Numbers 11–14; 20–24; 27

Non Numbers 11:11–17, 24–29, apareni ewe osukosuk Moses a mesengeni me ewe atawen Kot a awora. Met ka ekieki Moses a fosun nupwen a apasa i a anean “pwe meinisin noun ewe Samon aramas ir soufos”? (Uwokisinuwokisin 29). Nupwen ka ekipwichi ei kapaseis, kutta ekkoch tufichin ponuwan me non an Russell M. Nelson porous “Pwarata fan iten ewe Mwichefen, Pwarata fan iten Manauach” (Liahona, May 2018, 93– 96).

Ach apasa pwe kich meinisin sia tongeni angei pwarata, nge, esap wewen kich meinisin sia tongein emweni noun Kot aramas usun Moses a fori. Ewe mettoch a fis non Numbers 12 a fori ei epwe fatoch. Met kapasen fon ka kuna me non ei sopwun? Met ka mefi ewe Samon a mochen kopwe weweiti usun an emon pwisin pwarata me tapweno mwirin Noun soufos?

Nengeni pwan 1 Nifai 10:17; Doctrine and Covenants 28:1–7; Dallin H. Oaks, “Two Lines of Communication,” Liahona, Nov. 2010, 83–86.

Ekkoch aramas ra mairu ne kaeo pwe Moses, ewe souemwen napanap ewe a uta me mwen Pharaoh me fori amwararen manaman ren an ewe Samon manaman, a pwan “fokkun netipetekison” (Numbers 12:3). Met wewen an emon epwe netipetekison? Ekieki ne kaeo an Elter David A. Bednar awewe non “Mosonoson me Tipetekison non Netip” (Liahona, May 2018, 30–33) ika “Meek, Meekness” non Emwen ngeni ekkkewe Pukefel (Gospel Library).

Met ka kaeo seni an Moses minen appiru usun tipetekison non Exodus 18:13–25; Numbers 11:26–29; Numbers 12; Hebrews 11:24–27; and Moses 1:10–11? Ka pwan tongeni ekipwichi ifa usun ewe Chon Amanau a pwarano tipetekison (nengeni Matthew 11:29; 27:11–14; Luke 22:41–42; John 13:4–5) Met ekkei minen awewe ra aituk?

Nupwen ka anneani Numbers 13–14, achocho ne wanong pwisin inisu non nenien ekkoch chon Israel. Pwata ka ekieki pwe ra mochen “niwin ngeni Egypt? (Numbers 14:3). Ifa usun kopwe anapanapa ewe pwan “ngun” a nom ren Caleb? (Numbers 14:24). Met a eingok usun ewe nuku an Caleb me Joshua, me ifa usun ka tongeni aea ar minen appiru ngeni fansoun ka mesengeni?

Soufosun Puken Mormon ra sinei ewe porous a pwan non Numbers 21:4–9 me weweiti auchean non pekin ngun. Anneani ar afanafan usun ei porous non 1 Nifai 17:40–41; Alma 33:18–22; and Ilaman 8:13–15. Ikkei ekkoch kapaseis oupwe ekipwichi nupwen ka fori:

• Met ewe serepenit piras a wewengeni?

• Met ekkewe kuen serepenit ra tongeni wewengeni?

• Ekkewe chon Israel repwe “nengeni ewe serepenit sen piras” (Numbers 21:9) ar repwe chikar. Pwata ka ekieki pwe ekkoch aramas rese mochen nennengeni? Mi wor mettoch mi nonno ngeni a fis ngonuk?

• Met ka mefi pwe kopwe fori om kopwe kon unusen “nennengeni ewe Noun Kot ren nuku” me kopwe chikar? (Ilaman 8:15).

Anneani ekkei porousen pukefel meni repwe achema ngonuk usun ekkoch fansoun non ekkewe pukefel nupwen mi namot ngeni aramas repwe anonga ar ekiek won Kraist. Awewe ren, anonno fengeni ewe porousen Numbers 21:4–9 ngeni Matthew 14:25–31 me 1 Nifai 8:24–28 (nengeni pwan ekkewe sasing nesoponon kokkotun ei wik mi makketiw. Met a kan soun weitikicheno seni Kraist? Ifa usun A afeiochu aramas kewe ir mi anonga ar ekiek won I?

Nengeni pwan “Jesus, the Very Thought of Thee” (Kon mi fen, no. 141).

Nupwen Balak, ewe kingen Moab, a sinei pwe ekkewe chon Israel ra feito, a kokkori Balaam, emon mwan mi sinneno ren an awora feioch me anumamaw. Balak a mochen i epwe anumamawa ekkewe chon Israel. Apareni ifa usun Balak a achocho ne echimwa Balaam (nengeni Numbers 22:5–7, 15–17), me ekieki usun sossot kopwe mesengeni ne ungeni mochenin Kot. Met a eingok usun an Balaam ponuweni non Numbers 22:18, 38; 23:8, 12, 26; 24:13? Netipengawan, nesoponon Balaam a fang ngeni echimw me afangemai Israel (nengeni Numbers 31:16; Jude 1:11). Ekipwichi ifa usun ka tongeni nikitu ngeni ewe Samon inamo ewe echimw seni ekkoch.

• Eisini noum kewe semirit ika ir mi chemeni ekkoch ekkewe manaman ewe Samon a fori ne anisi ekkewe chon Israel (nengeni “The Plagues of Egypt” me “The Passover” non Porousen Testamen Noom, 67–74). Mwirin ka tongeni mennapei ngenir Numbers 11:4–10, a apochokuna pwe ekkewe chon Israel ra monnuki ar kewe feioch me ra ngunungun. Met kewe feioch fan ekkoch sia monnuki?

• Nupwen ka kon ika ausening ngeni eu kon usun kinisou, usun ren “Count Your Blessings” (Kon mi fen, no. 241), noum kewe semirit ra tongeni chungani ekkoch sasingin feioch ewe Samon a fen ngenir.

• Ne porousei Numbers 12, ka tongeni ureni noum kewe semirit pwe we Samon ese pwapwa ren Aaron me Miriam, pwin me fefinan Moses kewe. Tingorer repwe anneani Numbers 12:1–8 ar repwe kuna pwata. Ekieki om kopwe aea Gospel Art Book ne anIisi noum kewe semirit repwe kutta minen awewe usun aramas non ewe pukefel kewe ra asamonu noun ewe Samon kewe soufos me ra feioch. Ifa usun sia feioch nupwen sia tapweno mwirin noun ewe Samon soufos?

• Ka tongeni aea “Moses me ewe Serepenit Piras” non Porousen Testamen Noom, 83–84, ne anisi noum kewe semirit repwe kaeo met a fis non Numbers 21:6–9. Ifa usun ewe serepenit piras a usun Jises Kraist? (nengeni John 3:14–15). Noum kewe semirit ra tongeni pwapwaiti ne fori emon serepenit seni chen toropwe me makkei won ekkoch mecheresin mettoch ra tongeni fori ne “nennengeni ewe Noun Kot ren nuku” (Ilaman 8:15).

  

  1:2

• Semirit mi watte ra tongeni fini eu me nein ekkewe uwokisin fan me aporousa met a apacha ngeni ar weweiti usun ewe porous: 1 Nifai 17:41; Alma 33:18–20; Ilaman 8:13–15; Doctrine and Covenants 6:36.

• Mennapei Numbers 22:1–18 fan iten noum kewe semirit, apochokuna ifa usun Balaam ese tipew ngeni an epwe anumamawa noun Kot kewe aramas, ina mwo ika Balak, ewe kingen Moab, a fang ngeni i sufon me pisekisek. Mwirin ka tongeni anisi noum kewe semirit repwe kutta non ekkewe uwokisin fan ekkoch kapas ir mi mefi pwa a pwarano pwe Balaam a mochen tapweno mwirin Kot: Numbers 22:18; 23:26; 24:13. Meni noum kewe semirit ra tongeni fini eu kapas ra sani me makkei won echo kaato an epwe anisir repwe chechemeni ne aneasochisi ewe Samon.