Yosua 1–8; 23–24

Dwene sɛdeɛ anka ɛbɛyɛ ho sɛ wɔbɛfrɛ Yosua sɛ ɔmmɛhyɛ Mose ananmu. Hyɛ deɛ Awurade kaa no wɔ Joshua 1:1–9 dehyɛɛ no nkuran. Dwene ɔhaw dennen ahodoɔ a wohyia ho; deɛn na ɛwɔ nkyekyɛmu ahoroɔ yi mu a ɛma woyɛ nnam?

Edin Yosua (Yehoshua anaa Yeshua wɔ Hebrifoɔ kasa mu) kyerɛ “Yehowa gye nkwa.” Ɛna edin Yesu firi Yeshua. Enti sɛ wokenkan fa Yosua ho a, dwene dwuma a ɔdiiɛ de dii Israelfoɔ no anim twaa Asubɔnten Yordan de kɔɔ bɔhyɛ asase no so ho. Sɛn na na n’asɛmpatrɛ adwuma no te sɛ deɛ Kristo yɛ ma yɛn no?

Berɛ a Ɔhyɛɛ Joshua nkuran no, Awurade maa afotuo wɔ Joshua 1:8 fa twerɛnsɛm, anaa “mmara nwoma” no ho. Sɛ wodwene Yosua asɛdeɛ a ɛmu yɛ duru ho a, adɛn nti na afotuu yi bɛtumi aboa no titire?

Sɛ Awurade frɛ yɛn sɛ yɛnkenkan twerɛnsɛm no a, Ɔtaa fa nsɛm a ɛboro akenkan kɛkɛ so. Ɔhyɛ nhyira akɛse nso ho bɔ. Ɛpono a ɛwɔ aseɛ ha yi bɛtumi aboa ma woahunu saa ɔfrɛ ne nhyira a wɔahyɛ ho bɔ ahodoɔ yi:

Sɛn na Awurade ama bɔhyɛ ahodoɔ yi aba mu wɔ w’abrabɔ mu? Ebia seesei bɛyɛ berɛ pa a wode bɛkari wo twerɛsɛm adesua su ahwɛ. Deɛn na ɛrekɔ yie? Deɛn na wote nka sɛ yɛ na ama woanya Onyankopɔn asɛm ho suahunu ahodoɔ a nteaseɛ wom kɛse?

San hwɛ “Berɛ a Mehwehwɛ Twerɛnsɛm Kronkron no mu,” Nnwom, nɔma 277.

Apam Foforɔ mu Akristofoɔ hunuu Rahab sɛ tumi a ɛwɔ gyidie ne nnwuma nyinaa mu ho nhwɛsoɔ (hwɛ Hebri 11:31; Yakobo 2:25). Bere a worekenkan Joshua 2, no, dwene dwuma a Rahab gyidie ne n’adwuma di ma ne ho, n’abusua, ne Israel akwansrafoɔ no nkwa ho. Deɛn na yei kyerɛkyerɛ wo fa sɛdeɛ wo gyidie wɔ Kristo mu ne wo nnwuma bɛtumi anya w’ankasa ne afoforɔ so nkɛntɛnsoɔ no ho?

Awurade yɛɛ anwanwadeɛ wɔ Ne nkorɔfoɔ mu berɛ a Ɔdii wɔn anim kɔɔ bɔhyɛ asase no so, na ɔbɛtumi ayɛ saa ara ama mo. Nsɛmmisa bi a ɛbɛkyerɛ w’adesua no kwan nie Joshua 3–4:

• Wodwene sɛ adɛn nti na na ɛsɛ sɛ Israelfoɔ no te wɔn ho ansa na wɔatwa Asubɔnten Yordan? (hwɛ Joshua 3:5).

• Hyɛ no nso sɛ asubɔnten no mu paee berɛ a “wɔde asɔfoɔ no nan sii nsuo no ano” akyi pɛ (Yosua 3:13, 15). Dɛn nti na ɛno ho hia?

• Nsɛm afoforɔ pii a ɛho hia sisii wɔ Yordan Asubɔnten no ho—hwɛ 2 Ahemfo 2:6–15; 5:1–14; ne Marko 1:9–11. Twaka bɛn na wohunu wɔ saa nsɛm yi ntam?

• Sɛn na Awurade ayɛ “anwanwadeɛ” wɔ w’abrabɔ mu? (Joshua 3:5). Sɛn na wobɛtumi ataa anya suahunu—anaa woahunu—saa anwanwadeɛ ahodoɔ yi? Joshua 3:17).

Joshua 6–8 fa akodie a ɛkɔɔ so wɔ Yeriko ne Ai nsase so ho. Berɛ a wokenkan ti ahodoɔ yi no, dwene sɛdeɛ woko tia nsɔhwɛ (sɛ nhwɛsoɔ no, hwɛ Joshua 7:10–13). Deɛn na wosua fa sɛdeɛ Onyankopɔn bɛtumi aboa wo ne deɛ ɛsɛ sɛ woyɛ na ama woanya Ne tumi no ho kwan? Sɛ nhwɛsoɔ no, deɛn w’ani gye ho wɔ Awurade akwankyerɛ a ɛfa Yeriko a wobɛfa no ho? Joshua 6:1–5). Ebia twerɛtohɔ a ɛwɔ Joshua 7 no bɛkanyan wo ma woahu sɛ ebia “nnome bi wɔ” w’abrabɔ mu a ɛsɛ sɛ woyi firi hɔ a (Joshua 7:13).

Joshua nkyerɛkyerɛ a ɛtwa toɔ a ɔde maa Israelfoɔ no wɔ Joshua 23–24 no bi ne kɔkɔbɔ a ɛho hia, afotuo, ne nhyira a wɔahyɛ ho bɔ. Ebia wobɛtumi atwerɛ deɛ wobɛhunu no. Sɛ wodwene biribiara a na Israelfoɔ no afa mu ho a, wodwene sɛ adɛn nti na Yosua kaa saa nneɛma yi kyerɛɛ wɔn wɔ n’abrabɔ awieeɛ? Deɛn na wohunu a ɛkanyan wo ma ‘wobata Awurade ho’? (Joshua 23:8).

San hwɛ Dale G. Renlund, “Choose You This Day,” LiahonaObubuo 2018, 104–6.

• Ɛkwan baako a wode bɛboa wo nkwadaa ma wɔnam Yesu Kristo so “ayɛ den na wɔayɛ nnam” (Joshua 1:6) nie. Ma wɔnhwehwɛ kasasin bi a wɔti mu wɔ Joshua 1:6, 9, ne 18, na wɔntwerɛ nto hɔ anaa wɔmfa ngu wɔn tirim. Boa wo nkwadaa ma wɔnnwene tebea ahodoɔ a wɔbɛtumi ahia nkrasɛm yi ho, sɛdeɛ Yosua yɛeɛ no. Mobɛtumi nso abom asan ahhwɛ abasɛm ahodoɔ a ɛwɔ Joshua 1–4; 6 (san hwɛ “Joshua the Prophet” ne “Rahab and the Spies” wɔ Apam Dada mu Abasɛm, 85–91) mu. Sɛn na nnipa a wɔwɔ abasɛm ahodoɔ yi mu no kyerɛɛ akokoɔduro ne ahoɔden wɔ Awurade mu?

  

  2:59

  

  1:39

• Morekenkan Joshua 1:8 bɛtumi akanyan wo nkwadaa ma wɔn ankasa akenkan twerɛnsɛm no. Boa wɔn ma wɔnhwehwɛ nsɛmfua a ɛwɔ nkyekyɛmu yi mu a ɛkyerɛ wɔn sɛdeɛ ne deɛ enti a ɛsɛ sɛ yɛkenkan twerɛnsɛm no. Wɔbɛtumi ahwehwɛ ade korɔ no ara wɔ 1 Nephi 15:23–24; 2 Nephi 31:20; 32:3; Jacob 4:6; Helaman 3:29–30. Wobɛtumi nso aboa wɔn ma wɔayɛ nhyehyɛeɛ a wɔde bɛkenkan twerɛnsɛm no.

• Wobɛtumi de Israelfoɔ a wɔtwaa Yordan Asubɔnten no ho asɛm no ayɛ asubɔ ahyɛnsodeɛ—yɛregya yɛn abrabɔ dada wɔ serɛ no so na yɛahyɛ foforɔ ase wɔ apam abusuabɔ a yɛne Onyankopɔn wɔ mu. Enti berɛ a mobom kenkan Joshua 3–4 (anaa “Joshua the Prophet” wɔ Apam Dadaa mu Abasɛm, 85–89) no, mobɛtumi nso ahwɛ Yesu asubɔ mfonin bi na woakyerɛkyerɛ mu sɛ wɔbɔɔ Yesu asu wɔ asubɔnten korɔ no ara a Israelfoɔ no twaeɛ no mu. Afei mobɛtumi ato dwom bi te sɛ “Baptism” (Nkwadaa Nnwomnwoma, 100–101). Mo ne mo ho mo ho nkyɛ sɛdeɛ asubɔ te sɛ deɛ worehyɛ abrabɔ foforɔ ase wɔ Yesu Kristo ahemman mu.

  

  2:59

• Deɛn na wobɛtumi ayɛ de aboa wo nkwadaa ma wɔasua sɛdeɛ wɔbɛdi Yesu Kristo akyi, sɛdeɛ Yosua frɛɛ Israelfoɔ no sɛ wɔnyɛ no? Wobɛtumi ato nsa afrɛ wɔn sɛ:

  • We kasasin bi gu wo tirim firi Joshua 24:15. Bɔ mmɔden sɛ wobɛma ayɛ anika ama wo nkwadaa. Nsɛmfua dodoɔ a wɔwe gu wɔn tirim no bɛgyina mfeɛ a wɔadi so.

  • Hwehwɛ abasɛm a ɛfa nnipa a wɔyii sɛ wɔbɛsom Yesu Kristo ho. Wɔbɛtumi ahwɛ Adamfoɔ nsɛmma nwoma, Asɛmpa Adwinnie Nwoma, anaasɛ Apam Dada mu Abasɛm ne twerɛsɛm abasɛm nwoma afoforɔ mu.

  • Yɛ tebea ahodoɔ yɛ-kyerɛ a wɔbɛtumi ayi sɛ wɔbɛdi Agyenkwa no akyi na wɔasom no.