Atemmufoɔ 2–4; 6–8; 13–16

Atemmufoɔ nwoma no bɛtumi ayɛ kɔkɔbɔ ne nkuranhyɛ nyinaa. Hwehwɛ kɔkɔbɔ ne nkuranhyɛ yi berɛ a wokenkan Atemmufoɔ 2:1–19; 3:5–12. Sɛn na wote nka sɛ kɔkɔbɔ ne nkuranhyɛ no fa wo ho?

Sɛ nhwɛsoɔ no, sɛ Atemmufoɔ 2:19 fa wo ne wo nsɔhwɛ ahodoɔ ho mmom na ɛnyɛ tete Israelfoɔ no a, deɛn na anka ɛbɛka? Sɛ Atemmufoɔ 3:9 fa deɛ Awurade ayɛ de agye wo ho a, deɛn na anka ɛbɛka?

Dwene ho sɛ wobɛkenkan asɛmmisa ne mmuaeɛ a ɛwɔ kratafa 9 wɔ De ma Mmabunu Ahoɔden: Woreyi Ɔpɛ ho Akwankyerɛ. Sɛn na wote nka sɛ yei fa Israelfoɔ suahunu wɔ Atemmufoɔ nwoma no mu ho? Deɛn na yei kyerɛkyerɛ wo fa Yesu Kristo ho?

Ɛtɔ mmere bi a, onipa baako gyidie bɛtumi akanyan afoforɔ pii gyidie. Wɔ Atemmufoɔ 4, mu no, saa onipa baako no ne Debora. Kenkan ne ho asɛm wɔ Atemmufoɔ 4:1–15, na hyɛ nkɛntɛnsoɔ a ɔnyaa wɔ nnipa a na wɔbɛn no no nso. Nsɛmmisa bi a ɛbɛboa ma woadwene sɛdeɛ ne suahunu no bɛtumi afa w’abrabɔ ho nie:

• Sɛn na wobɛkyerɛkyerɛ tebea ahodoɔ a na Israelfoɔ no wom saa berɛ no? (hwɛ nkyekyɛmu 1–3). Nsɛdie bɛn na wohunu wɔ tebea ahodoɔ a ɛwɔ hɔ nnɛ—wɔ ankorankoro ne ɔmanfoɔ mu?

• Debora nsɛm anaasɛ nneyɛɛ bɛn na ɛkyerɛ wo sɛ na ɔwɔ gyidie wɔ Awurade mu? Sɛn na ne gyidie nyaa afoforɔ so nkɛntɛnsoɔ? Deɛn bio na w’ani gye ho wɔ ne ho?

• Deɛn na wodwene sɛ na Debora repɛ akyerɛ wɔ n’asɛmmisa a ɛwɔ nkyekyɛmu 14: “Ɛnyɛ Awurade na atu di w’anim yi?” Sɛn na Awurade ‘firi adi w’anim”? (hwɛ Nkyerɛkyerɛ ne Apam 84:87–88).

Dwene sɛdeɛ gyidie a wowɔ wɔ Yesu Kristo mu no bɛtumi ahyira afoforɔ sɛdeɛ Debora gyidie hyiraa Barak ne Israelfoɔ afoforɔ no ho. Sɛdeɛ ɛbɛboa wo ma woadwene yei ho no, wobɛtumi asua Elder Neil L. Andersen nkrasɛm “Yɛka Krist ho Asɛm” (Liahona, Obubuo. 2020, 88–91). Hwehwɛ nkrasɛm no mu pɛ (1) deɛ enti wobɛka Agyenkwa no ho asɛm wɔ badwam ne (2) akwan a wobɛfa so ayɛ.

Afei wobɛtumi atwerɛ nneɛma a wonim fa Yesu Kristo ho—firi twerɛnsɛm mu, nkɔnhyɛfoɔ ateasefoɔ nsɛm mu, ne w’ankasa wo suahunu mu. Hwan na ɛhia sɛ ɔhunu yei? Sɛn na wobɛkyɛ no?

San hwɛ Mateo 5:14–16; 1 Petro 3:15; “Each Life That Touches Ours for Good,” Nnwom, no. 293.

Berɛ a wokenkan Atemmufoɔ 6–8, no, hyɛ tebea ahodoɔ bi a Awurade ka kyerɛɛ Gideon sɛ ɔnnye biribi a anka ɛbɛyɛ sɛ ɛrenyɛ yie nni no nso. So Wabisa wo biribi a ɛte saa pɛn?

Deɛn na wote nka sɛ Awurade de saa twerɛtohɔ yi rekyerɛkyerɛ wo? Sɛn na woahunu sɛ Awurade reyɛ N’adwuma wɔ akwan a na ayɛ ɛrenyɛ yie so?

Samson hweree ne honam fam ahoɔden ne ne honhom mu ahoɔden nyinaa ɛfiri sɛ ɔbuu apam a ɔne Onyankopɔn yɛeɛ so, a na deɛ ɛfa Nasaretfoɔ ho pɔtee ka ho (sɛ wopɛ Nasaretfoɔ ho nsɛm a, hwɛ Numeri 6:1–6; Atemmufoɔ 13:7). Berɛ a wokenkan Samson ho asɛm wɔ Atemmufoɔ 13–16, no, hyɛ nkyekyɛmu a ɛkyerɛ sɛ na Awurade ka Samson ho, ne nkyekyɛmu nso a ɛkyerɛ sɛ na Samson mfaa ne ho ntoo Awurade so yie no nso.

Wobɛtumi nso adwennwene apam a wo ne Awurade ayɛ no ho. Sɛn na apam ahodoɔ yi de Ne tumi aba w’abrabɔ mu? Deɛn na wosua firi Samson suahunu ahodoɔ mu a ɛkanyan wo ma wokɔ so di apam a wo ne Onyankopɔn ayɛ no so?

Onuabaa Ann M. Dibb kyerɛkyerɛɛ sɛ: “Wɔwoo Samson a na ɔwɔ tumi kɛse. Wɔhyɛɛ ne maame bɔ sɛ, ‘Ɔbɛhyɛ aseɛ agye Israel afiri Filistifoɔ nsam’ [Atemmufoɔ 13:5]. Nanso Samson nyinii no, ɔhwɛɛ wiase nsɔhwɛ ahodoɔ kyɛn Onyankopɔn akwankyerɛ. Ɔyii nneɛma ɛfiri sɛ na ‘ɛsɔ [n’ani] yie’ [Atemmufoɔ 14:3] mmom kyɛn sɛ ɔbɛyi deɛ na ɛtene nti. Twerɛnsɛm no de kasasin ‘na ɔsianee’ [Atemmufoɔ 14:7] di dwuma mpɛn pii ɛfiri sɛ ɛka Samson akwantuo, ne nneyɛɛ, ne deɛ ɔyii ho asɛm. Sɛ́ anka ɔbɛsɔre na wahyerɛn ama ne tumi kɛseɛ no ahyɛ ma no, wiase dii Samson so nkonim, ɔhweree tumi a Onyankopɔn de maa no no, na owuu ntɛm a ɛyɛ awerɛhoɔ” (“Arise and Shine Forth,” Liahona, Kɔtɔnima 2012, 118).

San hwɛ Dallin H. Oaks, “Covenants and Responsibilities,” Liahona, Kɔtɔnima 2024, 93–96; Ulisses Soares, “Covenant Confidence through Jesus Christ,” Liahona, Kɔtɔnima 2024, 17–21.

• Atemmufoɔ 3 kyerɛkyerɛ nhwɛsoɔ bi a ɛkyerɛkyerɛ Agyenkwa no tumi a ɔde gye yɛn firi bɔne mu. Sɛdeɛ ɛbɛboa wo nkwadaa ma wɔahunu saa nhwɛsoɔ yi no, wobɛtumi kasasin ahodoɔ yi: “yɛɛ bɔne,” “su frɛɛ Awurade,” ne “maa ɔgyefoɔ bi so.” Afei wo nkwadaa bɛtumi ahwehwɛ kasasin ahodoɔ yi wɔ Atemmufoɔ 3:7–9 ne Atemmufoɔ 3:12–15. Deɛn na yɛsua fa Awurade ho firi nhwɛsoɔ yi mu?

• Sɛdeɛ wobɛsi so dua sɛ Yesu Kristo ne yɛn Gyefoɔ no, wobɛtumi aboaboa nnipa mfonin ahodoɔ pii ano, a Yesu mfonin ka ho, na wode abutubutu fam. Ma wo nkwadaa nnanedane mfonin ahodoɔ no mmaako mmaako. Sɛ wɔhunu Yesu mfonin a, monto dwom bi fa Ne ho, te sɛ “He Sent His Son” (Nkwadaa Nnwomnwoma, 34–35), na ka sɛdeɛ Wagye wo no ho asɛm kyerɛ wo nkwadaa.

• Wobɛtumi afa “Deborah the Prophetess” wɔ Apam Dada mu Abasɛm, 92–95, de aka abasɛm akyerɛ wo nkwadaa Atemmufoɔ 4 Monka deɛ mo ani gye ho wɔ Deborah ho nkyerɛ mo ho mo ho. Sɛn na ne gyidie wɔ Awurade mu no hyiraa nnipa a wɔbɛn no? Deɛn na yɛbɛtumi ayɛ de aboa afoforɔ ma wɔanya gyidie kɛseɛ wɔ Yesu Kristo mu?

  

  2:9

• Fa Atemmufoɔ 7:4–7, nnawɔtwe yi dwumadie kratafa, anaa “Gideon Asraadɔm” wɔ Apam Dada mu Abasɛm, 96–99, kyerɛkyerɛ wo nkwadaa fa sɛdeɛ Awurade yɛɛ Israel asraadɔm ketewa ho. Adɛn nti na na Awurade pɛ sɛ Gideon asraadɔm no yɛ ketewa saa? (hwɛ Atemmufoɔ 7:2).

  

  2:37

• Wo nkwadaa bɛtumi ayɛ peaa, ɛkyɛm, torobɛnto, kanea, ne kuruwa mfonin na wɔaka nneɛma yi mu deɛ wɔbɛpɛ wɔ ɔko mu ho asɛm. Afei wɔbɛtumi akenkan Atemmufoɔ 7:16 de asua deɛ Awurade ka kyerɛɛ Gideon asraafoɔ sɛ wɔmfa. Berɛ a mokenkan fa ɔko ho wɔ Atemmufoɔ 7:19–21, no, Mo ne mo ho mo ho nkyɛ deɛ mosua fa Awurade ho firi saa abasɛm yi mu.

• Samson ne Awurade apam no maa no honam fam ahoɔden, sɛdeɛ yɛn apam ma yɛn honhom mu ahoɔden no. Wo nkwadaa ani bɛtumi agye ho sɛ wɔbɛyɛ apom-tenetene dwumadie bi na wɔaka sɛdeɛ saa apom-tenetene no bɛtumi aboa ama yɛn nipadua ahoɔden. Sɛn na yɛn apam a yɛdi so no ma yɛn honhom mu ahoɔden? (hwɛ Mosiah 18:8–10; Nkyerɛkyerɛ ne Apam 20:77, 79).