Samuel 8–10; 13; 15–16

1 Samuel 8 koasoaia kemwekid ehu me pahn erein wekidala desdini en mehn Israel kan. Ong perehre sang arail imwintihti kan, mehn Israel kan mwahuki dahme mehn mparail kan anhiki—emen nanmwarki me pahn kaunda pohrail. Ni ahmw wadek duwen arail pekipeko oh sapwellimen Kauno pasapengo, medewe isime ke kin kilenglahng ong seipdi oh kaweid. Medewe ia wehwehn en mweidohng Kauno en “wia [ahr] nanmwarki” (1 Samuel 8:7).

Nan wihk kohkohdo kan, ke pahn wadek duwen nanmwarki kei me alehdier pwukoahn kaweid Israel. Ni ahmw esehla duwen irail, medewe kalelapak pwukat.

• Ia momwen en Kauno kapar kan pweida nan 1 Samuel 8:10–18?

• Ia mwomwen seri en Israel kan ahr alehkihdi kahpwal sang arail pilipil en ahniki nanmwarki en sampah?

• Ia mwomwen Sises Krais ah weksang nanmwarki kan en sampah? Medewe soangen en sampah da ke kak anahne kihsang nan ahmw mour pwehn mweidohng Krais en wia ahmw Nanmwarki.

Pil kilang “Rejoice, the Lord is King,” Koul en Sarawi kan, nempe 66.

Wadek duwen Koht ah ketin pilada Nanmwarki kan en Israel nan 1 Samuel 9–10 oh 16 (kilang ni mehlel 9:15–17; 10:1–12; 16:1–13). Rapahki iren pwuhk sarawi kan me sewese iuk en ese dahme e wehwehki en “alehdi malipilip sang Koht, sang kokohp nan sapwellimen Kauno Mwomwohdiso rahnet (Iren Pwoaon akan 1:5). Ke kak medewe kihong pein kowe nan dowen sounkaweid me kihkihwei pwukoahki (Samuel), aramas me pahn ale pwukoahu (Sohl oh Depit), oh aramas me irail malipilipda en papah (mehn Israel kan). Dahme ke esehla sang arail lokaia oh wihwia kan Nan iralaud pwukat?

Medmedewe mwomwen Sohl ah namenek nan 1 Samuel 10, e kopwuriamwei en wadek duwen ah “uhwongada” oh “kahng uhdi” mwurin ah wialahr nanmwarki (1 Samuel 15:23). Dahme ke leme me met wiawihki? Nan 1 Samuel 13:5–14, soangen madamadmau kan oh wiewia kan me ke kilang me elehiong ah pwupwidi?

Nan 1 Samuel 15, ke pahn wadek duwen ehu kosonned sang Kauno me Sohl sohte peikiong pwe e lemme mie ah kahrepe mwahu. Pwe en kasukuhlsang en Sohl pilipil sapwung kan, kilang ire tikitik 22 oh weliankihdi lepin lokaia kan “tohnmetei” oh “sihpw me keiou kaselel kan” ong soahng kan me mwomwen mwahu ahpw sohte nohn kesempwal duwehte rongorong oh peikiong Kauno. Ia mwomwen ahmw kapaiadahr sang ahmw kihong kupwuren Kauno keiou nan ahmw mour?

Miehier pak ke wiahda ehu kosoandi me pid “mas likin mehkot de aramas emen, oh diarada mwuhr me ke sapwung? Mwein ke kangada mehkot me sohte iou duwehte mwomwehu. De mwein ke tenekiher emen ni sohte pahrek.

Ansou Samuel raparapahki emen nanmwarki en Israel, Kauno padahkihengehr ehu mwohmw me mwahusang. Wadek duwen met nan 1 Samuel 16:6–7, oh medewe wiahda ehu lisd en mwohmw akan me aramas kin tenekihki mehteikan “ong mwomwen aramas.” Ke kak diar ekei karasaras kan nan en Elder Christophe G. Giraud-Carrier padahk “We Are HIs Children” (Liahona, Nohpempe 2003, 114–116). Ia wehwehn en kasawih “mohngiong en aramas akan,” me Kauno kin ketin wia? 1 Samuel 16:7). Ke pil kak diar karasaras akan en me Nan en Elder Giraud-Carrier padahko. Mwein ke kak medewehda ansou teikan me Sounkomouro kilang mwohmw en aramas emen ni masliki. (Kilang, ni karasepe, Mark 12:41–44; Luke 5:1–11; 19:1–9; Sohn 4:5–30; Moses 6:31–36.) Dahme ke esehla sang karasaras pwukat?

Ia mwomwen ahmw pahn idawehn karasaras en Sounkomouro ni mwohmw me ke kin kilang mehteikan—oh pein kowe? Ia mwomwen ahmw wia met kak kauwe ahmw ehuong mehteikan? Song ndahng emen duwen mwahu kan ke kilang nan arail mohngiong.

Pil kilang Ulisses Soares, “Brothers and Sisters in Christ,” Liahona, Nohpempe 2023, 70–73.

• Ni ahmw wadek 1 Samuel 8 ong noumw seri kan, sewese irail rapahkihda kahrepe kan Samuel indahngehr mehn Israel kan me ahniki nanmwarki wia madamadau sohte mwahu ehu. Dahme e mwahukihsang kitail en ahniki Sises Krais en wia atail nanmwarki? Kumwail kak ehupene wiahda ehu mwaren nanmwarki wiawihsang doaropwe oh emen emen weliali mwarehda oh ehukihda mehkot kitail kak wia me pahn kasalehda me kitail mwahuki Sises en wia atail nanmwarki. (Pil kilang Seremaia 23:5; Doctrine and Covenants 45:59.)

• Soai kan duwen Koht ah pilipilada Sohl oh Depit en wia Nanmwarki kei kak sewese noumw seri kan wehwehki ia mmwomwen aramas kin malipilip iong papah Nan Mwomwohdiso rahnet sang kaudiahl. Pwe ken padahkihong irail Soai pwukat, ke kak ntingihedi kemwekid en Nan Soai kan pohn kisin tehn doaropwe, oh noumw seri kan kak kihong irail ni koasoandi me pwung ni ahmw wadek pahn wadekpene iren pwuhk sarawi kan (pil kilang “Depit ni ah pwulopwul” nan Soai kan Nan Kadehde Mering, 110–11). Mwuhr ke kak koasoaia ansou kan me Koht kapai kin uhkada manaman en palingehn en kapwaiada doadoahk ehu de malipilip ehu (kilang 1 Samuel 10:9–10).

  

  1:16

• Met pil kak wia ansou mwahu en padahkihong noumw seri kan kelimaun Iren pwoson. Indahng irail ia mwomwen ahmw alehdi ahmw pwukoah nan Mwomwohdiso. Ia mwomwen ahmw kak ese ke alehdi pwukoah sang Koht?

• Ehu lesen en dipwisou kak sewese noumw seri kan wehwehki kosonned mih nan 1 Samuel 16:7. Ni karasepe, ke kak kasalehda ekei mwenge de pwuhk ehu me mie kidikid de pweine me sohte duwehte udahn kanenge kan. Dahme 1 Samuel 16:7 oh lesen en dipwisou wet kasalehda duwen mwomwen kitail anahne kilang pein kitail oh ekei aramas? Koulki ehu koul me kasalehda kesempwalpen kosonned wet, me duwehte “Love One Another” Children’s Songbook, 136).

  Doadoahngki lesen kan me kin iangahki dipwisou. Ansou noumw seri kan kak kilang oh doahke mehkot me doke ehu kosonned en rongamwahu, irail pahn kak tamataman. Ni karasepe, ni ahmw wadek ong irail 1 Samuel 16:7, ke kak mweidohng irail en sewese iuk rapahkihda karasaras akan en soahng kan me kin pitihedi mahs pwehn kasalehda madamadau me kitail anahne song kilang duwehte Kauno—sang ni kaskasawih –nan mohngiong kan”—kaidehn keseu me poahsoanki “mwomwen aramas.”

• Kowe oh noumw seri kan kak ehukipene ekspihriens kan me ke esehla dahme ke anahneki “kilang mohngiong en aramas,” kaidehnte “mwomwen aramas” (ire tikitik 7). Kumwail kak inda pene nan pwungamwail en emen emen mwahu kan kumwail kilang Nan arail mohngiong kan.