Ngā Kaiwhakariterite 2–4; 6–8; 13–16

He whakatūpato, ā, he kupu akiaki anō te pukapuka a ngā Kaiwhakariterite. Rapua tēnei whakatūpato me tēnei akiaki i a koe e pānui ana i Ngā Kaiwhakariterite 2:1–19; 3:5–12. Ki ō ake whakaaro, he aha te hāngaitanga o taua whakatūpato me taua akiaki ki a koe anō?

Hei tauira, mehemea i kōrero Ngā Kaiwhakariterite 2:19 e pā ana ki a koe me ō ake whakawainga, kaua ko ngā mea a ngā Iharaira onamata, he aha ngā kōrero i reira? Mehemea i kōrero Ngā Kaiwhakariterite 3:9 e pā ana ki tā te Ariki i mea ai hei whakaputa i a koe, he aha ngā kōrero i reira?

Me pānui e koe te pātai me te whakautu kei whārangi 37 o For the Strength of Youth: A Guide for Making Choices. Ki ō ake whakaaro, he aha te hāngaitanga o tēnei ki ngā mea i pā ai ki ngā Iharaira i roto i te pukapuka a ngā Kaiwhakariterite? He aha ngā akoranga māu i tēnei mō Ihu Karaiti?

I ētahi wā, mā te whakapono a te mea kotahi e whakahihiko ai i ngā ngākau o te tokomaha kia whakapono ai rātou. I roto i Ngā Kaiwhakariterite 4, ko Tepora taua tangata kotahi. Pānuitia mōna i Ngā Kaiwhakariterite 4:1–15, kātahi ka aro ki tōna mana i runga i ngā tāngata i ōna taha. Anei ētahi pātai hei āwhina i a koutou kia whakahāngaitia ōna wheakoranga ki tō ake oranga:

• He aha tāu hei whakamāramahia ngā āhuatanga kei runga i ngā Iharaira i taua wā? (tirohia ngā whiti 1–3). He aha ngā ōritetanga ki ngā āhuatanga kei runga i a tātou i tēnei rā—ki te taha o te tangata me te ahurea o te hapori?

• He aha ngā kupu me ngā mahi a Tepora nā konā whakaatu mai ai i tōna whakapono ki te Ariki? He aha ngā pānga o tana whakapono ki ētahi atu? He aha atu ētahi o ōna āhuatanga e pai ana ki a koe?

• Ki ō ake whakaaro, he aha te tikanga o tā Tepora pātai i whiti 14: “Kua puta rānei te Ariki i mua i a koe?” He aha tā te Ariki hei “puta atu i mua” i a koe? (tirohia Whakaakoranga me ngā Kawenata 84:87–88).

Kia whakaarohia me pēhea tō whakapono ki a Ihu Karaiti e manaaki ai i ētahi atu pērā i tō Tepora whakapono i manaaki ai i a Paraka me ērā atu Iharaira. Hei āwhina i a koe kia whakaarohia tēnei, tērā pea māu e rangahau tā Erata Neil L. Anderson karere “We Talk of Christ” (Liahona, Noema 2020, 88–91). Rapua i taua karere (1) ngā take e tika ana kia kaha ake tō kōrero e pā ana ki te Kaiwhakaora, me (2) ngā huarahi e pērā ai.

Kātahi ka whakarārangihia iho ngā mea e mōhio nei koe e pā ana ki a Ihu Karaiti—mai i ngā karaipiture, mai i ngā kupu a ngā poropiti e ora ana, ā, mai i ngā āhuatanga kua pā mai nei ki a koe anō. Ko wai te hunga me mōhio ki tēnei? Me pēhea koe e tohatoha ai i ēnei mōhiotanga?

Tirohia anōtia Matiu 5:14–16; 1 Pita 3:15; “Each Life That Touches Ours for Good,” Hymns, no. 293.

I a koe e pānui ana i Ngā Kaiwhakariterite 6–8, kia aro koe ki ngā wā i tono ai te Ariki ki a Kiriona kia whakapono ai ki tētahi mea ko te āhua nei kua kore e tutuki. Kua tonoa rānei koe e Ia kia meatia tētahi mahi pērā?

Ki ō whakaaro, he aha tā te Ariki hei whakaako ki a koe mā roto i tēnei tuhinga? He aha tā te Ariki mahi kua kitea nei e koe me te whakaaro kua kore e tutuki?

I ngaro i a Hamahona tōna kaha ā–tinana me tōna kaha ā–wairua nā te mea i takahia e ia ōna kawenata ki te Atua, tae atu ana ki ngā mea e hāngai pū ana ki ngā Naharaiti (tirohia Tauanga 6:1–6; Ngā Kaiwhakariterite 13:7, mō ngā kōrero e pā ana ki ngā Naharaiti). I a koe e pānui ana e pā ana ki a Hamahona i Ngā Kaiwhakariterite 13–16, kia aro ki ngā whiti e whakaatu mai ana i te piri te Ariki ki a Hamahona, me ngā whiti e whakaatu ana kāore a Hamahona i te tino ū rawa ki te Ariki.

Me whakaaroaro hoki e koe ngā kawenata kua meatia nei e koe ki te Ariki. Me pēhea ēnei kawenata i tō mai ai i Tōna mana ki roto ki tō oranga? He aha tāu e kite nei i ngā kōrero mō Hamahona nā konā whakahihiko ai tō ngākau kia ū tonu ki ō kawenata ki te Atua?

Nā Tuahine Ana M. Tipi i whakaako: “I whānau pitomata nui mai a Hamahona. I whakaaria mai nei e tōna whaea, ‘Ka tīmata ia ki te whakaputa i ngā Iharaira mai i te ringa o ngā Piripiana’ [Ngā Kaiwhakariterite 13:5]. Engari i a Hamahona e pakeke haere ana, ka aro kē atu ia ki ngā whakawainga o te ao, mahue tana aro ki te Atua. Ka kōwhiria e ia ngā huarahi i te mea he ‘āhuareka [ki a ia]’ [Ngā Kaiwhakariterite 14:3] ehara i te mea nā te tika o aua kōwhiringa. Ka kaha toai te rerenga nei i roto i ngā karaipiture ‘ā, ka haere iho ia’ [Ngā Kaiwhakariterite 14:7] i a ia e kōrero ana mō ngā haerenga, ngā mahinga me ngā kōwhiringa a Hamahona. Mahue tana whakarewanga ake me tana kānapa atu ki te whakatutuki i tana pitomata nui, ka mau a Hamahona i ngā herehere o te ao, ka riro atu tōna kaha i homai ai e te Atua, ā, ka mate i tētahi matenga pōuri, matenga moata” (“Arise and Shine Forth,” Liahona, Mei 2012, 118).

Tirohia anōtia tā Dallin H. Oaks, “Covenants and Responsibilities,” Liahona, Mei 2024, 93–96; Ulisses Soares, “Covenant Confidence through Jesus Christ,” Liahona, Mei 2024, 17–21.

• E whakamāramahia ana e Ngā Kaiwhakariterite 3 tētahi tauira e whakaako ana e pā ana ki te mana o te Kaiwhakaora hei whakaputa i a tātou i te hara. Hei āwhina i ō tamariki kia kitea ai tēnei tauira, māu ēnei rerenga e tuhituhi: “i mahi kino,” “i karanga ake ki te Ariki,” ā, “i whakatupuria ake tētahi kaiwhakaputa.” Kātahi ka rapua e ō tamariki ēnei rerenga i Ngā Kaiwhakariterite 3:7–9 me Ngā Kaiwhakariterite 3:12–15. He aha ngā akoranga e pā ana ki te Ariki i tēnei tauira?

• Hei whakakaha i te whakaaro ko Ihu Karaiti tō tātou Kaiwhakaputa, māu ētahi pikitia e whakakao, ētahi he tangata, ētahi ko Ihu, kātahi ka utaina kia tāpapa ki runga i te papa. Tukuna āu tamariki kia tahuri haere i ngā pikitia. Ina rapua tētahi pikitia o Ihu me waiata tētahi waiata Mōna, pērā i “He Sent His Son” (Children’s Songbook, 34–35) kātahi ka kōrero ki ō tamariki e pā ana ki Tāna hei whakaputa i a koe.

• Me whakamahi i a “Deborah the Prophetess” i Old Testament Stories, 92–95, hei whakamāramahia ō tamariki ki ngā kōrero i Ngā Kaiwhakariterite 4. Tohaina atu tētahi me tētahi tāu e aroha nei e pā ana ki a Tepora. I pēhea tana whakapono ki te Ariki i manaaki ai i ngā tāngata i tōna taha? He aha tā tātou hei āwhina i ētahi atu kia whakapono ai ki a Ihu Karaiti?

  

  2:9

• Whakamahia Ngā Kaiwhakariterite 7:4–7, i te whārangi mahi mō tēnei wiki, te “Te ope tauā a Kiriona” i Old Testament Stories, 96–99,hei whakaako i ō tamariki e pā ana ki tā te Ariki i mea ai nā konā iti haere te ope tauā o Iharaira. He aha te Ariki i hiahia ai kia pērā rawa te iti o te tauā o Kiriona? (tirohia Ngā Kaiwhakariterite 7:2).

  

  2:37

• Ka tā pikitia ō tamariki mō tētahi hoari, tētahi puapua, tētahi tetere, tētahi rama, me tētahi kōrere kātahi ka kōrero e pā ana ki te mea e pai ana hei taputapu i te pakanga. Kātahi ka pānui rātou i Ngā Kaiwhakariterite 7:16 kia kite ai he aha tā te Ariki i hiahia hei āta mahi mā tātou. I a koe e pānui ana e pā ana ki te pakanga i Ngā Kaiwhakariterite 7:19–21, kōrerohia atu e pā ana ki tāu e ako ai mō te Ariki i tēnei paki kōrero.

• Nā tā Hamahona kawenata ki te Ariki i whiwhi kaha ai tōna tinana, pērā i ō tātou kawenata e whakakaha nei i ō tātou wairua. Ka pai pea ō tamariki ki te mahi i ngā mahi whakapakari tinana me te kōrero tahi e pā ana ki aua mea whakapakari hei whakakaha i te tinana. Me pēhea te ū ki ō tātou kawenata e whakakaha ai i ō tātou wairua? (tirohia Mohia 18:8–10; Whakaakoranga me ngā Kawenata 20:77, 79).