Rud;  Samuel 1–7

Mour apwaliong Liohdi men nan dih sohte lipilipil. Ahpw ansou en Rud pwoudo mehlahn, ah irairo inenen apwal. Nan tiahk en mehn Israel Nan ansouo, lih emen me sohte ah pwoudo de nah pwutak sohte arail pwung ong ahniki mehkot oh me malaulau mwohmw en wiahda mwohni kan. Ni ahmw wadek en Rud soaio, tehk mwomwen Kauno ah wekidasang kahpwal ong kapai tohto kaselel kan. Dahme ke kasawihada rehn Rud me kakete sewesehda? Ia mwomwen Boas ah doarehla Rud sang ah irail apwalo? (kilang Rud 4:410–). Ia mwomwen koaros Rud oh Boas ara duwehte Sises Krais?

Pil kilang “Be Still, My Soul,” Hymnsno. 124.

Mwein ke lelohngehr ehu kahpwal laud, duwehte me Rud ih Naomi wiahier (kilang Rud 1:1–5). De mwein, duwehte Ana, ke kin mentenoh alehdi kapai kan ke saik alehdi (kilang 1 Samuel 1:1 10). Ia mwomwen lih pwukat ahr kasalehda ara pwoson Koht? Dahme ke esehsang ara karasaras kan?

Ei, kaidehn koaros me kin kapakapki seri kin alehdi emen, oh kaidehn koaros me ah pwoudo mehsang kin pwurehng pwopwouda. Ahpw koaros me kin sohpeilahng Sounkomouro kin alehdi Sapwellime sawas oh kaweid. Medewe mwomwen ahmw “me pein kowe piladahr en wia perepomw (Rud 2:12 nan ahmw ansoun apwal akan.

Pil kilang Amy A. Wright, “Abide the Day in Christ,“ Liahona; Nohpempe 2023, 9–11.

Ansou me arail imwintihti ko peieng irailo, mehn Israel ko medewe me pwehki arail kolokol kopwahn inoup e pahn pere irail. Ni ahmw wadek 1 Samuel 4–6, medewe dahme mwo sohte doadoahki ki. (Pil tehk wihwia sapwung kan en Nein Ilai pwutak kan, me wiahier samworo kei nan impwal Sarawio, nan 1 Samuel 2:12–25.) Dahme Ke leme Kauno songosong en padahkihong Sapwellime aramas akan? Dahme ke esehsang dahme wiawiher Ong mehn Pilisdia ko mwurin arail Koledier kohpwahnu? (kilang iralaud kan 5–6). Dahme ke esehsang en Israel nanantihong pwurehng alehdi sapwellimen Kauno perehre nan 1 Samuel 7?

Ke kakete alehdi kamarain ni ahmw wadek en Ana pohn en kapingo nan 1 Samuel 2:1–10. Dahme ke diar nan ah lokaia kan me sewesedahr nein Ilai pwutak kan oh mehn Israel kan?

Nan Ansou kan, ke kak ahniki pepehm duwehte Samuel, me rongadahr ngilen Kauno show sohte kak kasawihada. Duwehte kitail koaros, Samuel anahne esehla rongada ngilen Kauno. Ni ahmw onopiki 1 Samuel 3, dahme ke esehsang kisin pwutak pwulopwul kiset duwen rongorong oh pepeikiong ngilen Kauno? Ke pil kak rapahki Iren pwuhk sarawi pwukat oh wiahda ehu lisd en iren sawas akan me kak sewese emen aramas kasawihada ngilen Kauno: 1 Nanmwarki kan 19:11–12; Luk 24:15–32;3 Nihpai 11:3–7; Doctrine and Covenants 6:22–23;8:2–3; 9:7–9.

Ekei ansou, ke kak ahniki pepehm me Nanleng ritidi oh me Koht sohte men lokaiahng uhk. Preseden Russell M. Nelson mahsanih, “Koht udahn mwahuki lokaiahng uhk? Ei!” (“Kaudiahl ong Mwomwohdiso, Kaudiahl ong Atail Mour,” de Liahona, Mei 2018, 93–96). Ni ahmw onopiki en Preseden Nelson padahk, dahme ke diar me kamarainih iuk en rong oh peikiong ngilen Kauno? Dahme Preseden Nelson lukehiong uhk en wia, oh soangen kapai da e inoukiher? Ke pil kak diar luhk oh inou en kapai kan duwen Kaudiahl nan “Walk in God’s Light” (Ong Kakehlepen me Pwulopwul: Mehn Kaweid ong Wiahda Pilipil kan, 16–20). Song pilada ehu mehkot ke kak wia pwe en “kalaudehla ahmw kehlail en palingehn en alehdi kaudiahl.”

• Ni ahmw ehuki Ong noumw seri kan soaiepen Rud (ke kak doadoahngki “Rud ih Naomi” nan Soai kan Nan Kadehde Mering, 100–103), Luke irail en kauwada pehrail kan ansou koaros irail rong wiepen kadek ehu nan soaio. Irail pil kak ehukihda ia mwomwen arail kin pepehm ansou mehteikan kin kadek ong irail, de ansou irail kin kadek ong mehteikan. Ia mwomwen Sounkomouro ah kadek ong kitail? Ia mwomwen atail kak Idawehn Ah karasaras? (kilang Kindness Begins with Me,” Children’s Songbook, 145).

  

  2:0

• Soai kan en Rud oh Ana kak kamarainda noumw seri kan en kolokolete pwoson ansou apwal akan. Sewese irail wiahda ehu tard me mie nting pwukat powe Kasongosong kan, Wieiwa kan, Kapai kan. Mwuhr kumwail wadekpene Rud 1:3–5, 8, 16; 2:1 3, 8–12; 4:13–17; 1 Samuel 1:1 18 oh ntingihong pah ntingen powe kan dahme irail diar nan ire pwukat. Ia mwomwen Rud oh Ana Ara kasalehda ara pwoson Kauno? Kowe oh noumw seri kan kak eri ehuki karasaras kan duwen Kauno ah kapaiiukadahr nan ansou apwal kan.

• En esehla duwen Ana, noumw seri kan kak wadek 1 Samuel 1:1–18 de “Ana” Soai kan Nan Kadehde Mering (104–5) de kilang “Hannah’s Faith” (kasdo, Laipreri en Rongamwahu). E kak kaperen en kosiki ehu impwoi ong emen seri oh lukehiong irail en soaiehda ekis soaio mwohn kilahng impwoio emen tohrohr. Dahme Ke sehla duwen kapakap sang en Ana karasaras?

  

  1:15

  

  3:9

• Mwein ehu kamwomwada mengei en kak sewese noumw seri kan en kasukuhlsang en Samuel ekspihriens en kaudiahlo. Emen seri kak mwomwehda wia Samuel, oh emen kak mwomwehda wia Ilai ni ahmw wadewadek 1 Samuel 3:1–10 (pil kilang “Samuel the Prophet” nan Soai kan Nan Kadehde Mering, 106–9, de kasdohu “Samuel Ih Ilai,” Laipreri en Rongamwahu) Dahme kitail esehsang Samuel duwen mwomwen rongada ngilen Kauno? Ia mwomwen atail pahn kasale me kitail men rong ansou me Kauno kinmahseniong kitail?

  

  2:10

  

  1:58

• Idek rehn noumw seri kan ia mwomwen arail pahn kawehweiong mehmen ia mwomwen Kauno ah kin mahseniong irail? Ke kak sewese irail rapahki pasapeng kan nan Doctrine and Covenants 6:22–23; 8:2–3; 9:7–9.