Eksodus 35–40; Lipai 1; 4; 16, 19

Eksodus 35–40 kasalehda en mehn Israel koa nanantihong wiahda ehu impwal, wasa tihak sarawi kan pahn sewese irail wiahla aramas sarawi. Ni ahmw wadek iralaud pwukat, kilangada soahng kan me Kauno mahsanihong Sapwellime aramas akan en kihong nan impwal. Dahme dipwisou pwukat wia weliepen? Dahme irail indahki duwen lalaudla nan sarawi Ni mehlel medewe ia mwomwen aidem pwukat ah wekidohng ahmw madamadau kan Sounkomouro. Tehpel ehu me duwe met kak sewese iuk:

Ei, mihmi nan wasa sarawi kan sohte kak wiahda kitail en sarawihla. Lipai 19 kasalehda kosonned akan me Kauno ketkihong mehnIsrael kan mehn sewese kalaude arail sarawi. Dahme ke diar nan kosonned pwukat me kak sewesei iuk rapahki sarawi sang Kauno? Dahme ke ahniki pepehm en wia pwe ken kak momouriki mehlel kosonned pwukat?

Pil kilang Henry B. Eyring, “Sarawi oh Pilahn en Popohl,” Liahona, Nohpempe 2019, 100–103, “The Tabernacle” (kasdo), Laipreri en Rongamwahu.

7:19

Nan pahr mwurin kohkohsang Isip, ehupene nan pwungen seri en Israel kan oh Siohwa kak inda me e kin wekiwekidek. Ahpw, ni ahmw wadek Eksodus 35:4–35 oh 36:1–7, kilang mwomwen mehn Israel kan ahr sapeng kosonned en wiahda impwalo. Dahme ke esehsang mehn Israel kan me kak kamwahuihala ahmw papah Kauno?

E mwein sohte pahn indahng uhk en kihda mete kesempwal kan, likou kan, de tuhke ong ehu impwal. Dahme Kauno ketkihong uhk, oh dahme E kupwurki ken kihla? Iahd me ahmw “mohngiong en kamwakid {iuk} en iang wia doadoahko”?

Pil kilang Doapik oh Kalelapak kan, “Tohnmetei,” Laipreri en Rongamwahu.

Eksodus 40:12–14 koasoaia tiahk sarawi kan en kawaho me pil kin wiawi nan atail rahnet nan tehnpas en Kauno. Iet ekei iren pwuhk sarawi kan me kak sewese iuk esehla duwen tiahk sarawi pwukat kadehdehki Sises Krais.

• Wideud: Melkahka kan 51:2; Esekiel 36:25–27

• Likawih karmend sarawi kan: Aiseia 61:10; Madiu 22:11–14; Kaudiahl 19:7–8

• Keiehdi: Luk 4:18–19; Wiewia kan 10:38

Pali lauden Pwuken Lipai kakete mwomwen ehusoahng Ong kitail—meiroang en mahn akan, wiewia kan me iangahki pihl oh nta, kosonned akan me kakaun mengihtik kan en mour. Ahpw wiewia oh kosonned pwukat mehn padahngki kosonned akan me aramas ese—koluhla, sarawihla, oh Tomwpen dihp en Sounkomouro. Pwehn kak diar kosonned pwukat ni ahmw wadekLipai 1:1–9; 4; 16, medewe soangen kalelapak pwukat:

• Mehnia lokaia kan de kahs akan me I diar me katamanohng ie Sises Krais oh Sapwellime Tomwpen dihpo?

• Dahme I esehsang soangen tohnmetei pwukat duwen en Sounkomouro tohnmeteio?

• Ia mwomwen ahi duwehte aramas akan me wiadahr soangen tohnmetei pwukat?

Kauno solahr anahne meiroangen mahn akan. Ahpw tohnmetei wiewiahte ehu kosonned kesempwal en rongamwahu wet. Pwehn esehla duwen soangen meiroang me Kauno anahne, onopiki 3 Nihpai 9:19–20; Doctrine and Covenants 64:34. Ia mwomwen ahmw wihwia soangen meiroang pwukat? Dahme Moses 5:7 padahki ong uhk duwen mwomwen ahmw pahn kilang ahmw meiroang kan?

Pil kilang “Madamadau kan Mehn Ketemen: Impwalo oh Tohnmetei.”

• Ni imwin audlain wet mie kilelen en mehn Israel koa impwal sarawio nan welo. Ke kak iang noumw seri kan kilang oh idek rehrail soangen dipwisou kan me anahn pwehn wiahda impwal sarawio. Mwuhr kumwail kak wadekpene Eksodus 35:20–29 pwehn diarada ia mwomwen dipwisou pwukat ah miehda. Ia mwomwen Kauno ah lukei kitailehr en sewese kauwada Sapwellime wehi?

• Medewe iang irail wadek Eksodus 36:1 pwehn diar dahme Kauno kehkihong Bezaleel oh Aholiab mehn sewese wiahda impwalo. Mwuhr ke kak lokaiahng noumw seri kan duwen dahme ke pehm Kauno ketkihong irail pwe ren sewese kauwada Sapwellime wehi. Ia mwomwen atail kak doadoahngki Mepwukat pwehn kapaiada mehteikan?

• Eksodus 40:17–34 kilelehdier soahng kan me wia kisehn impwal en mehn Israel koa. Mwein kowe oh noumw seri kan kak rapahki Nan ire tikitik kan oh nan kilelen impwalo ni imwin audlain wet. Koasoaia duwen ehu ehu pali en impwalo kak padahngki duwen Sounkomouro de Sahm Nanleng. Ni karasepe, kohpwahn kadehdeho kak kataman kin kitail sapwellimen Koht kosonned akan, pehio kak katamankin kitail en Sises Krais tohnmeteio oh pil doula.

• Soangen wasa sarawi da kitail ahniki me kak sewesei kitail en pehm me kitail karanihala Sises Krais? Me wia kisehn koasoai wet, kumwail kak kilangpene kasdo adaniki “Temples” (Laipreri en Rongamwahu). Kumwail kak kouliki ehu koul soangen “Holy Places” (Laipreri en Rongamwahu). Ehukihong emen emen duwen ahmw pepehm ong wasa sarawi kan me duwehte tehnpas sarawi.

5:41

• Meiroangen mahn akan me sansaladahr nan Kadehde Mering wiawiher pwehn padahkihong seri en Israel kan duwen mahk sang Sises Krais. Medewe mwomwen Wadewadek duwen meiroang pwukat kak wia soahngohte ong noumw seri kan. Ke kak kasale kilel en Sises Krais nan Kedsemeni oh pohn lohpwuo kan (kilang Gospel Art Book, nempe kan 56, 57 ni ahmw wadawad ong seri kan Lipai 1:–4. Sewese irail rapahkihda lepin lokaia kan de kahs akan me kataman kin irail en Sises Krais tohnmetei.

• Kumwail pil kak wadek pene 3 Nihpai 9:19–20 pwehn diar dahme kitail kehkehlikiong meiroangki palahsang mahn akan. Ia wehwehn en kihda ehu mohngiong ohla oh ngehn aktikitik ong Kauno? Kilang mehn kaweid ong Pwuhk Sarawi kan, “Mohngiong Ohla” (Laipreri en Rongamwahu) ong sewese sapengala peidek wet.