Sou-Apung 2–4; 6–8; 13–16

Ewe puken Sou-Apung a tongeni epwe eu kapasen fon me eu pesepes. Kutta ei kapasen fon me pesepes nupwen ka anneani Sou-Apung 2:1–19; 3:5–12. Ifa usun ka mefi pwe ewe kapasen fon me ewe pesepes ra wewe ngonuk?

Ren awewe, ika Sou-Apung 2:19 ir usun porousom me om kewe sossot nge esap usun ekkewe Chon Israel nom, met ita epwe apasa? Ika Sou-Apung 3: 9 ir usun porosen met ewe Samon a fen fori angasok, met ita epwe apasa?

Ekieki om kopwe anneani ewe kapaseis me ponuwan we won peich 9 ren Ren ewe Pochokunen Sarafo: Ew Emwen ren Omw Kopwe fini Mochenum. Ifa usun ka mefi ei a wewe ngeni met a fis ngeni ekkewe Chon Israel m enon ewe puken Sou-Apung? Met ei a aiti ngonuk ussun Jises Kraist?

Fan ekkoch ewe nuku an emon aramas a tongeni pesei nuku non chommong ekkoch. Non Sou-Apung, ena emon aramas i Deborah. Anneani usun neminewe non Sou-Apung 4:1–15, me etenekiochu usun an pochokun won ekkewe aramas arun. Ikkei ekkoch kapaseis repwe anisuk ne ekieki ifa usun met a fis ngeni epwe wewe ngeni manauom:

• Ifa usun om kopwe awewei ewe nikinik ekkewe Chon Israel ra nom non na fansoun? (Nengeni uwokisin 1–3). Met mi nonno fengen ka kuna non nonnomun ikenai—non emon me emon me nein aramas?

• Met kapas ika foffor an Deborah a pwar ngonuk pwe a wor an nuku non ewe Samon? Ifa usun an nuku a apochokuna ekkoch? Pwan met a eingok usun neminewe?

• Met ka ekieki Deborah a kapas usun ren an kapaseis non uwokisin 14: “Met ewe Samon ese feinno mwom?” Ifa usun ewe Samon “a feinno mwom?” (nengeni Doctrine and Covenants 84:87–88).

Ekipwichi ifa usun om nuku non Jises Kraist a tongeni efeiochu ekkoch usun an Deborah nuku a efeiochu Barak me ekkewe ekkoch Chon Israel. An epwe anisuk ne ekieki usun ei, ka tongeni kaeo an Elter Neil L. Anderson porous “Sia Kapas usun Kraist” (Liahona, Nov. 2020, 88–91). Kutta ewe porous ren (1) ekkewe popun ar repwe wesen kapas wenewen usun ewe Chon Amanau me (2) aanen om kopwe fori.

Mwirin ka tongeni fori tettenin mettoch en mi sinei usun Jises Kraist—seni ekkewe pukefel, seni kapas an soufos mi manau, me seni pwisin met a fis ngonuk. Ion mi namot ngeni an epwe sinei ei? Ifa usun kopwe aporousa?

Nengeni pwan Matthew 5:14–16; 1 Peter 3:15; “Each Life That Touches Ours for Good,” Kon mi fen, no. 293.

Nupwen ka anneani Judges 6–8, attonaochu ekkewe fansoun ikewe ewe Samon a eisini Gideon epwe nuku och mettoch ita ese kon weweoch. A fen eisinuk och mettoch mi nonno ngeni?

Met ka mefi ewe Samon a sotuni ne aituk ren ei uruo? Ka fen pin kuna ewe Samon an fori An angang non napanap ese kon weweoch.

Samson a turuseni me ru an pochokunen inis me ngun pokiten a atai an pwon mi pin ngeni Kot, mi pachenong ekkewe mi wewe ngeni akkeaewin ekkewe chon Nazar (ren porousen ekkewe chon Nazar, nengeni Numbers 6:1–6; Sou-Apung 13:7). Nupwen ka anneani usun Samson non Judges 13–16, apareni kewe uwokisin mi pwarano pwe ewe Samon a nom ren Samson, usun pwan ren kewe uwokisin mi pwarano pwe Samson ese kon nukuchar ngeni ewe Samon.

Ka pwan tongeni ekipwichi ekkewe pwon mi pin ka fen fori ren ewe Samon. Ifa usun ekkei pwon mi pin ra wato An manaman non manauom? Met ka kaeo seni met a fis ngeni Samson minne mi ourourok om kopwe nikitu ngeni om pwon mi pin ren Kot?

Sister Ann M. Dibb a aiti kich: “Samson a uputiw ren watten tufich. Inan we a angei pwon, ‘Epwe ne angasano Israel seni ekkewe chon Philistia’ [Judges 13:5]. Nge nupwen Samson a marita, a kon nenngeni sossotun fonufan nap seni an Kot emwen. A finata mettoch pokiten ra apwapwai ochu i [Sou-Apung 14:3] nap seni pokiten ekkena mettoch a fin ra pung. Fan chommong, ekkewe pukefel ra nounou ewe kapas ‘iwe a feitiw’ [Sou-Apung 14:7] nupwen ra kapas usun an Samson sai, foffor, me finata. Me nukun an pwarano me sarameno ne apwonueta an watten tufich, Samson a kuf ren ewe fonufan, turuseni an we manaman me ren Kot, me mano non riaffoun feiengaw, a makai” (“Arise and Shine Forth,” Liahona, May 2012, 118).

Nengeni pwan Dallin H. Oaks, “Covenants and Responsibilities,” Liahona, May 2024, 93–96; Ulisses Soares, “Covenant Confidence through Jesus Christ,” Liahona, May 2024, 17–21.

• Sou-Apung 3 a awewei eu tetten mi aiti kich usun an ewe Chon Amanau manaman an epwe angasa kich seni tipis. Kopwe anisi noum kewe semirit ar repwe esinna ei tetten, ka tongeni makketiw ekkei kapas “fori ngau,” sio ngeni ewe Samon,” me “seikata emon chon angasno.” Mwirin noum kewe semirit ra tongeni kutta ekkei kapas non Sou-Apung 3:7–9 and Sou-Apung 3:12–15. Met sia kaeo usun ewe Samon seni ei tetten?

• Ne apochokuna pwe Jises Kraist i ach Chon Angasano, ka tongeni ionfengeni ekkoch sasingin aramas, mi pachenong sasingin Jises, me achaparetiw. Mut ngeni noum kewe semirit repwe ekkesiwin ne sukata ekkewe sasing. Nupwen ra kuna sasingin Jises ewe, konu echo kon usun I, usun ren “He Sent His Son” (Noun Semirit Puken Kon, 34–35), me ureni noum kewe semirit ifa usun I a angasaok.

• Ka tongeni aea “Deborah ewe Fefin soufos” non Porousen Testamen Noom, 92-95, kopwe ureni noum kewe semirit ewe porous non Sou-Apung 4. Aporousa fengeni met ka sani usun Deborah. Ifa usun an nuku non ewe Samon a afeiochu ekkewe aramas unukun? Met sia tongeni fori ne anisi ekkoch epwe kon wor ar nuku non Jises Kraist?

  

  2:9

• Aea Sou-Apung 7:4–7, minen urumotun non ei wik, ika “Ewe Mwichen Sounfiu an Gideon” non Porousen Testamen Noom, 96–99, ne aiti noum kewe semirit ifa usun ewe Samon a fori an Israel mwichen sounfiu epwe kukkun. Pwata ewe Samon a mochen an Gideon we mwichen sounfiu epwe kukkun? (nengeni Sou-Apung 7:2).

  

  2:37

• Noum kewe semiriti ra tongeni chungani sasingin efoch ketinas, eppet, rappwa, nam, me pichor me kapas usun menni nein ekkei mettoch ra mochen non eu maun. Mwirin ra tongeni anneani Sou-Apung 7:16 om kopwe kaeo met ewe Samon a ureni noun Gideon we mwichen sounfiu repwe nounou. Nupwen ka anneani usun ewe maun non Sou-Apung 7:19–21, aporousa fengeni met ka kaeo usun ewe Samon seni ei porous.

• An Samson pwon mi pin ren ewe Samon a ngeni i pochokunen inis, usun chok ach pwon mi pin a ngeni kich pochokunen ngun. Noum kewe semirit ra tongeni sani ar repwe fori ekkoch mwokutukutun urumot me porous fengen ren ifa usun ekkena mwokutukut ra tongeni anisi inisich repwe pochokun. Ifa usun apwonueta pwon mi pin a fori ngunuch repwe pochokun? (nengeni Mosaia 18:8–10; Doctrine and Covenants 20:77, 79).