Sosua 1–8; 23–24

Song medewe ia mwomwe ong Sosua en alehdi malilip en welian Moses. Kilang dahme Kauno mahsanih nan Sosua 1:1–9 pwehn kangoange Ih. Medewe kasongosong apwal kan ke kin sohpai; dahme mih nan ire pwukat me kin kihong uhk komwad?

Ahd Sosua (Yehoshua de Yeshua Nan Ipru) wehwehki “Siohwa kin kapitala.” Oh ahdo Sises kohsang Sesua . Eri ni ahmw wadek duwen Sosua, medewe ah pwukoahn kahkahre seri en Israel koa kote Pillap Sordan oh lelahng nan sapwen inouo. Ia mwomwen ah misin o ah duwehte dahme Krais kin wiahng kitail?

Ni Ah ketin kangoange Sosua, Kauno wiahier kaweid nan Sosua 1:8 duwen pwuhk sarawi kan, de “mahsen en kosonnedo.” Medemedewe en Sosua pwukoah toutouo, dahme kaweid wet kak ienen sawaski?

Ansou me Kauno kin ketin lukei kitail en wadek pwuhk sarawi kan, E kin kalapw doadoahngki lokaia kan me kin daulihala en wadawadete. E pil kin ketin inouki kapai kaselel kan. Tehpel en pah kak sewese iuk diarada luhk pwukat oh kapai kan me inoudier.

Ia mwomwen Kauno ah kapwaiadahr inou pwukat nan ahmw mour? Ansou wet wia ansou mwahu en teneki ahmw ahpid en onopiki pwuhk sarawi. Dahme wihwia mwahu? Dahme ke ahniki pepehm en kamarain en wia pwehn ahniki pil ekei ekspihriens mie katepe ong mahsen en Koht?

Pil kilang “As I Search the Holy Scriptures, ”Koul en Sarawi kan, nempe 277.

Krisdian kan en Kadehde Kapw kilangada me Reap wia karasaras en manaman en koaros pwoson oh wiewia kan (kilang Ipru 11:31; Seims 2:25). Ni ahmw wadek Sosua 2 , medewe en Reap ah pwukoahn pwoson oh wiewia kan nan doarehla pein Ih, ah peneinei, oh lipoahroki kan en Israel. Dahme met padahngkihong uhk duwen mwomwen ahmw pwoson Krais oh ahmw wiewia kan kak sair pein kowe oh mehteikan?

Kauno ketin wiahda soangen manaman akan nan pwungen Sapwellime aramas akan ni Ah ketin kahrepe irailiahng Nan sapwen inouo, oh E kak wia soahngohte ong uhk. Iet ekei kalelapak kan mehn Kaweid ahmw onopiki Sosua 3–4:

• Dahme ke lemehki me mehn Israel koa anahnehki kamwakele irailda mwohn arail kotehla Pillap Sordan? Sosua 3:5).

• Tehk me pillapo pwalpeseng mwurinte “samworo kan … kerediong nan pihlo” (Sosua 3:13, 15). Dahme mwo kesempwalki?

• Pil ekei kemwekid kesempwal wiawiher ni Pillap en Sordan—kilang 2 Nanmwarki kan 2:6–15, 5:1–14; oh Mark 1:9–11. Ia ehupene kan me ke kilang nanpwungen kemwekid pwukat?

• Ia mwomwen Kaunoah ketin wiahda “manaman kan“ nan ahmw mour? Sosua 3:5). Ia mwomwen ahmw pahn ekspihriens—de kasawihada—manaman pwuko pak tohto? (ni karasepe, kilang Sosua 3:17).

Sosua 6–8 pid mahwen kan pwehki sahpw akan en Seriko oh Ai. Ni ahmw wadek iralaud pwukat, medewe duwen ahmw kin peiong kasongosong (ni karasepe, kilang Sosua 7:10–13). Dahme ke esehla duwen mwomwen Koht ah kak sewese iuk oh dahme ke anahne wia pwehn alehdi Sapwellime manaman? Ni karasepe, dahme kin sair uhk duwen en Kauno kaweid kan ong alehdi Seriko? (kilang Sosua 6:1–5). Mwein soai en nan Sosua 7 pahn kamarainih iuk en kilangada ma “kumwail kolokol ekei dipwisou” nan ahmw mour me ke anahne kesehla (Sosua 7:13).

Keimwseklahn en Sosua ah adahk kan ong mehn Israel kan nan Sosua 23–24 iangahki kapar kesempwal kan, kaweid, oh kapai inoudier kan. Ke kak ntingihdi lisd en dahme ke diar. Medemedewe soahng kan koaros me mehn Israel kan miher loale, dahme ke lemehki me Sosua piladahr en ndahng irail mepwukat ni imwin ah mour? Dahme ke diar me kamarainih iuk ken “loalopwoatohng Kauno”? Sosua 23:8).

Pil kilang Dale G. Renlund, “Kumwail Pilada Rahnet,” Liahona,, Nohpempe 2018, 104–6.

• Iet ehu elen sewese noumw seri kan “en kehlail oh kommwad” (Sosua 1:6) sang Sises Krais. Lukei irail en rapahkihda ehu kahs me kopwurupwurdohn nan Sosua 1:6, 9, oh 18, oh ntingihedi de wadilikihla. Sewese noumw seri kan en medewehda irair akan me irail kakete anahne padahk wet, duwehte dahme Sosua wiahier. Kumwail pil kak pwurehng kilangpene ekei Soai kan nan Sosua 1–4; 6 (pil kilang “Soukohp Sosua” oh “Reap oh Lipoahrok kan” nan Soaik kan Nan Kadehde Mering, 85–91). Ia mwomwen aramas akan nan Soai pwukat kasalehda Kommwad oh kehlail rehn Kauno?

  

  2:59

  

  1:39

• Wadewadek Sosua 1:8 kak kamarainda noumw seri kan en pein wadek pwuhk sarawi kan. Sewese irail rapahkihda lokaia kan nan ire wet me padahkihong irail duwen oh kahrepen atail anahne wadek pwuhk sarawi kan. Irail kak rapahki soahngohte nan 1 Nihpai 15:23–24; 2 Nihpai 31:20; 32:3; Seikop 4:6; Ilemen 3:29–30. Ke kak sewese irail en wiahda oh nantihong wia ehu pilahn en wadek pwuhk sarawi kan.

• Ke kak doadoahngki soaiepen mehn Israel kan ahr kotehla Pillap Sordan ni eh wia kilelepen pepdais—kesehla atail mouren mahso nan welo oh tapihada ehu me kapw nan inou sarawi ehuong Koht. Eri ni amwail wadawadpene Sosua 3–4 (de “Soukohp Sosua” nan Soai kan en Kadehde Mering, 85–89), ke pil kak kilang ehu kilelen Sises ni ah pepdaisla oh kawehwe me Sises pepdaislahr nan pihlohte me mehn Israel akan kotelahr. Mwuhr kumwail kak koulki ehu koul me duwehte “Baptism” (Children’s Songbook, 100–101). Ehukipene nanpwungamwail duwen pepdaisla eh duwehte tapihada ehu mour kapw nan sapwellimen Sises Krais wehi.

  

  2:59

• Dahme ke pahn wia pwehn sewese noumw seri kan esehla pilada en idawehn Sises Krais, duwehte Sosua ah lukehier me Israel ko? Ke kak lukei irail en:

  • Wadilikihala ehu ire mwotomwot sang Sosua 24:15. Song wiahda en kaperen ong noumw seri kan. Wen tohtohn lepin lokaia kan irail wadilikihala pahn pahsan arail sounpar kan.

  • Rapahkihda soai kan duwen aramas me pilada en papah Sises Krais. Irail kak kilang nan Kempoakepah makasaihn Gospel Art Book, de Soai kan nan Kadehde Mering oh ekei pwuken soaien nan pwuhk sarawi.

  • Irair kan en Sipai nan me irail kak pilada en idawehn oh papah Soukomouro.