“Mei 11–17 ‘Kumwail Kanahieng pwe Kumwail de Moanokehla Kauno’ Deuderonomi 6–8; 15; 18; 29–30; 34,” Kohdo, Idawehn Ie—Ong Nan Ihmw oh Mwomwohdiso: Kadehde Mering: 2026 (2026)
“Mei 11–17 Kumwail Kanahieng pwe Kumwail de Moanokehla Kauno,’KOhdo, Idawehn Ie: Kadehde Mering 2026
Moses Pohn Nahna Nepo, sang John Steel, © Providence Collection/licensed from goodsalt.com.
Mei 11–17 :“Kumwail Kanahieng pwe Kumwail de Moanokehla Kauno”
Deuderonomi 6–8; 15; 18; 29–30; 34
En Moses ah pwukoahn misin tepida pohn Nahna ehu, ansou me Koht ketin mahsanihong Ih sang nan kisin tuhke Mpwumwpwul ehu (kilang Eksodus 3:10). E pil imwisekila pohn Nahna ehu, tohtohsang sounpar 40 mwuri, me Kauno ketinmweidohng en kilangedi sapwen inouo sang ni kadoken Nahna Nepo (kilang Deuderonomi 34:1–4). Moses koadoakehier nan eh mour en kaunopada seri en Israel kan en pidelong nan sapwen inouo, oh pwuken Deuderonomi kilelehdi ah kaweid kan, kataman kan, ah kangoang kan, oh pekipek kan ong mehn Israel kan. Wadewadek ah lokaia kan kasalehda ni sansal me kahrepe keiou en en Moses ministri—kaunopda me aramas akan anahne—kaidehn duwen komourla Nan welo, aklowehdi imwintihti kan, de kauwada ehu wehi. E wia duwen esehla poakohng Koht, peikiong Ih, oh ahnikihte poadidi ong Ih. Ih kaunopada kitail koaros anahne pwe kitail en kak pidelong nan sapwen inou en mour soutik. Eri menda Moses ah sohte tiakedi nan “sahpw ehu me reken mwenge oh kepwe” (Eksodus 3:8), pwehki ah pwoson oh loalopwoat, e pidelongehng nan sapwen inou me Koht ketin kaunopohngehr irail kan me kin idawehn Ih.
Ong ehu oaralap pen Deuderonomi, kilang “Deuderonomi” nan Paipel Dikseneri
Madamadau kan ong Kasukuhl Nan Ihmw oh Mwomwohdiso
Deuderonomi 6:4 7; 8:2 5, 11 17; 29:18 20; 30:6 10, 14 20
“Poakohng Kauno omw Koht sang nan mohngiongomw unsek.”
Kosonned en Moseso iangahki tohto kasarawi oh tiahk en liki kan. Duwehte me ke pahn kilang nan en Moses kaweid nan Deuderonomi, Kauno pil pwunodiki en Sapwellime aramas akan kehlail en loaletail kan—kehkaik en palingehn en arail mohngiong kan.
Nan iren pwuhk kan pah, rapahki lepin loakai mohngiong, oh medewe mwahu dahme e kak wia kasalepe. Ke kak medewehiong iren pwuhk sarawi pwukat en wia checkup ong palingehn en ahmw mohngiong en. Soangen keseu da ke pahn kihong pein kowe? Soangen epwelda ke pahn koasoanehdi pwe en kamwahuihala roson en palingehn en ahmw mohngiong en? Ntingihdi ahmw pepehm kan:
-
Deuderonomi 6:4 7:
-
Deuderonomi 8:2 5:
-
Deuderonomi 8:11 17:
-
Deuderonomi 29:18 20:
-
Deuderonomi 30:6 10:
-
Deuderonomi 30:14 20:
Ehu mwomwen koasoanehdi ahmw madamadau kan kakete ne mahlinihda ehu mohngiong oh ntingihiong loale soahng kan me Kauno ketin mahsanih ke anahne ahniki nan ahmw mohngiong. Mwuhr ke kak ntingihdi liki soahng kan ke anahne kiheisang nan ahmw mohngiong.
Ia mwomwen ahmw pahn kasalehda me ke poakohng Koht sang ahmw mohngiong unsek? Ong madamadau kan, kilang “Love God, love your neighbor” nan Ong Kakehlepen me Pwulopwul: Mehn Kaweid ong Wiahda Pilipil kan, 10–12.
Pil kilang M. Russell Ballard, “Ke poakohng Ie laudsang mepwukat?,” Liahona, Nohpempe 2021, 51–53.
Rapahki pein ahmw wehwehki palingehn. Kohdo, Idawehn Ie kihda iren pwuhk kan oh kosonned akan me kilenglahngete pwuhk sarawi kan, ahpw dehr mweidohng kauhdier ahmw onop. Ni ahmw wadek Deuderonomi, ke kak diarada ehu kosonned me sohte kasansalada wasaht. Mweidohng Ngehno en kahluwaiuk ong dahme ke anahne esehla.
Deuderonomi 6:4–12, 20–25
“Kumwail Kanahieng pwe Kumwail de Moanokehla Kauno.”
Pali tohtohn me Israel kan me pahn pidelong nan sapwen inouosohte iang Kilangedi kalokolok kan nan Isip de kotehla Sehd Weitahtaho. Moses ese me irail—oh dih kohkohdo kan—pahn anahne tamataman sapwellimen Koht manaman kopwuriamwei kan oh Sapwellime kosonned akan pwe irail en kak wiahte sapwellimen Koht aramas.
Ia kaweid me ke diar nan Deuderonomi 6:4–12, 20–25 me kak sewese iuk tamataman soahng kaselel kan me Koht ketin wiahng uhk ehr? Dahme ke ahnekidahr kamarain en wia pwe mahsen en Koht en rahn koaros “mihmi Nan ahmw mohngiong”? (ire 6).
Kitail pil kak onopiki en Brother Jan E.Newman padahk “Preserving the Voice of the Covenant People in the Risng Generation” (Liahona, Nohpempe 2023, 36–38) oh medewe ia mwomwen ahmw pahn lahs ah
Pil kilang Deuderonomi 11:18–21, Dale G. Consider the Goodness and Greatness of God,” Liahona, Mei 2020, 41–44, Paipel Dikseneri, “Frontlets or phylacteries.”
Deuderonomi 15:1–15
Sewesewese aramas akan me ahniki anahn pidada peh sapan oh mohngiong inengiong kan.
Kitail saikinte lel ni rahn me “sohte emen kumwail pahn semwehmwehla” (Deuderonomi 15:4), eri padahk kan duwen sewese me semwehmwe Deuderonomi 15 pil kesempwalpe, menda ma wiepe pwuko wekideklahr. Tehk dahme ire tikitik 1–15) padahngki duwen dahme kitail kin sewesehki aramas me anahne sawas oh ia mwomwen atail lamalam duwen met.
Ia wehwehn en “sapanohng oh sewese” aramas me anahne sawas? (ire tikitik kan 8, 11). Dahme Ke esehsang en Kauno karasaras duwen sewese aramas me ahne sawas? (kilang ire tikitik 15 ).
Pil kilang “Have I Done Any Good?,” Hymns, nempe 223.
Deuderonomi 18:15–19
Moses “duwehte” Sises Krais.
Piter, Nihpai, Moronai, oh Pein Sounkomouro koaros kosoia kokohpo nan Deuderonomi 18:15–19 (kilang Wiewia kan 3:20–23; 1 Nihpai 22:20 21, Sosep Smith—Poadoapoad 1:40; 3 Nihpai 20:23). Dahme ke esehla duwen Sounkomouro sang ire pwukat? Medewe duwen dahme ke wadekehr duwen Moses sang wihk kei samwalahro. Ia mwomwen Moses ah “duwehte” Sises Krais?
Sises Krais ketin mahsanihong Sapwellime aramas akan nan Amerika en kawaho, “Ngehi, iei Ih me Moses koasoaiahier” (3 Nihpai 20:23).
Deuderonomi 29:9; 30:15–20
Kauno kin ketin lukeie I en pilada nanpwungen mwahu oh suwed.
E kakete kopwuriamwei en koampehr en Moses lokaia kan nan Deuderonomi 29:9; 30:15–20 ong ekei en Lihai keimwseklahn padahk ong ah peneinei kan nan 2–Nihpai 2:26–29; 4:4. Ia mwomwen Lehi ah kawehwehda dahme Moses padahngkihero? Dahme ke diar nan iren pwuhk pwukat me kamarainih iuk en “pilada mour”? (Deuderonomi 30:19).
Madamadau kan ong Kasukuhlih Seri kan
Deuderonomi 6:5
I kak poakohng Koht ki mohngiongi unsek.
-
En sewese noumw seri kan en wehwehki Deuderonomi 6:5, ke kak mahlinihda ehu mohngiong, audlain en paliwar ieu, oh peh kehlail ehu. Noumw seri kan kak idilahng kilel kan ni ahmw pahn wadek lokaia kan “mohngiong,” “ngehn,” oh “kehl” nan irehu. Ia mwomwen atail pahn kasalehiong Kauno me kitail poakohng Ih sang atail mohngiong unsek, ngenomw unsek, oh kehl unsek?
Deuderonomi 6:6-15
I kak kolokol sapwellimen Koht mahsen nan ahi mohngionget.
-
Wadek Ong noumw seri kan sapwellimen Kauno kaweid ong mehn Israel kan irail en kihong iren pwuhk sarawi kan wasa irail pahn kilang rahn koaros (kilang Deuderonomi 6:69 ). Met kak kamarainih kowe oh noumw seri kan en medewehda mwohmw akan me kumwail pahn nantihongdehr “deh moanokehla Kauno” (ire 12) oh en tamataman dahme E ketin wiahiong uhkehr.
-
Ke kak kasalehda me Deuderonomi 6:13, 16 oh 8:3 sewesedahr Sounkomouro Nan ehu ansou kesempwal nan Ah mour. En kilang ia mwomwe, wadek pene Madiu 4:1–10. Eri ke kak ehukipene nanpwungamwail ekei iren pwuhk sarawi kan me seweseiukadahr nan ansou en apwal.
Deuderonomi 18:15–18
Soukohp akan kin padahkihong kitail duwen Sises Krais.
-
Ni ahmw wadekpene Deuderonomi 18:18, sewese noumw seri kan en wehwehki me Soukohpo me duwehte Moses Nan ire wet iei Sises Krais. Ke kak kilang kilel kan en soahng kan me Moses wiahier oh soahng kan me Sises Krais Ketin wiahier, oh mweidohng noumw seri kan en rapahkihda me duwepene kan (kilang Gospel Art Book, nempe kan 15, 16, 38, 39). Dahme atail soukohp padahkihong kitailehr rahnwet duwen Sounkomouro?
Deuderonomi 29:12–13; 30:8–10
Pwehki ahi inou sarawi kan, I wia kisehn sapwellimen Koht aramas akan.
-
Koskosoia duwen Deuderonomi 29:12–13 kihda ehu ansou mwahu ong kowe oh noumw seri kan en kapai duwen inou sarawi kan irail pahn wiahda de irail wiadahr ong Sahm Nanleng. Ia wehwehn en wia sapwellimen Koht aramas? Ia mwomwen atail inou kan eh wiahng kitail en wia sapwellimen Koht aramas? (kilang ire tikitik 13; pil kilang Mosaia 18:8 10).
-
Ma noumw seri kan anahne sawas en wehwehkihla dahkoht inou sarawi, ndahng irail en rapahkihda wehwe nan “Inou sarawi” nan Mehn Kaweid ong Pwuhk Sarawi kan (Laipreri en Rongamwahu). Ia inou kan me Koht oh Mehn Israel kan wiadahr nanpwungarail nan Deuderonomi 30:8–10? Ia inou kan me ke wiahngehr Koht? (kilang Doctrine and Covenants 20:37, 77). Ia mwomwen inou pwukat ah konek kitail ong Ih? Kumwail koulkipene ehu koul duwen inou sarawi kan, soangen “Standing on the Promises” (Laipreri en Rongamwahu).
Ong ekei, kilang makasihn en sounpwung ong Kempoakepah.