Tauanga 11–14; 20–24; 27

I Tauanga 11:11–17, 24–29, kia aro atu ki te raru i mua i a Mohi me te rongoā i homai ai e te Atua. He aha ō whakaaro e pā ana ki te tikanga o te kōrero a Mohi i te wā i kī ake ia i manako ia “he poropiti katoa te iwi o te Ariki”? (whiti 29). I a koe e whakaarohia ana tēnei pātai, rapua ngā momo whakautu i tā Russell M. Nelson, “Revelation for the Church, Revelation for Our Lives” (Liahona, Mei 2018, 93–96).

Ehara i te mea e kī ana nā te mea ka whiwhi whakakitenga te katoa e taea ana e tātou katoa te ārahi i te iwi o te Atua pērā i a Mohi. Ka mārakerake tēnei i Tauanga 12 . He aha ngā whakatūpato e kitea ai e koe i tēnei upoko? Ki ō whakaaro, he aha tā te Ariki e pai ai hei māramatanga mōu e pā ana te whakakitenga mōu ake me te whai i Tana poropiti?

Tirohia anōtia 1 Nīwhai 10:17; Whakaakoranga me ngā Kawenata 28:1–7; Dallin H. Oaks, “Two Lines of Communication,” Liahona, Noema 2010, 83–86.

E ohorere ana ētahi i tā rātou ako e pā ana ki a Mohi, te rangatira kaha i tū ai ki mua i a Parao e whakamahia ana ngā merekara maha i raro i te mana o te Ariki,nā, he tangata “tino māhaki” anō ia(Tauanga 12:3). He aha te tikanga o te māhaki? Me rangahau tā Erata David A. Bednar whakamārama i “Meek and Lowly of Heart” (Liahona, May 2018, 30–33) or “Meek, Meekness” i Pukapuka Aratohu ki ngā Karaipiture (Wharepukapuka Rongopai).

He aha tāu e ako ai i ngā kōrero mō te māhaki o Mohi i Ekoruhe 18:13–25; Tauanga 11:26–29; Tauanga 12; Hīperu 11:24–27; me Mohi 1:10–11? Ka āta whakaaro rānei i tā te Kaiwhakaora hei whakaatu atu i te wairua māhaki (tirohia Matiu 11:29; 27:11–14; Ruka 22:41–42; Hoani 13:4–5). He aha ngā akoranga māu i ēnei kōrero?

I a koe e pānui ana i Tauanga 13–14, me whakaaro e koe anō nei he Iharaira koe. Ki ō whakaaro, he aha rātou i hiahia ai kia “hoki ki Īhipa”? (Tauanga 14:3). He aha tō whakamāramatanga mō tērā atu “wairua” i a Karepa? (Tauanga 14:24). He aha ngā mea pai e pā ana ki ngā kōrero mō Karepa rāua ko Hōhua, me tāu hei whakahāngai i ā rāua mahi ki ngā mea kei mua i tō aroaro?

I mōhio ngā poropiti i te Pukapuka a Moromona e pā ana ki ngā kōrero i Tauanga 21:4–9, ā, i mārama hoki rātou ki tōna hiranga ki te taha wairua. Pānuitia ā rātou whakaakoranga e pā ana ki tēnei kōrero i 1 Nīwhai 17:40–41; Arami 33:18–22; me Heramana 8:13–15. Anei ētahi pātai hei whakaaro māu i a koe e pērā ana:

• He aha te tikanga o te nākahi parāhe?

• He aha te tikanga o te ngau a te nākahi?

• Mehemea i te pirangi ngā Iharaira kia mahu ai rātou e tika ana kia “[titiro] ki te nākahi parāhe” (Tauanga 21:9). Ki ō whakaaro he aha ētahi i kore ai e hiahia titiro atu? Ka pēneitia koe i ētahi wā?

• He aha te mea e hihiko nei i tō ngākau kia kaha ake tō “titiro atu ki runga ki te Tama a te Atua i runga i te whakapono” kia mahu ai koe? (Heramana 8:15).

Mā te pānui i ēnei rerenga whiti e whakamahara ki a koe i ētahi atu taima i roto i ngā karaipiture i tika ai kia aro pūmau te titiro a te iwi ki a te Karaiti. Hei tauira, whakatauritetia te karere o Tauanga 21:4–9 ki Matiu 14:25–31 me 1 Nīwhai 8:24–28 (tirohia hoki ngā whakaahua kei te pito whakamutunga o tēnei whakatakotoranga mahi). He aha ngā mea e kukume atu ana i a tātou kia tawhiti atu i te Karaiti? He aha Tāna hei manaaki i te hunga e aro pūmau ana ki a Ia?

Tirohia anōtia “Jesus, the Very Thought of Thee” (Hymns, no. 141).

I te wā i tae mai te rongo ki a Paraka, te kīngi o Moapi, i te whakatata mai ngā Iharaira, ka karanga ia ki a Parāma, tētahi tangata i hau ai te rongo mōna he tangata tautapa manaakitanga me ngā kanga. I te hiahia a Paraka kia kangaia e ia ngā Iharaira. Kia aro ki tā Paraka hei kukume atu i a Parāma (tirohia Tauanga 22:5–7, 15–17), kātahi ka huri ō whakaaro ki ngā whakawai ka pā pea ki a koe kia kaua e whai i tā te Atua e pai ai. He aha te mea pai rawa ki a koe e pā ana ki tā Parāma whakautu i Tauanga 22:18, 38; 23:8, 12, 26; 24:13? He mea pōuri, ka whakarongo a Parāma, ā, ka tinihangatia a Iharaira e ia (tirohia Tauanga 31:16; Hura 1:11). Kia whakaarohia me pēhea koe e ū tonu ki te Ariki ahakoa ngā hiahia me ngā whakaaro a ētahi atu.

• Pātai atu ki ō tamariki mehemea kei te maumahara rātou ki ētahi o ngā merekara i meatia e te Ariki hei āwhina i ngā Iharaira (tirohia “The Plagues of Egypt” me “The Passover” i Old Testament Stories, 67–74). Kātahi ka whakarāpopotohia e koe a Tauanga 11:4–10, e whakakaha ana i te kōrero e pā ana ki tā Iharaira wareware ki ō rātou manaakitanga, ā, i te amuamu rātou. He aha ngā manaakitanga e warewaretia nei e tātou i ētahi wā?

• I a koutou e waiata ana, e whakarongo ana rānei ki tētahi waiata e pā ana ki te whakawhetai, pērā i “Count Your Blessings” (Hymns, no. 241), ka tā pikitia ō tamariki e pā ana ki ngā manaakitanga kua homai nei e te Ariki ki a rātou.

• Me kōrero atu ki ō tamariki e pā ana ki tā te Atua riri ki a Arona rāua ko Miriama, te tuakana me te tuahine o Mohi, hei whakatūwhera i ngā kōrero mō Tauanga 12. Tonoa rātou kia pānui Tauanga 12:1–8 kia mōhio he aha ai. Māu e whakamahi te Gospel Art Book hei āwhina i ō tamariki kia rapua ngā tauira mō ngā tāngata i roto i ngā karaipiture i ū ai ki te poropiti o te Ariki, kātahi ka manaakitia. He aha ngā momo manaakitanga e whiwhi ai tātou ina whai atu i te poropiti o te Ariki?

• Me whakamahi i a “Moses and the Brass Serpent” i Old Testament Stories, 83–84, hei āwhina i ō tamariki kia ako i ahatia i Tauanga 21:6–9. He aha e ōrite ai te nākahi ki a Ihu Karaiti? (tirohia Hoani 3:14–15). Ka pai pea ō tamariki ki te waihanga i tētahi nākahi ki te pepa kātahi ka tuhituhi ki runga rā ētahi mahi ngāwari e taea ai e rātou kia “titiro atu ki te Tama a te Atua i runga i te whakapono” (Heramana 8:15).

  

  1:2

• Ka kōwhiria e ngā taiohi tētahi o ngā karaipiture e whai ake nei kātahi ka tohaina mai he aha ngā whakamārama atu anō mō tēnei kōrero: 1 Nīwhai 17:41; Arami 33:18–20; Heramana 8:13–15; Whakaakoranga me ngā Kawenata 6:36.

• Whakarāpopotohia Tauanga 22:1–18 mō ō tamariki, e whakakaha ana i te kōrero mō Parāma me tana kore whakaae kia kangaia te iwi o te Atua, ahakoa tā Paraka, te kīngi o Moapa, kī taurangi kia hoatu ngā hōnore me ngā taonga nui ki a ia. Kātahi ka āwhina koe i ō tamariki kia tirohia ngā whiti e whai ake nei mō ngā rerenga e whakapae ana rātou kei te whakaatu i hiahia a Parāma ki te whai i te Atua: Tauanga 22:18; 23:26; 24:13. Tērā pea ka kōwhiria e ō tamariki tētahi rerenga e pai ana ki a rātou kātahi ka tuhia ki runga i tētahi kāri hei āwhina i a rātou kia mahara kia ū ki te Ariki.