Eksodɔs 35–40; Lewitikɔs 1; 4; 16; 19

Eksodɔs 35–40 kyerɛkyerɛ Israelfoɔ no mmɔdemmɔ sɛ wɔbɛsi ntomadan, baabi a ayɛyɛdeɛ kronkron bɛboa wɔn ma wɔabɛyɛ nnipa kronkron. Sɛ wokenkan saa ti ahodoɔ yi a, hwehwɛ nneɛma a Awurade ka kyerɛɛ ne nkorɔfoɔ sɛ wɔmfa ngu ntomadan no mu. Deɛn na nneɛma yi bɛtumi agyina hɔ ama? Deɛn na ɛsusu kyerɛ wo fa kronkronyɛ mu nkɔanim ho? Titire dwene sɛdeɛ saa nneɛma yi twe w’adwene kɔ Agyenkwa no so ho. Ɛpono te sɛ yei bɛtumi aboa wo:

Nokorɛ mu no, kronkrommea ahoroɔ a yɛwɔ kɛkɛ mma yɛnyɛ kronkron. Leviticus 19 kyerɛkyerɛ mmara ne mmaransɛm a Awurade de maeɛ sɛ ɛbɛboa Israelfoɔ no kronkronyɛ nkɔanim. Deɛn na wohunu wɔ saa mmaransɛm yi mu a ɛbɛtumi aboa wo ma woahwehwɛ kronkronyɛ afiri Awurade hɔ? Deɛn na wote nka sɛ yɛ na wode nnyinasonsɛm yi abɔ bra yie?

San hwɛ Henry B. Eyring, “Holiness and the Plan of Happiness,” Liahona, Obubuo 2019, 100–103; “The Tabernacle” (sini), Asɛmpa Nwomakorabea

7:19

Wɔfirii Misraim akyi afe no, na wɔbɛtumi aka sɛ abusuabɔ a na Israelfoɔ ne Yehowa wɔ no nnyina faako. Nanso, berɛ a wokenkan Eksodɔs 35:4–35 ne 36:1–7, no, hyɛ sɛdeɛ Israelfoɔ no gyee mmarasɛm no too mu sɛ wɔbɛsi ntomadan no nso. Deɛn na wosua firi Israelfoɔ no hɔ a ɛbɛtumi aboa ma woasom Awurade yie?

Ebia ɔremmisa wo nnadeɛ, nwera, anaa nnua a ɛsom bo a wode bɛyɛ ntomadan. Deɛn na Awurade de ama wo, na deɛn na ɔrese wo sɛ fa ma? Berɛ bɛn na wo “koma akanyan [wo] sɛ bra adwuma no mu”?

San hwɛ Tinsɛm ne Nsɛmmisa, “Afɔrebɔ,” Asɛmpa Nwomakorabea.

Eksodɔs 40:12–14 kyerɛ tete ayɛyɛdeɛ a wɔyɛ no yɛn mmerɛ yi mu nso wɔ Awurade fie. Nkyekyɛmu foforɔ bi a ɛbɛtumi aboa wo ma woasua sɛdeɛ saa ayɛyɛdeɛ yi di Yesu Kristo ho adanseɛ nie:

• Nhohoroho: Nnwom 51:2; Hesekiel 36:25–27

• Ntaade kronkron a wɔhyɛ: Yesaia 61:10; Mateo 22:11–14; Adiyisɛm 19:7–8

• Ngosra: Luka 4:18–19; Asomafoɔ Nnwuma 10:38

Lewitikɔs nwoma no fa kɛseɛ no ara bɛtumi ayɛ yɛn nwanwa—mmoa afɔrebɔ, mogya ne nsuo amanneɛ ahoroɔ, ne mmara a ɛfa asetena mu nsɛm nketenkete ho. Nanso wɔyɛɛ saa amanneɛ ne mmara yi sɛ wɔbɛkyerɛkyerɛ nnyinasonsɛm a yɛnim—adwensakyera, kronkronyɛ, ne Agyenkwa no Mpata. Sɛdeɛ wobɛhunu nnyinasonsɛm yi berɛ a wokenkan Lewitikɔs 1:1–9; 4; 16, no, dwene nsɛmmisa te sɛ yeinom ho:

• Nsɛm anaa kasasin ahoroɔ bɛn na mehunu a ɛkae me Yesu Kristo ne Ne mpata afɔrebɔ no?

• Deɛn na mesua firi afɔrebɔ ahoroɔ yi mu fa Agyenkwa no afɔrebɔ ho?

• Sɛn na mete sɛ nnipa a wɔde wɔn ho bɔɔ saa afɔreɛ ahoroɔ yi?

Awurade nhwehwɛ mmoa afɔrebɔ bio. Nanso afɔrebɔ da so ara yɛ asɛmpa no nnyinasosɛm a ɛho hia. Sɛ wopɛ sɛ wosua afɔrebɔ ahoroɔ a Awurade hwehwɛ a, sua 3 Nephi 9:19–20; Nkyerɛkyerɛ ne Apam 64:34. Sɛn na worebɔ afɔreɛ ahoroɔ yi? Deɛn na Moses 5:7 kyerɛkyerɛ wo fa sɛdeɛ ɛsɛ sɛ wohunu w’afɔrebɔ ahoroɔ ho?

San hwɛ “Thoughts to Keep in Mind: The Tabernacle and Sacrifice.”

• Israelfoɔ serɛ so ntomadan no mfonin wɔ nhyehyɛeɛ yi awieeɛ. Ebia wobɛpɛ sɛ wo ne wo nkwadaa hwɛ mu na wobisa wɔn nneɛma a anka ɛbɛhia na wɔde asi ntomadan no. Afei mobɛtumi abom akenkan Eksodɔs 35:20–29 de ahunu sɛdeɛ wɔde saa nneɛma yi maeɛ. Sɛn na Awurade afrɛ yɛn sɛ yɛmmoa nkyekyere N’ahemman?

• Dwene ho sɛ wo ne wɔn bɛkenkan Eksodɔs 36:1 na moahunu deɛ Awurade de maa Besaleel ne Aholiab sɛ wɔmfa mmoa nsi ntomadan no. Afei wo ne wo nkwadaa bɛtumi akasa afa deɛ wote nka sɛ Awurade de ama wɔn sɛ wɔmfa mmoa nkyekyere N’ahemman ho. Sɛn na yɛbɛtumi de saa nneɛma yi ahyira afoforɔ?

• Eksodɔs 40:17–34 bobɔ nneɛma a na ɛka Israelfoɔ ntomadan no ho din. Ebia wo ne wo nkwadaa bɛtumi ahunu wɔ nkyekyɛmu ahoroɔ yi mu ne ntomadan no mfonin a ɛwɔ nhyehyɛeɛ yi awieeɛ no mu. Monka sɛdeɛ ntomadan no fa biara bɛtumi akyerɛkyerɛ afa Agyenkwa no anaa Ɔsoro Agya ho no ho asɛm. Sɛ nhwɛsoɔ no, adansedie adaka no bɛtumi akae yɛn Onyankopɔn mmaransɛm, afɔrebukyia no bɛtumi akae yɛn Yesu Kristo afɔrebɔ no, ne deɛ ɛkeka ho.

• Mmea kronkron bɛn na yɛwɔ nnɛ a ɛboa ma yɛte nka sɛ yɛbɛn Yesu Kristo? Sɛ nkɔmmɔbɔ yi fa no, mobɛtumi abom ahwɛ sini a wɔato din “Temples” (Asɛmpa Akoraeɛ). Mobɛtumi nso ato dwom bi te sɛ “Holy Places” (Asɛmpa Akoraeɛ). Monka sɛdeɛ mote nka fa mmea kronkron te sɛ tɛmpol ho nkyerɛ mo ho mo ho.

5:41

• Mmoa afɔrebɔ a wɔaka ho asɛm wɔ Apam Dada no mu no, wɔyɛɛ sɛ wɔde bɛkyerɛkyerɛ Israel mma no bɔnefakyɛ a ɛnam Yesu Kristo so. Dwene sɛdeɛ afɔrebɔ ahoroɔ yi ho akenkan bɛtumi ayɛ saa ara ama wo nkwadaa no ho. Wobɛtumi de Yesu Kristo a ɔwɔ Getsemane ne asɛnnua no so mfonin akyerɛ (hwɛ Asɛmpa Adwinnie Nwoma, nɔma 56, 57) berɛ a wo ne nkwadaa no kenkan Lewitikɔs 1:1–4. Boa wɔn ma wɔnhwehwɛ nsɛmfua anaa kasasin ahoroɔ a ɛkae wɔn Yesu Kristo afɔrebɔ no.

• Mobɛtumi nso abom akenkan 3 Nephi 9:19–20 de ahwehwɛ deɛ wɔhyɛ yɛn sɛ yɛmfa mmɔ afɔreɛ mmom sene mmoa. Deɛn na ɛkyerɛ sɛ yɛde akoma a abubuo ne ahonu honhom bɛma Awurade? Hwɛ Twernnsɛm no mu Akwankyerɛ, “Akoma a Abubuo” (Asɛmpa Nwomakorabea) na woanya mmoa a de abua asɛmmisa yi.