Nempe Kan 11–14; 20–24 ; 27

Nan Nempe Kan 11:11–17, 24–29, kilang kahpwal me Moses lelehng loale oh iren kaweid me Kauno ketkiheng. Ni amw madmadau, ia wehwehn dahme Moses koasoaia ansou me e nda I kasik “me sapwelimen Kauno aramas soukohp ekei“? (ire 29). Ni omw pahn medemedewe kalelapak wet, rapahki pasapeng kan nan ahn Piresedend Russell M. Nelson’s padahk “Kaudiahl ohng Mwomwohdiso, Kaudiahl ohng Atail Mour“ (Liahona, Mei 2018, 93–96).

Kitail koaros kak alehdi kaudiahl, ahpw, e sohte wehwehki me kitail kak kaweid sapwelimen Kauno aramas duwehte dahme Moses wia. Kemwekid me wiawi nan Nempe Kan 12 kasansalihla met. Irair keperda me komw diarada nan iralaud wet? Dah ke leme Kauno men ken wehwehki me pid pein amw kaudiahl oh ideidawehn Sapwelime soukohp kan?

Pil king 1 Nihpai 10:17; Doctrine and Covenants 28:1–7; Dallin H. Oaks, “Wiepen Koasoaipene RiauLiahona, Nohpempe 2010, 83–86.

Ekei aramas kin pwuriamwei kihla mehlel ni arail kin esehda me Moses, me wia kaun kaidehn mehn mwamwahl men me uhda mwohn Parao oh wia soangen manaman tohto sang ni sapwelimen Kauno manaman, pil “aktikitik mehlel“ (Nempe Kan 12:3). Ia wehwehn aktikitik? Pilahnehng onopiki ahn Elder David A. Bednar kawehwe nan “Mohngiong Aktikitik oh Karakarahk“ Liahona, Mei 2018, 30–33) de “Aktikitik, Karakarahk“ Nan mehn sewesepen rapahki iren pwuhk sarawi (Laipirehri en Rongamwahu)

Dahme ke esehsang ahn Moses karasaras en aktikitik nan Eksodus 18:13–25; Nempe Kan 11:26–29;Nempe Kan 12; Ipru 11:24–27; oh Moses 1:10–11? Komw pahn pil men medemedewe ia mwomwen Sounkomoura ah kasalehda aktikitik (kilang Madiu 11:29; 27:11–14;Luk 22:41–42; Sohn 13:4–5). Dahme karasaras pwukat padahkiheng uhk?

Ni omw pahn wadek Nempe Kan 13–14, song en kilang me koh me momourki ahn mehn Israel ko mour. Dahme ke leme me re men “pwurehng pwurkihla Isip“? (Nempe Kan 14:3). Ia mwomwen omw pahn kak kawehwehda “ngehn“ teio me mihmi rehn Kalep? (Nempe kan 14:28). Dahme ke esehla me pid pwoson en Kalep oh Sosua, oh ia mwomwen omw pahn kak doadoahngki ara ong irair kan me ke lelehng?

Soukohp akan en nan Pwuhk en Mormon ese duwen soai me dierek nan Nempe Kan 21:4–9 oh wehwehki kawehwepe me sarawi. Wadek arail padahk kan me pid soai wet nan 1 Nihpai 17:40–41;Alma 33:18–22; oh Ilemen 8:13–15. Iet ekei kalelapek me komw kak medemedewe:

• Dahme sinek pirahs oh rasehng?

• Dahme ngelingel en sinek o rasehng?

• Mehn Israel udahn anhne ren “[ kilang] sinek pirahs o“ (Nempe Kan 21:9 pwe re en kak mwahula. dahme kahrehda ekei aramas ah sohte kilengla? Mie pak soahnge wiawihieng uhk?

• Dahme ke pehmw ke anahne wia pwe ken kak “kilenglahng sapwelimen Kauno iehros sang ni amw pwoson unsek“ oh kamwahula? (Ilemen 8:15).

Iren wadawad wet pahn kak kataman ehng uhk me pid ekei ansou nan pwuhk sarawi ahpw mehlel ansou me aramas kan kin anahne poadedieng Krais. Ni karasaras, karasa mahsen en Nempe Kan 21:4–9 ong Madiu 14:25–31 oh 1 Nihpai 8:24–28 (pil kilang kilel kan me mih ni imwin oaralap en wihk et). Dahme me kin kahrei kitail sang rehn Krais? Ia mwomwen Ah kin kapaiada aramas me kin poadediong ih?

Pil kilang“ Sises, Komwihte nan Ai Lamalam” ( Pwuhk en Koul en Sarawi Kan, nempe 141).

Ni ansou me Balak, Nanmwarki en Moab, esehda me mehn Isiral ko kerendohr, e ahpw ileklahng Balaam, ohl emen me kin mai en kapaiahda oh keria. Palak men en kariahla mehn Israel ko. Tehk mwahu ia mwomen Balak ah song en iding Balaam (kilang Nempe Kan 22:5–7, 15–17), oh medewehda koasongosong me ke kak lelehng me pahn uhwengada kupwuren Koht. Soahng da me ke pwungki sang nan ahn Balaam pasapeng ko nan Nempe Kan22:18, 38; 23:8, 12, 26;24:13? Kansensuwedpehu, Palaam lohdieng nan kasongosong oh pitiedi mehn Israel kan (kilang Nempe Kan 31:16; Sud 1:11). Doandoaropwe ia mowmen ahmw pahn kak pwospwoson Kauno itarete ma mehtei kan kasongosongih iuk.

• Kalelapak rehn noumw seri kan ma re tamataman ekei manaman me Kauno wia pwehn sewese mehn Israel ko (kilang “Koalokolok En Isip“ oh “Pahsohpahu” nan soai kan en Kadehde Mering, 67–74). Mwuri komw uhda kak oaralap iheng irail Nempe Kan11:4–10, kasansalehda me mehn Israel ko manokelahr arain pai kan oh tepida kaulim. Mehnia kapai me kitail kin manokehla ekei ansou?

• Ni omw pahn kin rong de koulki koul en kaping kan, me rasehng “Wadek Kapaipomw Kan“ (Pwuhk en koul en Sarawi Kan, Nempe 241), noumw seri kan kak mahleniedi kilel en kapai kan me Kauno ketkiheng irailehr.

• Pwehn kapehse Nempe Kan 12, komw kak padahkiheng noumw seri kan me Kauno sohte kupwurperenki Aron oh Miriam, rien Moses pwutako oh serepeino. Luke irail en wadek Nempe Kan 12:1–8 oh rapahki kahrepe kan. Pilahnehng doadoangki Pwuhk en Kilel en sewese noumw seri kan aramas kan me mie karaseperail nan pwuhk sarawi, me kin wauniki sapwelimen Kauno soukohp oh kin kapaida. Ia mwomwen atail kin kapaida ni ansou me kitail kin idawehn sapwelimen Kauno soukohp?

• Komw kak doadoangki “Moses oh Sinek Pirahs o“ nan Soai kan en Kadehde Mering, 83–84, en sewese noumw seri kan esehla dahme wiawi nan Nempe Kan 21:6–9. Ia mwomwen sinek pirahs o ah duwehte Sises Krais? (kilang Sohn 3:14–15. Noumw seri kan mwein pahn pil perenki wiahda sinek sang daropwe oh ntingiheng powe soahng mengei kan me re kak wia en “kilenglahng sapwelimen Kauno Iehros o ni pwoson“ (Ilemen 8:15).

  

  1:2

• Seri laud kan kak pilada ehu iren pwuhk sarawi pwukat oh ehukihda dahme e kapatahieng arail wehwehki soai o:}1 Nihpai 17:41; Alma 33:18–20; Ilemen 8:13–15;Doctrine and Covenants 6:36.

• Oaralapahda Nempe Kan 22:1–18 ong noumw seri kan, kasalehda ia mwomwen Balaam ah sohte men kariahla sapwelimen Kauno aramas kan, itarete Balak, nanmwarki en Moab, pahn kiheng en wahuih oh en kepwehpwe. Eri komw kak sewese noumw seri kan kilang iren pwuhk sarawi kat oh rapahki lepin mahsen me re pehm e kasalehda me Balaam men idawehn Koht: Nempe Kan 22:18; 23:26;24:13. Ele noumw seri kan pahn men pilada ehu lepin mahsen me re pwungki oh ntingihda nan kisin tehn daropwe pwehn kak sawas katamen ehng irail en peikieng Kauno.