Come, Follow Me
Suhn 22–28. “Koaronge Sang nan Mwoalomwi Nanleng Arail Kapakap“: 2 Samuel 11–12; 1 Nanmwarki Kan 3; 6–9; 11

“Suhn 22–28. ‘Koaronge Sang nan Mwoalomwi Nanleng Arail Kapakap‘: 2 Samuel 11–12; 1 Nanmwarki Kan 3; 6–9; 11, “Kohdo, Idawehn Ie—Ong nan ihmw oh Mwomwohdiso: Kadehde Mering 2026 (2026)

“Suhn 22–28. ’Koaronge Sang nan Mwoalomwi Nanleng Arail Kapakap’” Kohdo, Idawehn Ie: Kadehde Mering 2026

Solomon Kaskasarawih Tehnpas Sarawi

Solomon kasarawih Tehnpas sarawi nan Serusalem, sang James Tissot oh mehteikan

Suhn 22–28. “Koaronge Sang nan Mwoalomwi Nanleng Arail Kapakap“

2 Samuel 11–12; 1 Nanmwarki Kan 3; 6–9; 11

Sohl, Depit, oh Solomon, wia tepin Nanmwarki silimen en Israel, koaros tepida mwomwen mwahu. Aktikitik, komwad, oh loaloakoang, emen emen irail kenkenla mehlel rehn Kauno—ahpw mehlel ni tapio. Kansensuwedpehu, emen emen nanmwarki ko pil lohdieng nan luwet en paliwar oh koasongosong. Irail mwohniki pein insenerail kan mwohn kupwuren Kauno. Oh ni atail pil kilangehr pak tohto nan pwuhk sarawi kan—oh pil nan pein atail mour— e kin imwila suwed.

Ahpw mehkot kesemwpwal wiawi nan mwein Solomon me kiheng irail koapwoaroapwoar en epwel mwahu nan mour en irail aramas en inou kan. Solomon Kauwada Tehnpas Sarawi Iei me pahn wia udahn tehnpas en Kauno me poatoapoat sang imwpwal o. Oh e pahn wia wasa me kupwur en Koht pahn kin kaipaip pohn Sapwelime aramas kan erein. Solomon wehwehki me aramas kan pahn kin lelehng kasongosong tohto, Ni ansou me kasarawipen tehnpas kapw sarawio ah wiwiawi, Solomon peki rehn Kauno,“Ma irail … pwurehng sohpeieng komwi sang nan loalerail unsek, … komw ketin koaronge arail kapakap” (1 Nanmwarki kan 8:47–48). Iei ihme kisehn dahme inou kan en nan tehnpas sarawi kin wiahieng kitail—e kin kadokeikitail ehng Koht. Re kiheng kitail perepen inou me sang ni atail pahn kin koluhla oh Sapelimen mahk, E kak “ketiket [rehtail]“ oh e sohte pahn likidmelieikitaila (1 Nanmwarki Kan 6:13).

Ong oarakap en pwuhk en 1 Nanmwarki Kan, kilang “Nanmwarki Kan, Pwuhk en” nan Paipel Diksineri.

kilel en onop

Iren Kasukuhl ong Nan Ihmw o oh Mwomwohdiso

2 Samuel 11; 12:1–14

kilel en Seminehri
Kauno kak sewesei ie wiahda pilipil mwahu ni ansou me I pahn lohdieng nan koasongosong en dihp.

Ekei pak kitail kin kilang aramas me mwomwen kehlail nan pelien arail pwoson, oh kitail kin medewe me re sohte kin lohdieng nan koasongosong. En Depit pilipil sapwung kan me kasansalada nan 2 Samuel 11 ni sansal kasalehda me met kaidehn me wiawi. Medewe soangen mehn kasukuhl da ke kak esehsang irair me e lelehng loalehu Kalelapak kan duwehte met kak sewesei komwi en onopiki 2 Samuel 11–12:

  • Soangen pilipil dah me Depit wiahda me kahrehieng eh lohdieng nan ahl en dihp? Soangen pilipil mwahu da me kakete wiahda palahsang mwo? (Pil kilang kasdo “Pwehn udiahl,“ Laipirehri en Rongamwahu)

    4:15

    To Look Upon

    Doadoahngki kasdo kan Kasdo kan kak seweseiuk kilang mwomwen iralaud kan sang nan pwuhk sarawi kan oh kilang ia mwomen ah rasehng ahmw mour. Medewe ia mwomwen omw pahn kak doadoahngkin irail en kalaudehla mwomwen ahmw padahk oh kasukuhl. Ni karasaras, ni omw pahn kilang kasdohn “Pwehn Udiahl“ Laipreri en Rongamwahu), kin kauhdi ekei wasa en kasdohu wasa me wia iren medemedewe de koasoaia pene ekei kalelapak mie mih nan akdipidi wet.

  • Ia mwomwen tepelo ah songosong en kahreiukala nan dihp? Soangen pilipil dah ke kak wiahda met me pahn perehsang pali ngenomw me suwed kan?

  • Tehk mwahu mwomwen Depit ong Soaipen Neiden o nan 2 Samuel 12:1–6. Ia mwomwen ah wiewia ah kasalehda ahn Depit madamadau duwen pein ih? Dahme Kauno wia pwe en seweseiuk wehwehki pein kowe?

  • Ia mwomwen omw pahn kak oaralapiada kemwekid en 2 Samuel 11–12 nan ehute sendens?

Ni atail pahn wadwadek me pid dipen Depit kan e pahn kak elehda kitial en esehla keperpen kasdo suwed oh dipen nenek. Mehn sawas mwahu ong met iei Ong Kakehlepen me Pwulopwul Kan: Mehn Kaweid ohng Pilipil Kan, ahpw mehlel seksin me oaralap “Dahme I pahn wia nan ansouo“ oh “Paliweremwen e Sarawi“ (peit 21–28). Mwein ele komw pil kak tehk nan mehn sawas wet oh kaweid me pahn kak sewese Depit en wiahda pilipil mwahu. De komw kak wadek “Sises Krais pahn sewese iuk“ (peit 6–9), raparapahki soahng kan me pahn kak sewese Depit en pwurehng sopehieng Kauno.

Kak pil koulki koul me duwehte “I Anahne Komwi“ ( Koul en Sarawi Kan, nempe 12) oh medemedewe ia mwomwen Sounkomouro ah kin kahkehlailihuk ansou me ke kin sohpai ih kasongosong.

Pil kilang 2 Nihpai 28:20–24; Ulisses Soares, “Rapahki Krais nan Lamalam Unsek,” Liahona, Nohpempe 2020, 82–85; “Doadoahngki deknoahleti,” Koaspel Laipirehri; “Kilang Amw Alu” (Kasdo), Laipirehri en Rongamwahu.

2:36

Watch Your Step

1 Nanmwarki Kan 3:1–15

Kisakis en teneki kin seweseie ese pilada nan pwungen dahme pwung oh sapwung.

Ma Kauno mahsaniheng uhk, “Peki dahme komw men ieng kiheng uhk” (1 Nanmwarki Kan 3:5), dahme ke pahn peki? Dahme ke pwungki nan ahn Solomon pekipek o? Medemedewe dahme kahrehda “mohngiong me kin wehwehki mwahu” en “teneki nan pwungen me mwahu oh suwed“ (ire 9) wia kisakis kesempwal ehu. Dahme ke kak wia en rapahki kisakis wet?

Pil kilang Moronai 7:12–19.

1 Nanmwarki Kan 6–8; 9:1–9

Sang ni inou sarawi me wiawiahda nan tehnpas en Kauno, Kauno kin ieiang ie.

Nan 1 Nanmwarki Kan 6–7 ke pahn kak diar kawehwe pisetik me pid duwen tehnpas sarawi me Solomon kawada ong Kauno. Mengihtikpe kan mwein ele sohte pahn nohn kesemwpwal ehng uhk duwehte ong irail mehn Isirael en kawao. Ahpw ni omw pahn wadek iralaud pwukat e pahn ekis kamarainkin uhk dahme e nohn kesemwpwalkiheng irail en mie arail imwen kaundokieng Kauno. Dahme e kesemwpwalkiheng uhk?

Mwein komw pahn medemedewe dahme ehu ehu kisehn kilel me mih nan tehnpas sarawi en Solomon o rasehng. Ni karasaras, medewe dahme kerup o, tuhkehko, oh wahnrohs ko nan 1 Nanmwarki Kan 6:35 kak weliandi. (Pil kilang Genesis 3:24.)

Iralaud 8 kilelehdi ahn Solomon kapakap mwurin ah kanekehla tehnpas sarawio (kilang ire tikitik 22–61). Kairakiedi kisehn kapai kan me Solomon peki. Dahme ke pwungkihki kapai pwukat? (Pil kilelehdi sapwelimen Kauno Inou nan 2 Nanmwarki Kan 6:11–13; 9:1–9.) Ma komw ke iangehr pedelong nan tehnpas en Koht, medewe mwomwen irair me ke alehdi wasahu. Ia mwomwen momourki amw momourki amw inou sarawi kan ah kin seweseiuk alehdi sapwelimen Kauno kapai kan?

Pil kilang Doctrine and Covenants 109; Henry B. Eyring, “I KIn Perenki Kilang Tehnpas Sarawi,” Liahona, Mei 2021, 28–31.

Tehnpas Sarawi en Barranquilla Colombia

Tehnpas Sarawi en Barranquilla Colombia

1 Nanmwarki kan 8:61; 11:1–11

“Ah mohngiong sohte unsekieng Kauno.“

Ia wehwehn ke en “mweidehng omw mohngiong … en unsekieng Kauno“? (1 Nanmwarki Kan 8:61). E weksang atail wiewia kan en unsek? Ia mwomwe? Wadek 1 Nanmwarki Kan 11:1–11, oh tehk dahme Kauno masahni me pid mohngiong en Solomon. Komw pahn men medmedewe me mie mehkot nan ahmw mour me pahn kak elehda ken sohpeisang Kauno oh sohpeieng ”koht teikan.”

Ong ekei, kilang pwuhk en sounpwong et Liahona oh Ong Kakehlepen me Pwulopwul Kan makasihn.

kilel en seksin en seri kan

Madamadau kan ong Kasukuhlih Seri Kan

2 Samuel 11

Kauno kak seweseie ansoun koasongosong.

  • “Nanmwarki Depit“ nan soai kan en Kadehde Mering, 117–20, kak seweseiuk ndahng noumw seri kan soai me mih nan 2 Samuel 11. Komw pahn men peki rehn noumw seri kan en idiada pilipil sapwung kan me Dehpit wiahda oh kihda pilipil mwahu kan me e konehng wiahda. Soahng dah me kitail kak wia asnou me kitail pahn kin loiieng kasongosong me pahn kak sewewei kitail wiahda pilipil pwung?

    2:11

    King David

  • Ni atail pahn wadwadek me pid dipen Dehpit kan e kiheng kitail ansou mwahu en pil en koasoaiapene keper pen kasdo suwed. Kasdohn ”Dahme I kak wia ni ansou me I kilang kasdo suwed?” (Laiprehri en Rongamwahu) kolokol mehn kaweid mwahu Sewese noumw seri kan wiahda pilahn ohng ansou me irail pahn kin loieng kasdo suwed.

    5:46

    What should I do when I see pornography?

1 Nanmwarki Kan 8:22–61

Wiahda tiahk sarawi kan nan tehnpas en Kauno— oh momourki—kin seweseie ien alu nan Sapwelime ahl.

  • Ni ansou me kowe oh noumw seri kan pahn wadek kasarawien tehnpas sarawio nan 1 Nanmwarki Kan 8, kumwail pil kak kilang kilel en tehnpas sarawi kan nan keirekdien oaralap en wihket. Mweidehng noumw seri kan en koasoaiahda dahme re kilang nan kilel kan. Ke pahn men kasalehda ire tikitik 57–58. Ia wehwehn ni omw pahn ”alu nan [Sapwelime] ahl koaros”? (1 Nanmwarki Kan 8:58). Mwein ele noumw seri kan kak kin kahk ansou koaros ohng ehu ehu pasapeng me irail pahn kin wia.

  • Padahkiheng ia mwomwen momourki inou sarawi me ke wiahda nan tehnpas sarawi ah kak seweseiuk keid nan sapwelimen Kauno ahl. Mwein komw pahn men padahkiheng irail soangen inou sarawi dah kei me ( kilangPwuhk en Kaweid Doadaohk,27.2, Koaspel Laiprehri). Kumwail pil kak koulkipene koul me duwehte ”I kin perenki Kilang Tehnpas Sarawi” (Pwuhk en Koul en Seri Kan, 95).

Tehnpas Sarawi en Solomon

Mahlen en Tehnpas Sarawi en Solomon, sang Sam Lawlor

1 Nanmwarki kan 11:1–11

I kak mwohniki Kauno nan ai mour.

  • Wadepen mwomwen ahn Solomon werek ah koangoangehuo kak elehda ehu iren koaskoasoaipene me pid karasepen ”koht teikan”— de mehkot me aramas pil kin pwongih de poakoahng likin Kauno. Ia mwomwen atail pahn kak kasalehieng Ih me kitail poakoahng laud sang soahng teikan nan atail mour?

Ong ekei, kilang pwuhk en sounpwonget ong makasihn en Kempoakepahi.

Tehnpas Sarawi en Solomon

Kasarawi en Tehnpas Sarawi en Solomon nan Serusalem, sang William Hole

Praimeri akdipidi peit: Inou sarawi kan me I kin wiahda nan tehnpas en Kauno kin seweseie keid nan Sapwellime ahl akan.