Hōhua 1–8; 23–24

Kia anga atu ō whakaaro ki ngā āhuatanga i tau ai ki runga i a Hōhua i te wā i karangatia ai ia hei kaiwhakakapi mō Mohi. He aha tā te Ariki i whakaako ai i Hōhua 1:1–9 hei akiaki i a ia. Kia huri ō whakaaro ki ngā uauatanga ka tūpono mai ki a koe; he aha ngā mea i roto i ēnei whiti nā konā māia ai koe?

Ko te tikanga o te ingoa o Hōhua (Yehoshua Yeshua rānei i Hīperu) arā, “e whakaora ana a Ihowa.” Ā, e ahu mai ana te ingoa Ihu i Yeshua. Nō reira i a koutou e pānui ana e pā ana ki a Hōhua, kia aro ki tōna tūranga i tana ārahi i ngā tamariki a Iharaira kia whakawhiti atu i te Awa o Hōrana ki roto ki te whenua o te kupu whakaari. He aha ngā ōritetanga o tana mīhana me ngā mea e mahia nei e te Karaiti mō tātou?

I a Ia e akiaki ana i a Hōhua, ka tuku tohutohu te Ariki i Hōhua 1:8 e pā ana ki ngā karaipiture, “te kupu o te ture” rānei. Whakaarohia te taumaha nui o tō Hōhua haepapa, he aha i pai ai ēnei tohutohu?

I te wā e pōhiritia mai ai tātou kia pānuitia ai ngā karaipiture, whakamahia ai e Ia ngā kupu he nui noa atu i te pānui noa. Ka whakaaria mai e Ia anō hoki ngā manaakitanga nui. Mā te tēpara ki raro iho nei e āwhina kia rapua e koe ēnei kupu pōhiri me ēnei manaakitanga kua whakaaria mai nei:

Me pēhea te Ariki i whakatutuki i ēnei kupu whakaari i tō oranga? He wā pai tēnei ki te tātari i te āhua o tāu pānui karaipiture. He aha ngā mea pai? He aha ngā mea e whakahihiko ana i tō ngākau hei mahi māu kia nui ake ngā hua mōu i roto i te kupu a te Atua?

Tirohia anōtia “As I Search the Holy Scriptures,” Hymns, no. 277.

E ai ki tā te Karaitiana Kawenata Hou ko Rahapa tētahi tauira mō tētahi e kaha ana ki te whakapono, ki te mahi hoki (tirohia Hīperu 11:31; Heemi 2:25). I a koutou a pānui ana i Hōhua 2, kia aro ki ngā hua i puta ai i te whakapono me ngā mahi a Rahapa i roto i te whakaoranga o tōna whānau, me ngā tūtei o Iharaira. He aha ngā akoranga māu i konei e pā ana ki tō whakapono i te Karaiti me āu mahinga me ōna hua ki a koe, ā, ki ētahi atu?

I meatia e te Ariki ngā mea mīharo i waenga i Tana iwi i a Ia e ārahi ana i a rātou ki roto i te whenua whakaari, ā, Māna anō e pērā māu. Anei ētahi pātai hei ārahi i tō rangahau i Hōhua 3–4:

• Ki ō whakaaro, he aha i kīa ai ngā Iharaira me whakatapu i a rātou anō i mua i tā rātou whakawhiti atu i te Awa o Hōrana? (tirohia Hōhua 3:5).

• Kia aro ki te wehenga o te awa nō muri iho i tā “ngā pirihi tautau i ō rātou waewae ki roto i te pārua o te wai” (Hōhua 3:13, 15). He aha e pērā rawa ai?

• I heipū ake ētahi atu āhuatanga nunui ki te Awa o Hōrana—tirohia 2 Kīngi 2:6–15; 5:1–14; me Maka 1:9–11. He aha ngā honohononga i ēnei heipūtanga?

• He aha ngā mea “mīharo” a te Ariki i roto i tō oranga? (Hōhua 3:5). Me pēhea koe e kaha ake ai tō rongo—e kaha ake tō kite rānei—i ēnei mea mīharo? (hei tauira, tirohia Hōhua 3:17).

E hāngai ana a Hōhua 6–8 ki ngā whawhai whenua o Heriko me Ai. I a koutou e pānui ana i ēnei upoko, kia aro ngā whakaaro ki tāu hei whawhai ki te whakawainga (hei tauira, tirohia Hōhua 7:10–13). He aha ngā akoranga māu mō tā te Atua āwhina i a koe me tāu e toro atu ai ki Tōna mana? Hei tauira, he aha te mea pai rawa ki a koe mō ngā tohutohu a te Ariki hei turaki i a Heriko i Hōhua 6:1–5). Tēra pea mā ngā kōrero i Hōhua 7 e whakahihiko i tō ngākau kia rapua mehemea kei tō oranga tētahi “mea kangaia” hei whakatika māu (Hōhua 7:13).

Kei roto i ngā whakaakoranga whakamutunga a Hōhua ki ngā Iharaira i Hōhua 23–24 ngā whakatūpato whakahirahira, ngā tohutohu me ngā manaakitanga kua whakaaria mai nei. Tērā pea māu ō whakakitenga e whakarārangihia ai. I a koe e whakaaro ana ki ngā mea e mōhio nei koe e pā ana ki ngā Iharaira, he aha ki ō whakaaro i kōwhiria ai e Hōhua kia whāki atu i ēnei mea ki a rātou i te mutunga o tana oranga? He aha tāu e kite nei, nā, e whakaaweawe i a koe kia “piri ki te Atua”? (Hōhua 23:8).

Tirohia anōtia tā Dale G. Renlund, “Choose You This Day,” Liahona, Noema 2018, 104–6.

• Anei tētahi huarahi hei āwhina i ō tamariki “kia kaha, ā, kia māia” ai (Hōhua 1:6) mā roto i a Ihu Karaiti. Tonoa rātou kia rapua ai tētahi rerenga e kaha toaitia ana i Hōhua 1:6, 9, me te 18, kātahi ka tuhia iho, me maumahara rānei. Āwhinatia ō tamariki kia whakaarohia ake e rātou ētahi e tika ana kia rongo ai i tēnei karere, pērā i a Hōhua. Me arotake ngātahi hoki ētahi o ngā kōrero i Joshua 1–4; 6 (tirohia anōtia “Joshua the Prophet” me “Rahab and the Spies” i Old Testament Stories, 85–91). He aha tā ngā tāngata i tēnei tuhinga hei whakaatu atu i tō rātou māia, i tō rātou kaha i roto i te Ariki?

  

  2:59

  

  1:39

• Mā te pānui i Hōhua 1:8 e whakaaweawe i ō tamariki ki te pānui i ā rātou ake karaipiture. Āwhinatia rātou kia rapua ngā kupu i tēnei whiti e whakaako ai i a rātou me pēhea ā, me aha tātou e pānui ai i ngā karaipiture. Me rapu e rātou taua mea anō i 1 Nīwhai 15:23–24; 2 Nīwhai 31:20; 32:3; Hākopa 4:6; Heramana 3:29–30. Māu anō rātou e āwhina kia meatia, ā, kia whakahaerehia tētahi mahere pānui karaipiture.

• Māu ngā kōrero e pā ana ki te whakawhitinga o ngā Iharaira i te Awa o Hōrana e whakamahi hei tohu mō te rumakitanga—e whakarērea ana tō oranga o mua i roto i te koraha kia tīmataria tētahi oranga hou i roto i tētahi hononga kawenata ki te Atua. Nō reira i a koutou e pānui ngātahi ana i Hōhua 3–4 (te “Joshua the Prophet” i Old Testament Stories, 85–89), me titiro hoki ki tētahi pikitia o Ihu e rumakina ana kātahi ka whakamāramahia atu i rumakina anōtia a Ihu i taua awa anō i whakawhiti ai ngā Iharaira. Waiatahia ngātahitia tētahi waiata, pērā i “Baptism” (Children’s Songbook, 100–101). Me kōrero atu tētahi ki tētahi e pā ana ki te āhua e ōrite ai te rumakitanga ki te tīmatanga o tētahi oranga hou i roto i te kīngitanga o Ihu Karaiti.

  

  2:59

• He aha tāu hei āwhina i ō tamariki ki te ako kia kōwhiria ki te whai i a Ihu Karaiti, pērā i tā Hōhua tono i ngā Iharaira kia pērā ai? Māu rātou e tono kia:

  • Maumahara ki tētahi rerenga poto mai i Hōhua 24:15. Me mahi i runga i te wairua whakangahau. Ka hāngai te nui o ngā kupu ki ō rātou pakeke.

  • Rapu i ngā kōrero e pā ana ki ngā tāngata e kōwhiri ana kia tū ai hei pononga nā Ihu Karaiti. Me titiro e rātou ki roto i te makahīni Friend te Gospel Art Book, te Old Testament Stories rānei me ērā atu pukapuka pūrākau karaipiture.

  • Mahi whakaari i reira kōwhiria ai e rātou kia whai atu i te Kaiwhakaora.