Uk-ukom 2–4; 6–8; 13–16

Ti libro nga Uk-ukom ket mabalin nga agpadpada a maysa a pammallaag ken pammaregta. Sapulem daytoy a pammallaag ken pammaregta bayat ti panagbasam iti Uk-ukom 2:1–19; 3:5–12. Kasano ti mariknam a maaramat kenka ti pammallaag ken pammaregta?

Kas pagarigan, no ti Uk-ukom 2:19 ket maipapan kenka ken kadagiti sulisogmo imbes a maipapan kadagiti nagkauna nga Israelita, ania ti mabalin nga isao daytoy? No ti Uk-ukom 3:9 ket maipapan iti inaramid ti Apo a mangispal kenka, ania ti mabalin nga isao daytoy?

Ibilang ti panangbasa iti saludsod ken sungbat iti panid 9 ti Para iti Pigsa dagiti Agtutubo: Maysa a Pangiwanwan iti Panagpili. Kasano ti riknam a maaramat daytoy iti padas dagiti Israelita iti libro ti Uk-ukom? Ania ti isuro kenka daytoy maipapan ken ni Jesucristo?

No dadduma ti pammati ti maysa a tao ket makaparegta iti pammati iti adu a dadduma pay. Iti Uk-ukom 4, ni Debora dayta maysa a tao. Basaem ti maipapan kenkuana iti Uk-ukom 4:1–15, ket kitaem ti impluensiana kadagiti tao iti aglawlawna. Adtoy ti sumagmamano a saludsod a tumulong kenka a mangpanunot no kasano a mabalin a maaramat ti padasna iti biagmo:

• Kasano ti panangiladawanmo kadagiti kasasaad a nakaipasanguan dagiti Israelita iti dayta a panawen? (kitaen dagiti bersikulo 1–3). Ania dagiti pagpapadaan a makitayo kadagiti kasasaad ita—kadagiti indibidual ken kagimongan?

• Ania dagiti balikas wenno tignay nga ipakita ni Debora kenka nga adda pammatina iti Apo? Kasano a nakaimpluensia ti pammatina kadagiti dadduma? Ania pay ti makaawis iti riknam maipapan kenkuana?

• Ania ti mariknam a kayat a sawen ni Debora iti saludsodna iti bersikulo 14” “Saan aya ti Apo ti rimmuar iti sangom?” Kasano a “rummuar iti sangotayo” ti Apo? (kitaen iti Doktrina ken Katulagan 84:87–88).

Utobem no kasano a makabendision ti pammatim ken ni Jesucristo kadagiti dadduma a kas iti panangbendision ti pammati ni Debora ken ni Barak ken kadagiti dadduma nga Israelita. Tapno matulongannaka a mangpanunot maipapan iti daytoy, mabalinmo nga adalen ti mensahe ni Elder Neil L. Andersen “We Talk of Christ” (Liahona, Nob. 2020, 88–91). Sukisoken ti mensahe para kadagiti (1) rason tapno ad-adda a sipapanayag ti panagsao maipapan iti Mangisalakan ken (2) dagiti wagas a panangaramid iti daytoy.

Kalpasanna mabalinmo ti agaramid iti listaan dagiti banag nga ammom maipapan ken ni Jesucristo— manipud kadagiti nasantuan a kasuratan, manipud kadagiti balikas dagiti sibibiag a propeta, ken manipud iti personal a padasmo. Siasino ti nasken a makaammo iti daytoy? Kasano nga ibinglaymo daytoy?

Kitaen met iti Mateo 5:14–16; 1 Pedro 3:15; “Each Life That Touches Ours for Good,” Hymns, no. 293.

Bayat ti panangbasam iti Uk-ukom 6–8, laglagipem dagiti pagarigan a nangkiniddawan ti Apo ken ni Gideon a mamati iti maysa a banag a mabalin a kasla saan a mapasamak. Adda kadi kiniddawna a maysa a banag nga umasping kenka?

Ania ti mariknam a padpadasen nga isuro ti Apo kenka iti daytoy a salaysay? Kasano a naimatangamom ti Apo a mangaramid iti trabahona kadagiti wagas a kasla awan namnamana?

Agpada a napukaw ni Samson ti pisikal a pigsana ken ti naespirituan a pigsana gapu ta linabsingna dagiti katulaganna iti Dios, agraman dagiti naaramat a naipangpangruna kadagiti Nazareo (para iti impormasion maipapan kadagiti Nazareo, kitaen iti Numero 6:1–6; Uk-ukom 13:7). Bayat ti panangbasam maipapan ken ni Samson iti Uk-ukom 13–16, kitaem dagiti bersikulo a mangipakita a kadua ti Apo ni Samson, kasta met dagiti bersikulo a mangipakpakita a saan a naan-anay a naikumit ni Samson iti Apo.

Mabalinmo pay nga utoben dagiti katulagan nga inaramidmo iti Apo. Kasano a dagitoy a katulagan ti mangyeg iti bilegna iti biagmo? Ania ti masursurom manipud kadagiti padas ni Samson a mangparegta kenka nga agtalinaed a napudno kadagiti katulagam iti Dios?

Insuro ni Sister Ann M. Dibb: “Nayanak ni Samson nga addaan iti naindaklan a potensial. Naikari iti inana, ‘Rugiannanto nga ispalen ti Israel iti ima dagiti Filisteos’ [Uk-ukom 13:5]. Ngem bayat ti panagdakkel ni Samson, ad-adda a nagsapul kadagiti pannulisog iti lubong ngem iti pangiturong ti Dios. Nagaramid kadagiti pili gapu ta ‘pinagrayo[da] [isuna] unay’ [Uk-ukom 14:3] imbes a gapu ta umno dagita a pili. Inulit-ulit, nga usaren dagiti nasantuan a kasuratan ti ragup ti balikas a ‘ket isu simmalog’ [Uk-ukom 14:7] bayat ti panangisaritada maipapan kadagiti panagdaliasat, tignay, ken pili ni Samson. Imbes a bumangon ken lumatak a mangipatungpal iti naindaklan a potensialna, pinarmek ti lubong ni Samson, napukawna ti bilegna nga inted ti Dios, ken natay iti maysa a nakaam-ames, nasapa nga ipapatay” (“Arise and Shine Forth,” Liahona, Mayo 2012, 118).

Kitaen met iti Dallin H. Oaks, “Covenants and Responsibilities,” Liahona, Mayo 2024, 93–96; Ulisses Soares, “Covenant Confidence through Jesus Christ,” Liahona, Mayo 2024, 17–21.

• Uk-ukom 3 iladawanna ti maysa a pagtuladan a mangisuro maipapan iti pannakabalin ti Mangisalakan a mangispal kadatayo manipud iti basol. Tapno matulongam dagiti annakmo a mangilasin iti daytoy a pagtuladan, mabalinmo nga isurat dagitoy a ragup ti balikas: “nagaramid iti dakes,” “immasugda iti Apo,” ken “namangon iti mangisalakan.” Kalpasanna mabalin a sapulen dagiti annakmo dagitoy a ragup ti balikas iti Uk-ukom 3:7–9 ken Uk-ukom 3:12–15. Ania ti masursurotayo maipapan iti Apo manipud iti daytoy a pagtuladan?

• Tapno mayunay-unay a ni Jesucristo ti Manangisalakantayo, mabalinmo nga ummongen ti sumagmamano a ladawan dagiti tao, agraman ti ladawan ni Jesus, ket ikabilmo dagitoy a nakapakleb. Pagsinnublatem dagiti annakmo a mangbaliktad kadagiti ladawan. No masarakanda ti ladawan ni Jesus, agkansion iti kanta maipapan Kenkuana, kas iti “He Sent His Son” (Children’s Songbook, 34–35), ket ibagam kadagiti annakmo maipapan iti no kasano nga inispalnaka.

• Mabalinmo nga usaren ti “Ni Debora a Babai a Propeta” iti Dagiti Estoria iti Daan a Tulag, 92–95, a mangisarita kadagiti annakmo iti estoria iti Uk-ukom 4. Ibinglay iti tunggal maysa no ania ti dayawenyo maipapan ken Debora. Kasano a binendisionan ti pammatina iti Apo dagiti tao iti aglawlawna? Ania ti maaramidtayo a makatulong iti dadduma a maaddaan iti ad-adda a pammati ken ni Jesucristo?

  

  2:9

• Usaren ti Uk-ukom 7:4–7, panid ti aktibidad iti daytoy a lawas, wenno ti “Ti Buyot ni Gideon” iti Dagiti Estroria iti Daan a Tulag, 96–99, tapno maisuro kadagiti annakmo no kasano a pinabassit ti Apo ti buyot ti Israel. Apay a kayat ti Apo nga agbalin a bassit unay ti buyot ni Gideon? (kitaen iti Uk-ukom 7:2).

  

  2:37

• Mabalin nga agdrowing dagiti annakmo kadagiti ladawan ti espada, kalasag, trumpeta, lampara, ken pitsel ket pagsaritaanda no ania kadagitoy a banag ti kayatda iti maysa a dangadang. Kalpasanna mabalinda a basaen ti Uk-ukom 7:16 tapno maammuan no ania ti imbaga ti Apo iti buyot ni Gideon nga usarenda. Bayat ti panangbasayo maipapan iti dangadang iti Uk-ukom 7:19–21, ibinglayyo iti tunggal maysa no ania ti masursuroyo maipapan iti Apo manipud iti daytoy nga estoria.

• Dagiti katulagan ni Samson iti Apo ti nangted kenkuana iti pisikal a pigsa, a kas met iti panangted dagiti katulagantayo iti naespirituan a pigsa. Mabalin a maay-ayo dagiti annakmo ti agaramid iti sumagmamano a panagwatwat iti bagi ken panangilawlawag no kasano a makatulong dagita a panagwatwat a mangpapigsa kadagiti bagitayo. Kasano a mangpapigsa kadagiti espiritutayo ti panagtungpal kadagiti katulagantayo? (kitaen iti Mosiah 18:8–10; Doktrina ken Katulagan 20:77, 79).