Napakumbaba a Puso Kitaen met ti Agbabawi, Panagbabawi; Napakumbaba, Kinapakumbaba; Puso; Sakripisio Ti maaddaan iti napakumbaba a puso kaipapananna ti napakumbaba, sibababawi, agbabbabawi, ken naemma—kayatna a sawen, natallugod iti pagayatan ti Dios. Agnaedak kenkuana nga addaan iti sibababawi ken napakumbaba nga espiritu, Isa. 57:15. Indaton ni Cristo ti bagina kadagiti amin nga addaan iti nasneban a puso ken napnuan babawi nga espiritu, 2 Ne. 2:7. Idaton a daton iti Apo ti nasneban a puso ken napnuan babawi nga espiritu, 3 Ne. 9:20 (DkK 59:8). Dagiti la addaan iti nasneban a puso ken napnuan babawi nga espiritu ti maawat a mabuniagan, Moro. 6:2. Nailansa ni Jesus iti krus para iti pannakaugas dagiti basol iti napnuan babawi a puso, DkK 21:9. Maawat dagiti sibababawi ti espirituna, DkK 52:15. Naikari ti Nasantuan nga Espiritu kadagiti sibababawi, DkK 55:3. Naibaon ti espirituk a mangliwliwa kadagiti napakumbaba ken napnuan babawi, DkK 136:33.