:‏5–12 پڑھتے ہیں۔ آپ کیا محسُوس کرتے ہیں کہ انتباہ اور حوصلہ افزائی آپ پر کیسے لاگو ہوتی ہے؟

مثال کے طور پر، اگر قُضاۃ 2:‏19 قدیم اسرائیلوں کی بجائے آپ اور آپ کی آزمائشوں کے بارے میں ہوتا، تو یہ کیا کہے گا؟ اگر قُضاۃ 3:‏9 اِس بارے میں ہو جو آپ کو رہائی دینے کے لیے خُداوند نے کیا کِیا تھا، تو یہ کیا کہے گا؟

صفحہ 9 سے برائے مضبُوطیِ نوجوانان: فیصلہ سازی کے لیے ہدایت نامہ کے سوال و جواب پڑھنے پر غور کریں۔ آپ کے خیال میں اِس کا اِطلاق قُضاۃ کی کِتاب کے اسرائیلیوں کے تجربے پر کیسے ہوتا ہے؟ یہ موازنہ آپ کو یِسُوع مسِیح کے بارے میں کیا سِکھاتا ہے؟

بعض اوقات ایک شخص کا ایمان دُوسرے بُہت سے لوگوں کے ایمان کو تحریک دے سکتا ہے۔ قُضاۃ 4 میں، ایک شخصیت دبورا تھی۔ اُس کے بارے میں قُضاۃ 4:‏1–15 میں پڑھیں، اور اُس نے اپنے اردگرد کے لوگوں پر جو اثر ڈالا اُس پر غور کریں۔ یہاں پر غور کرنے میں آپ کی مدد کے لیے کُچھ سوالات ہیں کہ اِس کا تجربہ آپ کی زندگی پر کیسے لاگو ہو سکتا ہے:

• اُس وقت اسرائیلی جن حالات میں تھے آپ اُنہیں کیسے بیان کریں گے؟ (دیکھیں آیات 1–3)۔ آپ آج کے حالات میں—افراد اور معاشرے میں کیا مُماثلت دیکھتے ہیں؟

• دبورا کے کون سے الفاظ یا اعمال آپ کو ظاہر کرتے ہیں کہ اُس کا خُداوند پر ایمان تھا؟ اُس کے ایمان نے دُوسروں پر کیسے اثر ڈالا؟ اُس کے مُتعلق اور کون سی بات آپ کو مُتاثر کرتی ہے؟

• آپ کے خیال میں آیت 14 میں دبورا کا سوال ”کیا خُداوند تیرے آگے نہیں گیا ہے“ سے اُس کی کیا مُراد تھی؟ خُداوند کیسے آپ کے ”آگے جاتا“ ہے؟ (دیکھیے عقائد اور عہُود 84:‏87–88)۔

غور کریں کہ یِسُوع مسِیح پر آپ کا ایمان دُوسروں کو کیسے برکت دے سکتا ہے جیسے دبورا کے ایمان نے براک اور دُوسرے اسرائیلوں کو برکت دی۔ اُس کے بارے میں سوچنے میں آپ کی مدد کرنے کے لیے، آپ ایلڈرنیل ایل اینڈرسن کے پیغام ”ہم مسِیح کی بابت بات کرتے ہیں“ (لیحونا، نومبر 2020، 88–91) کا مُطالعہ کر سکتے ہیں۔ پیغام میں سے تلاش کریں (1) نجات دہندہ کے مُتعلق مزید کھُل کر بات کرنے کی وجوہات اور (2) اُنھیں سر انجام دینے کے طریقے۔

پھر آپ اُن باتوں کی فہرست بنا سکتے ہیں جو آپ یِسُوع مسِیح کے بارے میں جانتے ہیں—صحائف میں سے، زندہ نبیوں کے کلام سے، اور اپنے ذاتی تجربہ سے۔ کس کو یہ جاننے کی ضرورت ہے؟ آپ اِس کا اشتراک کیسے کریں گے؟

مزید دیکھیں متّی 5:‏14–16؛ 1 پطرس 3:‏15؛ ہر زندگی جو نیکی کے لیے ہمیں چھُوتی ہے؛“ گیت، نمبر 293۔

جب آپ قُضاۃ 6–8 پڑھتے ہیں، تو اُن مواقعوں کو نوٹ کریں جہاں خُداوند نے جدعون کو کسی ایسی چیز پر یقین کرنے کو کہا تھا جو شاید نامُمکن لگتی ہو۔ کیا اُس نے کبھی آپ سے بھی کُچھ ایسا ہی کہا ہے؟

آپ کیا محسُوس کرتے ہیں کہ خُداوند آپ کو اِس واقعہ سے کیا سِکھانے کی کوشش کر رہا ہے؟ آپ نے خُداوند کو اپنے کام کو کِن طریقوں سے کرتے دیکھا ہے جو نامُمکن لگتے تھے؟

سمسون اپنی جسمانی قوت اور رُوحانی مضبُوطی دونوں کھو بیٹھا تھا کیوں کہ اُس نے خُدا کے ساتھ اپنے عہُود کی خلاف ورزی کی، بشمُول اُن کے جو خاص طور پر نذیریوں پر لاگو ہوتے تھے (نذیریوں کے بارے میں معلُومات کے لیے، دیکھیں گنتی 6:‏1–6؛ قُضاۃ 13:‏7)۔ جب آپ قُضاۃ 13–16 میں سمسون کے مُتعلق پڑھتے ہیں، اُن آیات پر غور کریں جو ظاہر کرتی ہیں کہ خُداوند سمسون کے ساتھ تھا، اِس کے ساتھ ساتھ وہ آیات جو ظاہر کرتی ہیں کہ سمسون کُلی طور پر خُداوند کے ساتھ وفادار نہیں تھا۔

آپ اِن عہُود پر بھی غور کر سکتے ہیں جو آپ نے خُداوند کے ساتھ باندھے ہیں۔ یہ عہُود کیسے آپ کی زندگی میں اُس کی قدرت کو لائے ہیں؟ آپ سمسون کے تجربات سے کیا سیکھتے ہیں جو آپ کو خُدا کے ساتھ اپنے عہُود سے وفادار رہنے کی ترغیب دیتے ہیں؟

بہن این ایم ڈب نے سِکھایا: ”سمسون بُہت سی صلاحیتوں کے ساتھ پیدا ہُوا تھا۔ اُس کی ماں سے وعدہ کِیا گیا تھا، ’وہ اسرائیل کو فلستیوں کے ہاتھ سے رہائی دلائے گا‘ [قُضاۃ 13 :‏5]۔ لیکن جب سمسون بڑا ہُوا، تو وہ خُدا کی ہدایت کی نسبت دُنیا کی آزمائشوں کی طرف زیادہ متوُجہ ہُوا۔ اُس نے ایسے انتخابات کیے جو ’[اُسے] اچھی طرح خوش کرتے ہیں‘ [قُضاۃ 14:‏3] بجائے اِس کے کہ وہ راست انتخابات تھے۔ بار بار، صحائف اِس فقرے کا استعمال کرتے ہیں ’اور وہ نیچے چلا گیا‘ [قُضاۃ 14:‏7] جب وہ سمسون کے سفروں، اعمال اور انتخابات کے بارے میں بتاتے ہیں۔ اپنی عظیم صلاحیت کو پُورا کرنے کے لیے اُٹھنے اور چمکنے کی بجائے، سمسون دُنیا سے مغلوب ہو گیا، اپنی خُداداد قوت کھو دی، اور ایک المناک، جوانی کی موت مر گیا“ (”اُٹھو اور چمکو،“ لیحونا، مئی 2012، 118)۔

مزید دیکھیں ڈیلن ایچ اوکس، ”عہُود اور ذمہ داریاں،“ لیحونا، مئی 2024، 93–96؛ اولیسس سوارز ”یِسُوع مسِیح کے ذریعے اعتمادِ عہُود ،“ لیحونا، مئی 2024، 17–21۔

• قُضاۃ 3 نمونہ بیان کرتا ہے جو ہمیں گُناہ سے رہائی پانے کے لیے مُنّجی کی قدرت کے بارے میں سِکھاتا ہے۔ اپنے بچّوں کو اِس نمونے کی نشان دہی کرنے میں مدد کرنے کے لیے، آپ اِن فقرات کو لکھ سکتے ہیں: ”برائی کی،“ ”خُداوند کے حضور فریاد کی،“ اور ”رہائی بخشنے والا برپا کِیا۔“ پھر آپ کے بچّے اِن فقرات کو قُضاۃ 3:‏7–9 اور قُضاۃ 3:‏ 12–15 میں سے تلاش کر سکتے ہیں۔ آپ اِس نمونہ سے خُداوند کے بارے کیا سیکھتے ہیں؟

• اِس بات پر زور دینے کے لیے کہ یِسُوع مسِیح ہمارا رہائی بخشنے والا ہے، آپ لوگوں کی کئی تصاویر اکٹھی کر سکتے ہیں، بشمُول یِسُوع کی تصویر، اور اُنھیں اُلٹا کر کے رکھیں۔ اپنے بچّوں کو تصویروں کو باری باری پلٹنے دیں۔ جب وہ یِسُوع کی تصویر دیکھتے ہیں، تو اُس کے بارے میں گیت گائیں، جیسے کہ ”بھیجا اُس نے اپنا فرزند“ (بچّوں کے گیتوں کی کِتاب، 34–35)، اور اپنے بچّوں کو بتائیں کہ اُس نے آپ کو کیسے رہائی بخشی ہے۔

• آپ اپنے بچّوں کو قُضاۃ 4 کی کہانی بتانے کے لیے پرانے عہد نامے کی کہانیاں، 92–95، میں سے ”دبورا نبیّہ“ کا استعمال کر سکتے ہیں۔ آپ دبورا کے مُتعلق کیا پسند کرتے ہیں اُسے ایک دُوسرے کو بتائیں۔ اُس نے اپنے اردگرد کے لوگوں پر جو اثر ڈالا اُس پر غور کریں۔ ہم دُوسروں کو یِسُوع مسِیح پر مزید ایمان رکھنے میں مدد دینے کے لیے کیا کر سکتے ہیں؟

  

  2:9

• اپنے بچّوں کو یہ سِکھانے کے لیے کہ خُداوند نے اسرائیل کی فوج کو کیسے گھٹایا قُضاۃ 7:‏4–7، اِس ہفتے کا عملی سرگرمی کا صفحہ، یا ”جدعون کی فوج“ پرانے عہد نامے کی کہانیوں میں سے استعمال کریں۔ خُداوند کیوں چاہتا تھا کہ جدعون کی فوج اتنی چھوٹی ہو؟ (دیکھیں قُضاۃ 7:‏2)۔

  

  2:37

• آپ کے بچّے تلوار، ڈھال، نرسنگے، چراغ، اور گھڑے کی تصویریں بنا سکتے ہیں اور گُفتگُو کر سکتے ہیں کہ وہ جنگ میں اِن میں سے کون سی اشیا کو لینا چاہیں گے۔ پھر وہ یہ جاننے کے لیے قُضاۃ 7:‏ 16 پڑھ سکتے ہیں کہ خُداوند نے جدعون کی فوج کو کیا استعمال کرنے کو کہا۔ جب آپ قُضاۃ 7:‏19–21 میں جنگ کے بارے میں پڑھتے ہیں، تو آپ اِس کہانی سے خُداوند کے بارے میں جو کُچھ سیکھتے ہیں اُسے ایک دُوسرے کو بتائیں۔

• خُداوند کے ساتھ سمسون کے عہُود نے اُسے جسمانی مضبُوطی بخشی، بالکل اِسی طرح جیسے ہمارے عہُود ہمیں روحانی مضبُوطی دیتے ہیں۔ آپ کے بچّے کُچھ جسمانی ورزشیں کرنے اور گُفتگُو کرنے سے لطف اندوز ہو سکتے ہیں کہ وہ ورزشیں ہمارے جسموں کو مضبُوط بنانے میں کیسے مدد کر سکتی ہیں۔ اپنے عہُود پر قائم رہنے سے ہماری رُوحیں کیسے مضبُوط ہو سکتی ہیں؟ (دیکھیں مضایاہ 8:18–10؛ عقائد اور عہُود 20:‏77، 79)۔