Deuteronomy 6–8; 15; 18; 29–30; 34

Ewe annukun Moses mi pachenong chommong ceremony me mwokutukkutun namanam. Me kopwe kuna non an Moses ourour non Deuteronomy, ewe Samon a pwan aureki usun nonnomun non netipen noun kewe aramas—nonnomun non netiper non pekin ngun.

Non ekkewe mak fan, kutta ewe kapas netip, me ekipwichi met a esisinata. Meni kopwe ekieki usun ekkei kapas usun eu sokkun pekin chek non pekin ngun won netipom. Met sokkun mettoch mi uruk kopwe ngonuk pwisin? Met safean kopwe pesei ne ochueno pochokunen ngunun netipom? Makketiw om memmef:

• Deuteronomy 6:4–7:

• Deuteronomy 8:2–5:

• Deuteronomy 8:11–17:

• Deuteronomy 29:18–20:

• Deuteronomy 30:6–10:

• Deuteronomy 30:14–20:

Eu anen ach sipwe asinna om kewe ekiek epwe tongeni ren chungani efou ngasangas me makkei non mettoch ewe Samon a apasa kopwe anommu non netipom. Mwirin ka tongeni makkei nukun kewe mettoch kopwe annomu nukun netipom.

Ifa usun ka pwari pwe ka tongei Kot ren unusen netipom? Ren ekkoch ekiek, nengeni “Love God, love your neighbor” non Ren ewe Pochokunen Serafo: Eu Emwen ren om Kopwe Fini Mochenum, 10–12.

Nengeni pwan M. Russell Ballard, “Ke Tongei Ei Nap Seni Ekkei?,” Liahona, Nov. 2021, 51–53.

Napengeni ekkewe chon Israel kewe repwe tonong non ewe fonuen pwon rese mwo fen kuna ekkewe semwen non Egypt ika feinno epek ewe Setipar. Moses a sinei pwe ir—me tappin aramas non fansoun mwan—repwe mochen chechemeni an Kot manaman me an Kot annuk ar repwe chok noun Kot aramas.

Met ourour ka kuna non Deuteronomy 6:4–12, 20–25 mi tongeni anisuk ne chechemeni ekkewe mettoch mi nap Kot a fen fori fan itom? Met a pesepes ngonuk kopwe fori pwe ewe kapasen ewe Samon epwe “nonnom non netipom” iteitan? (Uwokisinuwokisin 6).

Ka pwan tongeni kaeo an Brother Jan E. Newman porous “Preserving the Voice of the Covenant People in the Rising Generation” (Liahona, Nov. 2023, 36–38) me ekieki ifa usun kopwe passini om nuku non Kraist ngeni aramas non fansoun mwach.

Nengeni pwan Deuteronomy 11:18–21; Dale G. Renlund, “Ekieki usun ewe Kirekiroch me Ningen Kot,” Liahona, May 2020, 41–44; Bible Dictionary, “Frontlets or phylacteries.”

Sise mwo tori ewe ran “nupwen esap chiwen wor mi woungaw neimi” (Deuteronomy 15:4), iwe ekkewe nongonong usun anisi ekkewe mi woungaw non Deuteronomy 15 ir mi chiwen chok auchea, ika mwo ena mwokutukut a siwin. Apareni met uwokisin 1–15 a aiti kich usun pwata sia anisi aramas mi woungaw me epwe ifa usun napanapach.

Met wewe kopwe “sukano poum” ngeni aramas mi woungaw? (uwokisin 8,11). Met ka kaeo seni an ewe Samon nenien appiru usun ach anisi aramas mi woungaw? (Nengeni uwokisin 15).

Nengeni pwan “Have I Done Any Good?,” Kon mi fen, no. 223.

Peter, Nifai, Moronai, me ewe Chon Amanau Pwisin meinisin ra kapas usun ewe osini non Deuteronomy 18:15–19 (nengeni Acts 3:20–23; 1 Nifai 22:20–21; Joseph Smith—History 1:40; 3 Nifai 20:23). Met ka kaeo usun ewe Chon Amanau seni ekkei uwokisin? Ekieki usun met ka fen anneani usun Moses non ekkewe wiik. Ifa usun an Moses “usun” Jises Kraist?

Meni epwe ameseik ne anonno fengeni an Moses kapas non Deuteronomy 29:9; 30:15–20 ngeni ekkoch an Liai kewe omuchunon osukun ngeni an famini non 2 Nifai 2:26–29; 4:4. Ifa usun Liai a sopweno met Moses a afanafana? Met ka kuna non ekkei porous mi pesek om kopwe “fini manau”? (Deuteronomy 30:19).

• Om kopwe anisi noum kewe semirit repwe weweiti Deuteronomy 6:5, ka tongen chungani efou ngasangas, eu napanapen emon aramas, me efoch pau mi pochokun. Noum kewe semirit ra tongeni itini ekkewe sasing nupwen ka anneani ekkewe kapas “netip,” “ngun,” me “pochokun” non ewe uwokisin. Ifa usun sia pwar ngeni ewe Samon pwe sia tongei I ren unusen netipach, ngunuch, me ach pochokun?

• Anneani fiti noum kewe semirit an ewe Samon kewe ourour ngeni ekkewe chon Israel ne annomu kapasen pukefel ikewe repwe kuner iteiten ran (nengeni Deuteronomy 6:6–9). Meni ei epwe pesek me noum kewe semirit ne ekieki usun ekkoch an ne tumunochu pwe kosap “monnuki ewe Samon” (uwoksin 12) me chechemeni met I a fen fori fan itom.

• Ka tongeni affata pwe Deuteronomy 6:13, 16 me 8:3 ra anisi ewe Chon Amanau atun eu auchean fansoun non Manauan. Om kopwe kuna ifa usun, annea fengen Matthew 4:1–10. Mwirin oua tongeni aporousa fengeni ekkoch porousen non pukefel kewe ra fen anisuk non fansoun a namot ngonuk.

• Nupwen oua anneani Deuteronomy 18:18 fengen, anisi noum kewe semirit repwe weweiti pwe ewe Soufos usun Moses non ei uwokisin i Jises Kraist. Meni ka tongeni nengeni sasingin mettoch Moses a fori me mettoch Jises Kraist a fori, me mut ngeni noum kewe semirit repwe apponuwer (nengeni Gospel Art Book, nos. 15, 16, 38, 39). Met nouch we soufos ikenai a aiti kich usun ewe Chon Amanau?

• Kapas usun Deuteronomy 29:12–13 a awora eu tufich fan itom me noum kewe semirit ne kapas usun pwon mi pin repwe fori ika ra fen fori ren Samach non Nang. Met wewen ach sipwe noun Kot aramas? Ifa usun ach kewe pwon ra fori kich pwe sipwe noun Kot aramas? (nengeni verse 13; nengeni pwan Mosaia 18:8–10).

• Ika noum kewe semirit ra mochen aninis ar repwe weweiti met eu pwon mi pin, apasa pwe ra kuna wewen me non “Covenant” non ewe Emwen ngeni ekkewe Pukefel (Gospel Library). Met pwon Kot me ekkewe chon Israel ra for fengeni nefiner Deuteronomy 30:8–10? Met pwon sia fen fori ren Kot? (nengeni Doctrine and Covenants 20:37, 77). Ifa usun ekkei pwon ra ochufengeni kich ngeni I? Ekieki oupwe konu fengeni echo kon usun pwon mi pin, usun ren “Standing on the Promises” (Gospel Library).