“Sulai 20–26. ‘Se Patohwan Peki Sapweliimomwi Sawas: 2 Kronikel 14–20; 26; 30,” Kohdo, Idawehn Ie—Ong Nan Ihmw oh Mwomwohdiso: Kadehde Mering (2026)
“Sulai 20–26 ‘Se Patohwan Peki Spwelimomwi Sawas, ”Kohdo, Idawehn Ie: 2026
En Nanmwarki Seosapat Kapakap, sang Keeley Rae
Sulai 20–26: “Se Patohwan Peki Sapwellimomwi Sawas”
2 Kronikel 14–20; 26; 30
Wehin Suda kapilpenehier. Karis en sounpei sang arail imwintihti wehi siluh ansou ehute kohkohdong irail, kaunopada ohngehr mahwen. Nan ah ansoun anahn karuwaru, Seosapat, Nanmwarki en Suda, sohpeilahngehr Nanmwarki en nanleng oh sampah. Seosapat kapokonepene nah aramas akan ni tehnpas sarawio oh kapakap. E kasalehda arail luwet en aramas oh pekiher sawas en kasaledekla. Ni pasapeng, Kauno ketin inoukiher Sapwellime perehre: “Kumwail dehr peikasal de masopwehk” (2 Kronikel 20:17).
Sohte pwihn en sounpei ehu me kodohng ni atail wenihmo songosong en kamwomw kitalla, ahpw ekei ansou kitail kin anhiki pepehm me kitail kapilpilpenehier sang kasongosong oh mesuwed. Atail ahl ong kasaledekla iei ahlohte me Seosapat rapahkio, oh atail kapakap kak pil duwehte ahu: “Komwi me at Koht,… se sohte kak uhwong karis lapalap wet me mahmahweniong kiht; se sohte patohwan dahme se pahn wia; ahpw se patohwan peki sapwellimomwi sawas” (2 Kronikel 20:12).
Nan 2 Kronikel 14–30, ke pahn wadek duwen Seosapat oh nanmwarki teikan nan Suda. Medewe ia mwomwen arail wekidekla me pwoson-tapihada kan, arail kana kan, oh kahpwal kan kak doke pein ahmw mour.
Ong ehu oaralapen pwuhk en Kronikel, kilang “Kronikel” Nan Paipel Dikseneri
Madamadau kan ong Kasukuhlih Seri kan Nan Ihmw oh Mwomwohdiso
2 Kronikel 14–16
Koapwoaroapwoarki Kauno pahn kihong Ie meleilei.
Ansou me Asa wia nanmwarki en Suda, e sohpaier kahpwal tohto—duwehte me kitail koaros kin wia rahnwet. Ni ahmw wadek duwen kahpwal akan e sohpaier, kilang wasa e kihong ah koapwoaroapwoar oh mwomwen eh wekila ni ansou ah douer powe.
|
Ire Tohrohr |
Kahpwal akan Asa sohpaier |
Wasa Asa kihong ah likilik |
|---|---|---|
Ire Tohrohr 2 Kronikel 14:9–12 | ||
Ire Tohrohr 2 Kronikel 15:1–8 | ||
Ire Tohrohr 2 Kronikel 16:1–10 |
Dahme ekei ansou kitail kin uhkidihsang koapwoaroapwoarki Kauno? Soahng da ke pil esehsang en Asa mour?
Pil kilang Elder D. Todd Christofferson, “Our Relationship with God,” Liahona, Mei 2022, 78–80.
2 Kronikel 18
I kak doarehla mehlelo, pil ansou sohte me pereniki.
Soukohp Maikaia mweinte ahniki pepehm en kapwunod laud en kohpada pweidahn Nanmwarki Seosapat oh Ehiap nan arail mahweniong Siria. Rapahki kasalepen kapwunodo nan 2 Kronikel 18:1–12. Ia kasalepe me ke diar duwen en Maikaia kommwad oh loaloapwoat nan ire tikitik 13–27? (Kilelehdi me nan ire tikitik 14, Maikaia wia pasapeng mwahl ehu, ah pasapeng mehlelo mih nan ire tikitik 16.) Ia mwomwen en Maikaia lokaia kan ah pweidahr nan ire tikitik 28–34?
Ia ekei irair kan me ke sohpai kahpwal duwehte me Makaia sohpaier? Dahme kihong uhk kommwad en uhkihda Kauno oh Sapwellime padahk kan?
Nan rahn en Nanmwarki Seosapat akan, wehi siluh peiongehr Serusalem.
2 Kronikel 20:1–25
Nan Ansou Apwal akan, I kak sohpeilahng Koht oh Sapwellime soukohp akan.
Ni ahmw wadek 2 Kronikel 20:1–12, rapahki dahme Nanmwarki Seosapat wiahier ansou wehi tohtohkan kodohn mahweniong Suda. Ia mwomwen ahmw kak wia ah wihwia kan nan irair apwal akan ke kin lelohng?
Sapwellimen Kauno pasapeng ong Seosapat kak dierek nan ire tikitik 14–17. Soangen lokaia da ke diar wasahu me kak kaloalamwahuih iuk de emen me ke ese nan ansoun kahpwal akan?
Rahn mandahu, mehn Serusalem kan kohieilahng tuhweng sounpei me uhwong irail ko. Ni ahmw wadek 2 Kronikel 20:20, rapahki padahk me Seosapat wiahier ong mehn Serusalem ko. Ia mwomwen sapwellime mahsen akan pweidahr? (kilang ire tikitik 22–23). Ia mwomwen Koht ah kapai iukadahr pwehki ahmw kamehlele Ih oh ideidawehn Sapwellime soukohp akan?
Preseden Russell M. Nelson padahngki: “Ahi ekspihriens iei me ansou ke uhdihsang kihong kilelen kalelapak mwurin en soukohp kan kaweid kan ahpw kihong eksklameisin pwoint, oh wia, kapai kan pahn widekidi. Saik pak ehu I pein idek rehi, ‘Ansou da me soukohp kin lokaia ni ah wia soukohp men oh ansou da e sohte kin?’ Dahme I men esehla iei, ‘Ia mwomwen ahi kak duwehla Ih?‘ (nan Lane Johnson, “Russell M. Nelson: Ehu Onop Nan Peik,” Ensign, Oahkos 1982, 24).
Pil kilang Doctrine and Covenants 21:4–6, “A Source Anchor” (kasdo), Laipreri en Rongamwahu, “Make Inspired Choices,” Ong Kakehlelepn me Pwulopwul: Mehn Kaweid ong Wiahda Pilipil kan (2022), 4–5.
A Secure Anchor
Kilangada kasalepen mehlel kan. Elder Neal A. Maxwell padahngki: “Pwuhk sarawi kan kihong kitail tohto taimen en padahk kan. Oh ni ansou me marain en Ngehno pahn sair keimw tohto kan, irail pahn kalinganahkihda pepehm en nanleng oh kamarainda ahlo me kitail anahne idawehn” (“According to the Desire of (Our) Hearts,” Ensign, Nohpempe 1996, 21). Ni ahmw onopiki pwuhk sarawi kan, song wiahda ansou en kilangada, kilelehdi, oh medewe mwahu padahk mwotomwot ahpw kehlail kan. Ekei karasepe kak dierek nan 2 Kronikel 14:11, 15:7; 18:13, 20:15; 26:5. Ia ekei “taimen en padahk kan” me ke kak diar?
2 Kronikel 26:3–21
Aklapalap kin elehda kamwomwala.
Duwehte tohto nanmwarki teikan en Suda, en Usaia kaunda tepikihda pweida kaselel kei ahpw imwikihla kahpwal. Rapahki mwohmw wet nan 2 Kronikel 26. Dahme ke kak inda me wia ansou en wekidekila nan en Usaia mour?
Ni ahmw wadek ire tikitik 16–23, tamataman me ni ansou wet, prihsd kan te me mweimwei en isik warpwohmwahu nan tehnpas sarawio. Dahme ke leme me kahrehda Usaia ah sapeikiong Koht? Dahme ke esehla sang ekspihriens kahpwal wet?
Pil kilang “Be Thou Humble,” Hymns, nempe 130.
2 Kronikel 30
I kak wia emen sounkameleilei.
Nan 2 Kronikel 30, Esekaia me wia nanmwarki en Suda. E lukehier ah wehi imwintihti en Israel irail en kohpene nan Serusalem oh kawawih Pahsohpa—mehkot mehn Israel kan sohla kak wia erein sounpar tohto kei (kilang ire tikitik 1–12). Dahme ke mwahuki duwen luhko oh mwomwen ah alahldi—koaros sang mehn Israel me mwemweit kan oh sang me luke irail kan nan Suda?
Pwehki ah nohnte wereilahr, ekei me mwamwaitih Serusalem sohte ese mengihtik kan ong duwen iangtowehda Pahsohpa. Ni ahmw wadek 2 Kronikel 30:18–27, dahme ke esehla sang en Esekaia pasapengo oh imwilah kan en ah pasapengo?
Pil kilang Russell M. Nelson, “Anahnepen Soun Kameleilei,” Liahona, Mei 2023, 98–101.
Ong pil ekei, kilang pwuken nan sounpwunget ong makasihn en Liahona oh Ong Kakehlepen me Pwulopwul.
Madamadau kan ong Kasukuhlih Seri kan
2 Kronikel 14–16; 20
I kak koapwoaroapwoarki Koht.
-
Pwe en kapehse madamadau en koapwoaroapwoarki Kauno, ke kak kasalehiong noumw seri kan mehkot ke likih me pahn sewese iuk en madekeng ansoun kotou, soangen amper de sekid. Mweidohng irail en kosoia duwen dahme kitail kak koapwoaroapwoarkihki soahng pwukat. Eri sewese irail en koampehr mwo ong atail koapwoaroapwoarki Kauno. Dahme ke likihki Ih en kokolokol atail seipdi en palingehn?
-
Ke kak sewese noumw seri kan diarada ia mwomwen Nanmwarki Asa oh Nanmwarki Seosapat apwalihalahr kahpwal akan sang ni koapwoaroapwoarki Kauno (kilang 2 Kronikel 14:11,;20:3 5, 12). Ehukipene mwohmw kan ke kak kasalehiong Kauno me ke koapwoaroapwoarki Ih.
2 Kronkel 20:1–29
Koht pahn ketin karonge oh sapeng ahi kapakap kan.
-
Akdipidi peit en wihket kak sewese noumw seri kan wehwehki soaiepen en Seosapat kapakapo oh sapwellimen Kauno pasapengo. Kowe oh noumw seri kan kak ehukipene ansou kan me Koht ketin karonge oh sapeng ahmw kapakap kan. Pil iangahki ansou kan me pasapeng kan Kohdo ni mwohmw kan de ansou kan me ke sohte kasik. Ehu koul duwen kapakap, soangen “Pray in Faith” (Children’s Songbook, 14), kak sewese kakehlailih en noumw seri kan pwoson.
2–Kronikel 26:3–23
I kak ahniki karakarahk.
-
En esehla duwen keper kan en pohnmwahso, noumw seri kan kak wiahda ehu dahwero sang piloak de kep tikitik kan. Ni arail pahn kihong ehu pilok de kep pohn dahwero, sewese irail en indahda ehu en Usaia pweida kan sang 2 Kronikel 26:3–15. Mwurin arail kanekelahr dahwero, kosoaiahieng noumw seri kan ia mwomwen Usaia ah kak kolokolete en reirei oh kehlail. Dahme kak kesehdi? Mwuhr, ni ahmw wadek ire 16, ke kak kosoia ia wehwehn atail mohngiong kan “e ahpw aklapalapala oh [atail] pwupwidi.” Ehukihong noumw seri kan dahme wiawihongehr Usaia nan ire tikitik kan 16–23. Mweidohng irail en poakihedi arail dahwero. Kosoia dahme kitail kak wia pwe kitail en ahniki aktikitik.
Nanmwarki Esekaia oh Aramas akan Kaping ong Koht, @ Lifeway Collection/licensed from good salt.com
2 Kronikel 30
I kak wia emen sounkameleilei.
-
Kilel en powe kasalehda ansou Esekaia Luke tohn impen Suda kan sang Wehi en Israel pwe irail en ehupene kawawih Pahsohpa. Ke kak iang noumw seri kan kilang kilel wet oh wadek 2 Kronikel 30:18–19, me kawehwehda me ekei me lukodo kan sohte wideud me konehng kosonned en Moseso. Dahme Esekaia wia? Ia pepehm met pahn kihong me pwaredo kan? Sewese noumw seri kan medewe ia mwomwen arail kak duwehte Esekaia ni mwomwen arail kin apwalih mehteikan.
Ong pil ekei, kilang pwuken sounpwunget ong makasihn en Kempoakepah.