Sounkopwung kan 2–4;6–8;13–16

Pwuken Sounkopwung kan kak wiahte mehn kapehm oh pil mehn kakehlail. Rapahki mehn kapehm oh kakehlail wet ni ahmw pahn wadekSounkopwung kan 2: 1–19; 3:5–12. Ia mwomwen ahmw kehn me kapehm oh kakehlail wet wia kisehmw?

Karasepe, ma Sounkopwung Kan 2:19 pid komwi oh ahmw kasongosong kan ahpw kaidehn mehn Israel kan en mwein kawaho, dahme e pahn kak koasoaia? Ma Sounkopwung Kan 3:9 pid duwen dahme Kauno wia en kapituhkala, dahme e pahn kak koasoaia?

Nsonohki wadek kalelapak oh pasapeng kan nan peit 9 en Ong Kakehlepen me Pwulopwul: Mehn kaweid ong Wiahda pilipil kan. Ia mwomwen ahmw kehn me met rasehng irair me mehn israel ko ahniki nan pwuken Sounkopwung kan? Dahme met padahkiheng komwi duwen Sises Krais?

Ekei pak pwoson en emen aramas kak koangoangehda pwoson en me tohto. Nan Sounkopwung kan 4, aramas o iei Depora. Wadek duwe nan Sounkopwung kan 4: 1–15 oh kilelehdi ah karasaras ong aramas ko. Iet ekei kalelapak me pahn soweseiuk en medewe ia mwomwen ah ekspihriens kan ah doke ahmw mour.

• Ia mwomwen amw pahn kak karasahda soangen irair me mehn Israel ko mihmi loale ansouo? (kilang ire 1-3). Soangen irair da me rasehng momour en rahnwet—rehn emen emen aramas oh nan sampah?

• Soangen mahsen de mwekid da me Depora wia me kasalehda me e pwoson Kauno? Ia mwowmen ah pwoson ah sowese mehteikan? Dahnge me kahrehda ke pwungkihki liho?

• Ia wewehn ahn Depora kalelapak me mih nan ire 14: “Sou Kauno mihmi ier mwohmw?“ Ia mwomwen Kauno ah kin “kohla“ mwohmw? {kilang Doctrine and Covenants 84:87–88).

Medewe ia mwomwen amw pwoson Sihses Krais kak kapaiada mehtei kan duwehte ahn Depora ah pwoson ah kapaia Parak oh mehn Israel ko. En sewesei komwi medmedewe met, komw kak onopiki ahn Elder Neil L. Anderson Padahk “Se kin Koasoaia Krais“ (Liahona, Nohpempe.2020, 88–91). Rapahki ire wet (1) kahrepen atail pan kin koasoaia Sounkomouro ni sansal oh (2) wiepeh kan.

Eri ke ahpw pahn kairakiedi soahng kan me ke ese duwen Sises Krais—sang nan pwuhk sarawi kan, sang rehn soukohp me momour kan, oh sang ni ahmw eksperiens. Ihs me anahne ese met? Ia mwomwen ahmw pahn ehuki?

Pil Kilang Madiu 5:14–16; 1 Piter 3:15; “Each Life that Touches Ours for Good,“ Koulen Sarawi kan, nempe 293.

Ni ahmw wadek Sounkopwung kan 6–8, kilelehdi wasah kan me Kauno mahsaniheng Kidion en kamehlele mehkot kei me sohte kasikpe. Miehier pak E peki ken wia mehkot duwehte me?

Dahme ke pehm Kauno songosong en padahkiheng uhk? Ia mwomwen ahmw kilang Kauno wia sapwelime doadoahk ni wiepehkei me sohte kasikpe?

Ahn Samson kehl en paliwar oh pali ngehn koaros kohsang pwehki e kasapwungehla ah inou sarawi kan me e wiahieng Kauno, me pil iangahki mehkan me dokdoke mehn Nasared kan (me pid mehn Nasared kan, kilang Nempe Kan 6:1-6; Sounkopwung Kan 13:7). NI ahmw pahn wadek duwen Samson nan Sounkopwung Kan 13–16, kilelehdi ireh kan me kasalehda me Kauno kin ieiang Samson, pil iangahki ireh kan me kasalehda me Samson sohte poadedi ni unsek ong Kauno.

Komw pil pahn men doandoaropwe inou sarawi me ke wiahieng Kauno. Ia mwomwen inou sarawi pwukat ahr kin wahdo sapwelime manaman nan ahmw mour? Dahme ke esehsang mour en Samson me koangoangehkin uhk ke en mehlelieng ahmw inou sarawi kan ong Koht?

Sister Ann M. Dibb padahngki: “Samson ipwikihdi koahiek laud. Inou kohieng ah nohnohu me, ‘E pahn kapitasang mehn Isirael kan nan pehn mehn Pilisdia kan’ [Sounkopwung Kan 13:5]. Ahpw ni ahn Samson kekeirda, ekin pereniki mour en sampah laud sang mour en Kauno. Pilipil me e wiahda ko ‘kansenamwahu ong [ih]’ [Sounkopwung Kan 14:3] ahpw kaidehn pwehki pilipil ko me pwung. Pak tohto, iren pwuhk sarawi kan doadoahngki lepin koasoai ‘oh e kohdihla‘ [Sounkopwung Kan 14:7] ni arail kin koasoaiahda soaiepen en Samson seiloak kan, ah wiewia kan, oh ah pilipil kan. Pwehki e sto uhda oh kapwaiada ah pwukoah, sampah kalowehdi Samson, ah manaman me Koht ketkiheng, kohsang, oh e mehla mwadang, mehla suwed” (”Arise and Shine Forth,” Liahona, Mei 2012, 118).

Pil kilang Dallin H. Oaks, ”Inou Sarawihkan oh Pwukoah kan,” Liahona, Mei 2024, 93–96; Ulisses Soares, ”Koapwoaroapwoar en Inou sarawio sang Sises Krais,” Liahona, Mei 2024, 17–21.

• Sounkopwung kan 3 karasahda mwohmw ehu me padahngki mwomwen sapwelimen Sounkomouro manaman en kapitkitail sang nan dihp. En sewese noumw serihkan en ese kilangada mwohmw wet, komw kak ntingihdi lepin mahsen pwukat, ”wiahda me suwed,” ”Senglahng Kauno,” oh ”pilada sounsawas.” Eri serihkan kak rapahki lepin koasoai pwukat nan Sounkopwung kan 3:7–9 oh Sounkopwung Kan 3: 12–15 . Dahme kitail esehla me pid Kauno sang wiepe wet?

• En kalipwe me Sises Krais wia sawaspatail, komw kak kihpene kilel en aramas, iangahki kilel en Sises oh kihdi wekidedi. Kiheng ahn emen emen seri ansou en wekid kilel kan. Ni ansou me re diar kilel en Sises, koulki koul me pid ih, me rasehng ”He Sent His Son” (Pwuhk en Koul en Serihkan, 34–35), oh padahkiheng serihkan ia mwomwen Ah souweseiukala.

• Ke kak doadoahngki “Depora Lih Soukohpo” nan Soai en Kadehde Mering kan, 92–95, pwe en ndahng noumw serihkan soaien nan Sounkopwung kan 4. Ehukipene dahme kumwail pwungkihki Depora. Ia mwomwen ah pwoson Kauno kapaiada me mih impehkan? Dahme kitail kak wia en sowese mehteikan pwe arail pwoson Sises Krais en laudla?

  

  2:9

• Doadoahngki Sounkopwung kan 7:4–7, peit en wihket, de “Karis en Sounpei en Kidion” nan Soai kan nan Kadehde Mering, 96–99, pwe en padahkihong noumw seri kan duwen Kauno ah katikala karis en sounpei en Israel. Dahme kahrehda Kauno men nen Kidion sompei kan en malaulauki? (Kilang Sounkopwung kan 7:2).

  

  2:37

• Noumw serihkan kak mahlenihda kedlahs, mehn sansar, koronihda, lamp, oh piter oh koasaoiahda mehnia rehn dipwsou pwukat re pahn men doadoahngki ansoun mahwin. Re kak wadek Sounkopwung Kan 7:16 pwe en esehla dahme Kauno padahkiheng nein Kidion sounpei kan en doadoahngki. Ni amw pahn wadek duwen mahwino nan Sounkopwung kan 7:19–21, ehukipene dahme ke esehla duwen Kauno nan soai wet.

• Ahn Samson inou sarawi ong Kauno kiheng ih kehlail en paliwar, pil duwehte atail inou sarawihkan kin kiheng kitail kehlail en pali ngehn. Noumw serihkan pahn pereniki wia ekei eksersais oh koasoaiapene ia mwomwen eksersais ah kak sewese paliwaratail en kehlail. Ia mwomwen atail inou sarawihkan kak sowese pali ngenitail en kehlail? {Kilang Mosaia 18:8–10; Doctrine and Covenants 20:77, 79).