Exodo 35–40; Levitico 1; 4; 16; 19

Iladawan tiExodo 35–40 dagiti pannagkagumaan dagiti Israelita a mangbangon iti maysa a tabernakulo, a pakatulongan dagiti sagrado nga ordinansa kadakuada nga agbalin a nasantuan a tattao. Bayat ti panangbasam kadagitoy a kapitulo, sapulem dagiti banag a kiniddaw ti Apo kadagiti taona nga ikabil iti tabernakulo. Ania ti mabalin nga ibagi dagitoy a banag? Ania ti isingasingda kenka maipapan iti panangpadur-as iti kinasantuan? Nangnangruna nga ibilangmo no kasano a mangiturong dagitoy a banag iti panangpanunotmo iti Mangisalakan. Mabalin a makatulong kenka ti maysa a tsart a kas iti daytoy:

Siempre, ti kaadda laeng kadagiti nasantuan a lugar ket saan a mamagbalin kadatayo a nasantuan. Iladawan tiLevitico 19 dagiti paglintegan ken bilin nga inted ti Apo a mangtulong kadagiti Israelita a mangpadur-as iti kinasantuan. Ania ti masarakam kadagitoy a bilin a makatulong kenka nga agkalikagum iti kinasantuan manipud iti Apo? Ania ti nakaawisan ti riknam nga aramiden tapno ad-adda a naan-anay nga agbiag kadagitoy a pagbatayan?

Kitaen met iti Henry B. Eyring, “Holiness and the Plan of Happiness,” Liahona, Nob. 2019, 100–103; “The Tabernacle” (video), Gospel Library.

7:19

Iti tawen kalpasan ti panangpanaw iti Egipto, ti relasion dagiti annak ti Israel ken ni Jehova ket mabalin a mailadawan a kasla agbaliwbaliw. Ngem, bayat ti panangbasam iti Exodo 35:4-35 ken 36:1–7, kitaem no kasano a simmungbat dagiti Israelita iti bilin a mangbangon iti tabernakulo. Ania ti nasursurom manipud kadagiti Israelita a makatulong kenka a nasaysayaat a makapagserbi iti Apo?

Mabalin a saanna a kiddawen kenka dagiti napateg a metal, linen, wenno kayo para iti tabernakulo. Ania ti inted kenka ti Apo, ken ania ti kidkiddawenna kenka nga idatonmo? Kaano a “natignayna[ka] ti pusom nga immay iti trabaho”?

Kitaen met iti Topics and Questions, “Sacrifice,” Gospel Library.

TiExodo 40:12–14 ket maibasar kadagiti nagkauna nga ordinansa a maan-annong pay iti aldawtayo iti balay ti Apo. Adtoy ti sumagmamano a nayon a bersikulo a makatulong kenka a mangammo maipapan iti no kasano a paneknekan dagitoy nga ordinansa ni Jesucristo:

• Panangbunggo: Salmo 51:2; Ezequiel 36:25–27

• Panangkawes kadagiti nasantuan a pagan-anay: Isaias 61:10; Mateo 22:11–14; Apocalipsis 19:7–8

• Panangpulot: Lucas 4:18–19; Dagiti Aramid 10:38

Kaadduan ti libro ti Levitico ti mabalin a karkarna kadatayo—dagiti panangisakripisio iti ayup, dagiti ritual maipanggep iti dara ken iti danum, ken dagiti linteg a mangiturturay kadagiti babassit a detalye ti biag. Ngem naisangrat dagitoy a ritual ken linteg a mangisuro kadagiti pagbatayan a pamiliar—panagbabawi, kinasantuan, ken ti Pannubbot ti Mangisalakan. Tapno masarakan dagitoy a pagbatayan bayat ti panagbasam iti Levitico 1:1–9; 4; 16, ibilang dagiti saludsod kas kadagitoy:

• Ania dagiti balikas wenno ragup ti balikas a masarakak a mangipalagip kaniak ken ni Jesucristo ken ti pannubbot a sakripisiona?

• Ania ti masursurok manipud kadagitoy a sakripisio maipanggep iti sakripisio ti Mangisalakan?

• Kasano a maituladak kadagiti tao a nangaramid kadagitoy a sakripisio?

Saanen nga idawat ti Apo a kasapulan dagiti sakripisio nga ayup. Ngem napateg pay laeng ti sakripisio a maysa a pagbatayan ti ebanghelio. Tapno masursuro dagiti kita ti sakripisio nga idawat ti Apo a kasapulan, adalen ti 3 Nephi 9:19–20; Doktrina ken Katulagan 64:34. Kasano ti panangidatonmo kadagitoy a kita ti sakripisio? Kasano nga isuronaka ti Moises 5:7 maipapan no kasano ti nasken a panangmatmatmo kadagiti sakripisiom?

Kitaen met iti “Dagiti Kapanunotan a Laglagipen: Ti Tabernakulo ken Sakripisio.”

• Iti ungto daytoy a balabala ket adda ladawan ti tabernakulo iti let-ang dagiti Israelita. Mabalin a kayatmo a kitaen daytoy a kaduam dagiti annakmo ket damagem kadakuada no ania dagiti material a kasapulan koma a mangbangon iti tabernakulo. Kalpasanna aggigiddan a basaenyo ti Exodo 35:20–29 tapno maammuan no kasano a naipaay dagitoy a material. Kasano nga inawisnatayo ti Apo a mangted iti tulong iti pannakabangon ti pagarianna?

• Ibilang ti panangbasa a kadua ida iti Exodo 36:1 tapno ammuen no ania ti inted ti Apo kada Bezaleel ken Aholiab a tumulong a mangbangon iti tabernakulo. Kalpasanna mabalinmo a kasarita dagiti annakmo maipapan iti no ania ti mariknam nga inted ti Apo kadakuada tapno tumulong a mangbangon iti pagarianna. Kasano a mausartayo dagitoy a banag a mangbendision kadagiti dadduma?

• TiExodo 40:17–34 ilistana dagiti banag a paset idi ti tabernakulo dagiti Israelita. Mabalin a masarakanyo ida ken dagiti annakyo kadagitoy a bersikulo ken iti ladawan ti tabernakulo iti ungto daytoy a balabala. Isaritam maipapan iti no kasano a makaisuro ti tunggal paset ti tabernakulo maipapan iti Mangisalakan wenno ti Nailangitan nga Ama. Kas pagarigan, iti daong ti pammaneknek ket makaipalagip kadatayo kadagiti bilin ti Dios, ti altar ket makaipalagip kadatayo ti sakripisio ni Jesucristo, ken dadduma pay.

• Ania dagiti nasantuan a lugar nga adda kadatayo iti agdama a makatulong kadatayo a makarikna nga as-asidegtayo ken ni Jesucristo? Kas paset daytoy a saritaan, mabalinyo a buyaen a sangkamaysa ti.video “Temples” (Gospel Library). Mabalinyo pay a kansionen ti maysa a kanta kas iti “Holy Places” (Gospel Library). Ibinglayyo iti tunggal maysa no kasano ti riknayo maipapan kadagiti sagrado a lugar kas iti templo.

5:41

• Dagiti panagisakripisio iti ayup a nailadawan iti Daan a Tulag ket nairanta a mangisuro kadagiti annak ti Israel maipapan iti pammakawan babaen ken ni Jesucristo. Ibilangmo no kasano a ti panagbasa maipapan kadagitoy a sakripisio ket makaaramid met iti kasta para kadagiti annakmo. Mabalinmo nga ipakita dagiti ladawan ni Jesucristo iti Getsemani ken iti krus (kitaen iti Libro ti Arte ti Ebanghelio, dagiti num. 56, 57) bayat ti panagbasam a kaduam dagiti ubbing Levitico 1:1–4. Tulongan ida a mangsapul kadagiti balikas wenno ragup ti balikas a mangipalagio kadakuada iti sakripisio ni Jesucristo.

• Mabalinyo nga aggigiddan a basaen ti 3 Nephi 9:19–20 tapno ammuen no ania ti maibilin nga isakripisiotayo imbes a dagiti ayup. Ania ti kayat a sawen ti mangidaton ti nasneban a puso ken napnuan babawi nga espiritu iti Apo? Kitaen iti Pangiwanwan iti Nasantuan a Kasuratan, “Nasneban a Puso” (Gospel Library) para iti tulong iti panangsungbat iti daytoy a saludsod.