Joshua 1–8; 23–24

Ekieki ita epwe ifa usun me ren Joshua an epwe kokko ne siwini Moses. Apareni met ewe Samon a apasa non Joshua 1:1–9 an epwe pesei i. Ekieki usun ekkewe weiresin sossot kopwe mesengeni; met non ekkei uwokisin ra ngonuk epinukunukoch?

Ewe it Joshua (Yehoshua ika Yeshua non Hebrew) wewen “Jehovah a amanawa.” Me ewe it Jesus a feito seni Yeshua. Iwe nupwen ka anneani usun Joshua, ekieki wisan non an emweni ekkewe semiriten Israel ngeni epek ewe Chonupupu Jordan ngeni non ewe fonuen pwon. Ifa usun an misin a nonno ngeni met Kraist a fori fan itach?

Nupwen a pesei Joshua, ewe Samon a awora ourour non Joshua 1:8 usun ekkewe pukefel, are “ewe kapasen ewe annuk.” Ekieki wisan Joshua we mi chou, epwe pwata ei ourour epwe wesewesen aninisoch?

Nupwen ewe Samon a tingorei kich sipwe anneani ekkewe pukefel, I a kan soun nounou kapas mi nap seni ach chok annea. I a pwan pwonei watten feioch. Ewe etetten fan mi tongeni anisuk ne kuna ekkei tingor me pwonen feioch:

Ifa usun ewe Samon a fen apwonueta ekkei pwon non manauom? Menin iei epwe eu fansoun mi och ne cheki orenien om kaeo pukefel. Met a fetanoch? Me ka mefi mi pesepes pwe kopwe fori an epwe kon wor om murino fanousn ren ewe kapasen Kot?

Nengeni pwan “As I Search the Holy Scriptures,” Kon mi fen, no. 277.

Chon nuku Kraist non Testamen Noom ra kuna Rahab usun emon minen appiru ewe manamanen nuku me angang (nengeni Hebrew 11:31; James 2:25). Nupwen ka anneani Joshua 2, ekieki ewe wisen an Rahab nuku me angang an amanaua pwisin i, an famini, me noun chon Israel kewe spai. Met ei a aituk ren ifa usun om nuku non Kraist me om angang ra tongeni pesek me ekkoch?

Ewe Samon a angang amwarar nein Noun aramas nupwen A emwenirenong non ewe fonuen pwon, me I a tongeni pwan fori ena chok ngonuk. Ikkei ekkoch kapaseis repwe emweni om kaeo Joshua 3–4:

• Pwata ka ekieki a namot ngeni ekkewe chon Israel ar repwe epinano inisir me mwen repwe feinno epekin ewe Chonupupu Jordan (nengeni Joshua 3:5).

• Apareni pwe ewe chonupupu a chok keimufesen mwirin “pechen ekkewe prist kewe … ipwenong non nepekin ewe konik” (Joshua 3:13, 15). Pwata ena a auchea?

• Pwan ekkoch auchean mettoch ra fis ren ewe Chonupupu Jordan—nengeni 2 Kings 2:6–15; 5:1–14; me Mark 1:9–11. Met wewefengen ka kuna nefinen ekkei mettoch a fis?

• Ifa usun ewe Samon a fen fori “amwarar” non manauom? (Joshua 3:5). Ifa usun ka tongeni mefi—ika esinna—ekkena amwarar fan chommong? (ren awewe, nengeni Joshua 3:17).

Joshua 6–8 a kapas usun manau won ekkewe fonuen Jericho me Ai. Nupwen ka anneani ekkei sopwun, ekieki ifa usun ka fiu ngeni sossot (ren awewe, nengeni 7:10–13). Met ka kaeo ren ifa usun Kot a tongeni anisuk me met a namot ngonuk ne fori om kopwe angei an manaman? Ren wewe, me a amwasangok usun an ewe Samon kewe ourour ne angei Jericho? (nengeni Joshua 6:1–5). Meni ewe uruo non Joshua 7 epwe pesek ne finata ika “mi wor eu anumamauen mettoch” non manauom mi namot kopwe aturano (Joshua 7:13).

An Joshua omuchunon osukun ngeni ekkewe chon Israel non Joshua 23–24 mi pachenong fon mi auchea, ourour, me pwonen feioch. Menin ka tongeni makketiw eu tettenin met ka kuna. Ekieki mettoch meinisin ekkewe chon Israel ra fen engino ngeni, pwata ka ekieki Joshua a fini ne urenir ekkei mettoch nesoponon manauan we? Met ka kuna mei pesek om kopwe “nikitu ngeni ewe Samon”? (Joshua 23:8).

Nengeni pwan Dale G. Renlund, “Choose You This Day,” Liahona, Nov. 2018, 104–6.

• Iei eu aan epwe anisi noum kewe semirit “repwe tipe­pochokun o epinukunukoch” (Joshua 1:6) me ren Jises Kraist. Tingorer repwe kutta eu kapas mi enniwin non Joshua 1:6, 9, me 18, me makketiw ika chechemeni. Anisi noum kewe semirit repwe ekieki usun ekkoch nikinik ikewe epwe namot ngenir ei porous, usun chok a namot ngeni Joshua. Ka pwan tongeni attona fengeni sefan ekkoch ekkewe porous non Joshua 1–4; 6 (nengeni pwan “Joshua the Prophet” me “Rahab me ekkewe Spai” non Porousen Testamenin Noom, 85–91). Ifa usun ekkewe aramas non ekkei porous ra pwarano epinukunukoch me pochokun non ewe Samon?

  

  2:59

  

  1:39

• Anneani Joshua 1:8 a tongeni pesei noum kewe semirit repwe anneani ekkewe pukefel won winikaper. Anisir ne kutta ekkewe kapas non ei uwokisin minne mi aitir ifa usun me pwata sipwe anneani ekkewe pukefel. Ra tongeni kutta ena chok pwan mettoch non 1 Nifai 15:23–24; 2 Nifai 31:20; 32:3; Jacob 4:6; Ilaman 3:29–30. Ka pwan tongeni anisir repwe fori me apwonueta eu kokkot ne anneani ekkewe pukefel.

• Ka tongeni aea ewe porousen ekkewe chon Israel ra feinno epek ewe Chonupupu Jordan usun eu esisinen papatais—fangeta manauach me nom non ewe fonupon me poputani eu minafo non eu pwonen nefin mi pin ren Kot. Iwe nupwen oua annea fengen Joshua 3–4 (ika “Joshua the Prophet” non Porousen Testamen Noom, 85–89), ka tongeni pwan nennengeni echo sasingin an Jises a papatais me awewei pwe Jises a pwan papatais non ewe chok chonupupu ekkewe chon Israel ra feinno epek. Ka tongeni konu echo kon usun ren “Papatais” (Noun Semirit Puken Kon, 100–101). Aporousa fengeni ifa usun ami papatais a usun poputani eu minafon manau non muun Jises Kraist.

  

  2:59

• Met ka tongeni fori ne anisi noum semirit repwe kaeo ar repwe fini ne tapweno mwirin Jises Kraist, usun Joshua a tingorei ekkewe chon Israel repwe fori? Ka tongeni tingorer repwe:

  • Chechemeni eu mwochomwochen kapas seni Joshua 24:15. Achocho ne fori epwe apwapwa ngeni noum kewe semirit. Ekkewe ukukun foun kapas repwe chechemeni epwe anongonong wor ierir.

  • Kutta porous usun aramas kewe ra finata ar repwe angang ngeni Jises Kraist. Ra tongeni nengeni non ewe Friend magazine, ewe Gospel Art Book, ika Porousen Testamen Noom me ekkoch puken tutunapen pukefel.

  • Pwomeni sipain nikinik non minne ra tongeni finata ne tapweno mwirin me angang ngeni ewe Chon Amanau.