“Suhn 29–Sulai 5. ‘Ma Kauno me Koht, a Kumwail Kaudokiong’: 1 Nanmwarki kan 12–13; 17–22,” Kohdo, Idawehn Ie—Ong Nan Ihmw oh Mwomwohdiso: Kadehde Mering 2026 (2026)
“Suhn 29–Sulai 5. ‘Ma Kauno me Koht, a Kumwail Kaudokiong,” Kohdo, Idawehn Ie: Kadehde Mering 2026
Elaisa Akamaiong Soukohp en Paal kan, sang Jerry Harston
Suhn 29–Sulai 5: “Ma Kauno me Koht, a Kumwail Kaudokiong“
1 Nanmwarki kan 12–13; 17–22
Peneinei en Israel wie pingiping. Wehiou pwalpesengehr, ni keinek eiseko wihwiahda Wehin Paliepeng en Israel oh keinek riau wihwiahda Wehin Palieiren Suda. Ahpw me suwed sang arail kohpesengehr iei wehi ko koaros keisangehr arail inou sarawi kan. Nanmwarki suwed akan kahluwasangehr aramas akan rehn Koht, oh aramas tohto pwupwseliher nan arail pwoson.
Nan soangen irair wet, Kauno ketin malipe Elaisa en wia soukohp men. Ah mour kin kasale me aramas emen kak ahniki pwoson laud rehn Kauno pil nan irair sakanakan kan. Ekei pak Kauno kin sapengki soangen pwosono manaman kopwuriamwei kan en nan pwungen aramas me duwehte kisiniei pwupwuidihsang nanleng. Ahpw e pil kin doadoahk meleilei, manaman kopwuriamwei kan ni praiped, soangen kamwenge liohdi pwoson men oh nah pwutak. Oh pak tohto sapwellimen Kauno manaman kopwuriamwei kan kin wiawiong emen emen me emente aramas kin ese—ni karasepe, ansou Kauno kasalehda Pein Ih ong uhk sang “kisin ngilen mwenginingin kis wiawi” (1 Nanmwarki kan 19:12).
Ong pil ekei duwen Elaisa, kilang “Elaisa” nan Paipel Dikseneri
Madamadau kan ong Kasukuhlih Seri kan
1–Namwarki kan 12:1–20
Sounkaweid kan me duwehte Krais papah aramas irail kaweid
Ia mwomwen ahmw pahn kosoiehda sapwung en Nanmwarli Reopoham, nein Solomon pwutak, wiahda Nan 1 Nanmwarki kan 12:1–14? Soangen atripiuhd en Krais dah me kak sewesehda Reopoham kapitala ah wehiou? (kilang ire tikitik 7; Madiu 20:25 28; Mosaia 2:10 21). Ia mwomwen ahmw kak doadoahngki atripiuhd pwukat ni ahmw wia sounkaweid men—ma nan pwukoahn Mwomwohdiso de sounkaweid ong pein ahmw mour?
1 Nanmwarki kan 17:8–16; 19:19–21
Ehu luhk ong tohnmetei iei ansou mwahu en doadoahngki ahi pwoson Sises Krais.
Soukohp Elaisa pekiher rehn lihohdi men en kihong kene mwenge oh pihl mwohn Ih oh nah pwutak duhpeklahro pahn mwenge. Dahme E ketin wiahki mwo? En Elaisa pekipeko kak wia kapai ehu ong peneinei tikitik wet. Ira anahne sapwellimen Kauno kapai kan, oh Tohnmetei kin kihdo kapai kan—iangahki kapai en pwoson me kehlailla.
Ni ahmw wadek 1 Nanmwarki kan 17:8 16, medewe me kowe lihohdi menet. Dahme ke pwungki duwen Ih? Ke pil kak wiahda ehu lisd en pilipil kan me anahne pwoson Sises Krais (ong karasaras kan, kilang Ong Kakehlepen me Pwulopwul: Mehn Kaweid ong Wiahda Pilipil kan [2022]). Dahme ke esehsang lihohdi menet duwen doadoahngki pwoson?
Ia mwomwen en Elaisa wihwia kan nan 1 Nanmwarki kan 19:19–21 duwehte en lihohdi wihwia kan?
Medewe tohnmetei kan ke wiahier pwe ken Idawehn Soukomouro. Dahme 1 Nanmwarki kan 17:8–16; 19:19–21 padahkihong uhk duwen meiroang pwukat? Ia mwomwen ahmw ese Sounkomouro sewese iuk ansou E kupwurki ken wiahda tohnmetei kan? Ia mwomwen Ah ketin kapai iukadahr?
Pil kilang Madiu 4:18–22; 6:25–33; Luk 4:24–26; “Elaisa oh Liohdi en Sarepad” (kasdo), Laipreri en Rongamwahu, “When Faith Endures,” Koul en Sarawi kan, nempe 128.
Elijah and the Widow of Zarephath
1 Nanmwarki kan 18
“Ma Kauno me Koht, a Kumwail Kaudokiong.”
Mehn Israel kan kakete ahniki pepehm me mie arail kahrepe mwahu en kaudokiong Paal, me dehdehki ah wia koht en melimel kan oh ketou. Mwurin sounpar siluh en sohte ketou, irail inenen anahne kotou. Oh kaudokiong Paal wia mehkot me alahlda oh kalaudpe sang nanmwarkio oh kuwihno. Ni ahmw wadek 1 Nanmwarki kan 18, medewe dahme kahrehda emen nan atail rahnet kakete apwaliki pilada Idawehn Kauno. Nan iralaud wet, dahme ke leme me Kauno songosong en padahngki duwen Pien Ih? Soangen ekspihriens dah me sewese iuk en poadidiong idawehn Sounkomouro?
Pil kilang D. Todd Christofferson, “Choice and Commitment” (worldwide devotional for young adults, Senuweri 12, 2020), Laipreri en Rongamwahu.
Mahlen en Elaisa, sang Wilson Ong.
1 Nanmwarki kan 19:1–18
Kauno kin kalapw mahsen ni mwohn akan me meleilei, oh mengei.
Me kansensuwed, manaman kopwuriamwei me wiawi pohn Nahna Carmel sohte kamangaila en Elaisa misino. Ni mehlel, ah mour min nan irair keper ehu, oh e anahne rukila nan pwoahr ehu nan welo. Wasahu, ni ah aiahniki kahpwal en loaloid oh soh koapwoaroapwoar, e ahnikihda ehu ekspihriens ong Kauno me inenen weksang me wiawi pohn Nahna Carmelo. Dahme en Elaisa ah ekspihriens Nan 1 Nanmwarki kan 19:1–18 padahkihong uhk duwen mwomwen Kauno ah kin lokaiahng uhk nan ahmw ansoun anahn akan?
Medewe mwahu ansou kan me ke ahniki pepehm me Kauno mahseniong uhkehr. Ia mwomwen ahmw pahn kosoia mwomwen ah kin mahseniong uhk? Dahme lepin lokaia pwukat “mwenginingin” oh “tikitik” mwohmw mwahu kei me kak kasalehda ngilen Ngehno? Mehnia ekei lepin lokaia me ke diar nan Ilemen 5:30; Doctrine and Covenants 6:22–23; 11:12–14? Dahme ke anahne wia pwe ken alehdi sapwellimen Kauno kaweid pak tohto?
Pil tehk Melkahka kan 46:10
Doadoahngki mehn pepehm tohto pwe en kalaude kasukuhl. Kitail koaros kin esehla duwen sampah sang atail sens limau kan. Doadoahngki pepehm pwukat kak kalaudehla esehla rongamwahu wet. Ni karasepe, medewe kilel kan de ngihl akan me ke kak doadoahngki ong kasalehda lepin lokaia pwukat “mwenginingin“ oh “tikitik“ ni ahmw esehla de kasukuhlki duwen sapwellimen Kauno ngihl Nan 1 Nanmwarki kan 19.
Ong pil ekei, kilang pwuken sounpwunget ong makasihn en Liahona oh Ong Kakehlepen me Pwulopwul
Madamadau kan ong Kasukuhlih Seri kan
1 Nanmwarki kan 17
Kauno kin ketin kapaiehda ni ahi ahniki pwoson Reh.
-
En sewese noumw seri kan esehla soai duwen pwoson pwukat nan 1 Nanmwarki kan 17, ke kak kasalehiong irail kilel kan de dipwisou kan pwe en kasalehda Soai kan, soangen menpihr kan, pilawa, de kisin pwutak kis. Ni ahmw ndahng noumw seri kan soai pwukat, lukehiong irail en rapahkihda kilel de dipwisou me iang ehu ehu soai. Elaisa Soukohpo” (Nan Soai kan nan Kadehde Mering, 121–24) kak sewese iuk soaiehda soai pwukat. Dahme ehu ehu soai padahkihong kitail duwen kasalehda pwoson Sises Krais?
1:58Elijah the Prophet
-
Sewese noumw seri kan medewe mwohmw akan irail kak kasalehda arail pwoson Sises Krais. Iang irail koulki ehu koul duwen pwoson, soangen “I Have Faith in the Lord, Jesus Christ” (Laipreri en Rongamwahu), oh ehukipene nanpwungamwail dahme ke esehla duwen pwoson sang koulo.
Mahlen en Elaisa oh kamwahulahn Nein liohdio pwutako, sang Charles Edmund Brock
1 Nanmwarki kan 17:8–16
Ansou me Kauno kupwurki I en tohnmetei, I kak peikiong ni pwoson.
-
Mwein noumw seri kan kak mahlinihda ehu kilel en dahme Kauno ndahng liohdio en kihong Elaisa (kilang 1 Nanmwarki kan 17:12–13 oh dahme liohdio alehdier pwehki ah sawaso (kilang 1 Nanmwarki kan 17:15–16). (Pil kilang akdipidi peit en wihket.) Irail pil kak rapahki kilel kan en ekei aramas me meironagkihla mehkot irail mwahuki ong mehkot mwahusang. Luke numw seri kan en rapahkihda kilel kan Nan Gospel Art Book de Kohdo, Idawehn Ie. Dahme Kauno mwahuki kitail en tohnmeteiki? Ia mwomwen Ah kin kapai kitailda?
1 Nanmwarki Kan 18:17–39
I kak pilada I en idawehn Sises.
-
Ni ahmw wadek 1 Nanmwarki kan 18:17–39 pene, noumw seri kan kak pilada ehu ire oh mahlinihda ehu kilelen dahme e kasalehda. Irail kak doadoahngki neirail kilel kan oh soaiehda soaio ni pein arail lokaia kan. (Pil kilang “Elaisa oh Soukohp en Paal kan,” nan Soai kan nan Kadehde Mering, 125–28.)
2:17Elijah and the Priests of Baal
-
Sewese noumw seri kan medewe irair kan me irail kakete anahne medewehda de sohte Idawehn Sises Krais. Irail kak mahlinihda kilel en pein irail ni ahr wihwiahda pilipil pwung. Ehukihong emen emen dahme ke pilikihda en idawehn Sises.
1 Nanmwarki kan 19:9–12.
Kauno kin ketin mahseniong Ie sang ni ngihl tikitik en Ngehn Sarawi.
-
Ni ahmw pahn oaralapihedi 1 Nanmwarki kan 19:9–12, luke noumw seri kan en wia mwohmw kan me kasalehda kisiniengo wuk, rerer en sahpw, oh kisinieio. Mwuhr lukehiong irail en mwihndi nenenla ni amwail ndapene, ni ngihl tikitik ehu, “mwurin kisinieio, kisin ngilen mwenginingin kis wiawi” (ire tikitik 12). (Pil kilang “Kauno kin Mahseniong Elaisa,” nan Kadehde Mering, 129–31.) Ndahng noumw seri kan ansou kan me ke ekspihriens ngihl tikitik en Ngehn Sarawio.
1:48The Lord Speaks to Elijah
-
Ni ngihl tikitik koulki ehu koul duwen Ngehno, soangen “The Still Small Voice” (Children’s Songbook, 106–7). Dahme kak kasalonge kitailsang kasawihada Ngehno? Dahme kak sewese kitail en karonge Ih?
Ong pil ekei, kilang pwuken sounpwunget ong makasihn en Kempoakepah.