Ekoruhe 35–40; Rewitikuha 1; 4; 16; 19

Ko tā Ekoruhe 35–40 he whakamārama i ngā mahi a ngā Iharaira ki te waihanga i tētahi tapenakara, i reira meatia ai ngā tikanga tapu e meinga ai rātou hei iwi tapu. I a koe e pānui ana i ēnei upoko, rapua ngā mea e tonoa ana e te Ariki Tana iwi hei whakanoho ai ki roto i te tapenakara. He aha te tikanga o ēnei mea? He aha ngā kōrero i reira e pā ana ki tō kake i runga i te tapu? Me tino aro ki ēnei mea me tāna hei whakatahuri i ōu whakaaro ki te Kaiwhakaora. Mā tētahi tēpara pēnei pea e āwhina:

Ehara noa i te mea, mā te tū ki ngā wāhi tapu e tapu ai koe. Ko tā Rewitikuha 19 he whakamārama i ngā ture me ngā whakahaunga i homai e te Ariki hei āwhina i ngā Iharaira e kake ake ai tō rātou tapu. He aha tāu e kite nei i ēnei whakahaunga mā konā āwhinatia koe kia whaia te tapu i te Ariki? He aha ngā mea e rangona i tō ngākau kia whakatinanahia ēnei tikanga?

Tirohia anōtia tā Henry B. Eyring, “Holiness and the Plan of Happiness,” Liahona, Noema 2019, 100–103; “The Tabernacle” (whitiāhua), Wharepukapuka Rongopai.

7:19

I te tau whai muri iho i te wehenga i Īhipa, kāore i mau kaha te hononga o ngā tamariki o Iharaira ki a Ihowa. Heoi anō, i a koe e pānui ana i Ekoruhe 35:4–35 me te 36:1–7, kia aro ki tā ngā Iharaira ki tētahi whakahau kia hangaia te tapenakara. He aha tāu ako ai i ngā Iharaira mā konā pai ake tō mahi ki te Ariki?

Tērā pea kua kore e tonoa koe e Ia kia homai he taonga, he rīnena, he rākau rānei mō tētahi tapenakara. He aha tā te Ariki i homai nei ki a koe, ā, he aha Tāna e tono nei hei tāpaenga māu? Inahea “whakaohongia ake [tō] ngākau kia haere mai ai ki te mahi”?

Tirohia anōtia ngā Kaupapa me ngā Pātai, “Sacrifice,” Wharepukapuka Rongopai.

E hāngai ana a Ekoruhe 40:12–14 ki ngā tikanga tapu onamata e whakahaerehia ana i ēnei rā i roto i te whare o te Ariki. Anei ētahi atu whiti e āwhina ai i a koe ki te ako e pā ana ki tā ēnei tikanga tapu whakaatu atu e pā ana ki a Ihu Karaiti:

• Horoinga Ngā Waiata 51:2; Ehekiera 36:25–27

• Kākahuria ki ngā kahu tapu: Ihāia 61:10; Matiu 22:11–14; Whakakitenga 19:7–8

• Whakawahinga: Ruka 4:18–19; Ngā Mahi 10:38

Tērā pea he rerekē te nuinga o te pukapuka a Rewitikuha ki a tātou—ngā whakahere kararehe, ngā tikanga toto me te wai, me ngā ture whakahere i ētahi wāhanga o te oranga. Engari ko tā ēnei tikanga me ēnei ture he whakaako i ngā whakaakoranga e mōhio nei tātou—rīpenetātanga, tapu, me te Whakamārietanga o te Kaiwhakaora. I a koe e rangahau ana i Rewitikuha 1:1–9; 4; 16, me aro ki ngā momo pātai pēnei:

• He aha ngā kupu me ngā rerenga e kite nei koe nā konā huri ōku mahara ki a Ihu Karaiti me Tana whakahere whakamārie?

• He aha tāku e ako ai i ēnei whakahere e pā ana ki te whakahere a te Kaiwhakaora?

• Me pēhea au e ōrite ai ki ngā tāngata nā rātou ēnei whakahere i mahi?

Kāore e tika ana i ēnei wā kia tāpae i ngā whakahere kararehe ki te Ariki. Engari he mea nui tonu te whakahere i te rongopai. Rangahaua a 3 Nīwhai 9:19–20; Whakaakoranga me ngā Kawenata 64:34kia ako e pā ana ki ngā momo whakahere e tika ana mā te Ariki. He aha tāu hei tāpae atu i ēnei momo tāpaenga? He aha tā Mohi 5:7 hei whakaako ki a koe e pā ana ki tō titiro ki āu whakahere?

Tirohia anōtia “Thoughts to Keep in Mind: The Tabernacle and Sacrifice.”

• Hei te pito whakamutunga o tēnei whakatakotoranga mahi tētahi whakaahua o te tapenakara o ngā Iharaira i te koraha. Tērā pea ka hiahia te titiro tahi me ō tamariki kātahi ka uia rātou he aha ngā ō hei waihanga i te tapenakara. Kātahi ka pānui tahi i Ekoruhe 35:20–29 kia kite ai he aha ngā mea i mahia e whakakao ai i aua ō. He aha tā te Ariki hei pōhiri mai ki a tātou e hau atu ki te āwhina kia waihanga i Tōna kīngitanga?

• Me pānui tahi i Ekoruhe 36:1 kia kite ai he aha tā te Ariki i hoatu ai ki a Peherire me Ahoriapa hei hanga i te tapenakara. Kātahi ka taea te kōrero tahi me ō tamariki e pā ana ki ō whakaaro mō tā te Ariki i hoatu nei ki a rātou hei waihanga i Tana kīngitanga. Me pēhea tātou e whakamahi i ēnei takoha hei manaaki i ētahi atu?

• Ekoruhe 40:17–34 whakarārangihia ngā mea nō te tapenakara o ngā Iharaira. Tērā pea ka kite koutou i aua mea i roto i ēnei whiti, ā, i roto i te pikitia o te tapenakara kei te pito whakamutunga o tēnei whakatakotoranga mahi. Me kōrero e pā ana ki ia wāhanga o te tapenakara me tana hāngai ki te Kaiwhakaora, ki te Matua i te Rangi rānei. Hei tauira, ka whakamaharatia tātou e te āka o te whakaaturanga ki ngā whakahaunga a te Atua, ka whakamaharatia tātou e te ahurewa ki te whakahere a Ihu Karaiti, ā, ka pēnei te āhua mō ērā atu mea.

• He aha ngā wāhi tapu kei a tātou i ēnei rā mā konā tata ake ai ki a Ihu Karaiti? Ka taea te mātaki tahi i te whitiāhua “Temples” (Wharepukapuka Rongopai). Me waiata hoki i tētahi waiata pērā i “Holy Places” (Wharepukapuka Rongopai). Kōrerohia atu tētahi me tētahi ō whakaaro e pā ana ki ngā wāhi tapu pērā i te temepara.

5:41

• Ko tā ngā whakahere kararehe i roto i te Kawenata Tawhito he whakaako i ngā tamariki o Iharaira e pā ana ki te murunga hara mā roto i a Ihu Karaiti. Kia tahuri ō whakaaro ki ngā hua e puta ai ki ō tamariki i te pānui e pā ana ki ēnei whakahere. Māu e hura ētahi pikitia o Ihu Karaiti i te Kāri o Kehemani, i runga rānei i te rīpeka (tirohia Gospel Art Book, nos. 56, 57) i a koutou e pānui tahi ana i Rewitikuha 1:1–4. Āwhinatia rātou kia rapua ngā kupu, ngā rerenga rānei e whakamaharatia ana ki a rātou te whakahere o Ihu Karaiti.

• Pānuitia ngātahitia 3 Nīwhai 9:19–20 kia mōhio ai he aha ā tātou whakahere ināianei. He aha te tikanga o te kōrero ki koe kia tāpaea te ngākau marū me te wairua iro ki te Ariki? Tirohia te Pukapuka Aratohu ki ngā Karaipiture, “Broken Heart” (Wharepukapuka Rongopai) i reira ētahi āwhina kia whakautua tēnei pātai.