Exodus 35–40; Leviticus 1; 4; 16; 19

Exodus 35–40 a awewei an ekkewe chon Israel achocho ne aueta eu tabernacle, ikewe angangepin repwe anisir ne winiti eu aramas pin. Nupwen ka anneani ekkei sopwun, kutta ekkewe mettoch ewe Samon a tingorei Noun aramas repwe wanong non ewe tabernacle. Epwe met ikkei mettoch ra tupuni? Met ra apasa ngonuk usun napeno non pinino? Akkaewin ekieki ifa usun ekkei mettoch ra akunnu om ekiek ngeni ewe Chon Amanau. Eu etetten usun ei a tongeni anisuk:

Ewer, ren chok ach nom non neni pin ese fori kich sipwe pin. Leviticus 19 a awewei ekkewe anukunuk me annuk ewe Samon a ngeni an epwe anisi ekkewe chon Israel repwe napeno non pin. Met ka kuna non ekkei annuk minne mi tongeni anisuk kopwe kutta pinino seni ewe Samon? Met ka mefi pesepes om kopwe fori om kopwe kon unusen manaueni ekkei nongonong?

Nengeni pwan Henry B. Eyring, “Holiness and the Plan of Happiness,” Liahona, Nov. 2019, 100–103; “The Tabernacle” (video), Gospel Library.

7:19

Non ewe ier mwirin ar no seni Egypt, nefinen ekkewe semiriten Israel me Siowa a tongeni awewetiw usun ewe nukuchar. Iwe nge, nupwen ka anneani Exodus 35:4–35 me 36:1–7, apareni ifa usun ekkewe chon Israel ra ponuweni ngeni ewe annuk ar repwe aueta ewe tabernacle. Met ka kaeo seni ekkewe chon Israel minne mi tongeni anisuk ne angangoch ngeni ewe Samon?

Meni I esap eisinuk ren om kewe auchean macha, mwangaku, ika ira ren eu taberenacle. Met ewe Samon a fen ngonuk, me met I a tingorek kopwe fangeno? Inet “netipom a amwasangok pwe kopwe feito ngeni ewe angang”?

Nengeni pwan Itenap me Kapaseis, “Sacrifice,” Gospel Library.

Exodus 40:12–14 a kapas usun angangepinin nom ekkewe mi pwan kawor non ach fansoun non imwen ewe Samon. Ikkei pwan ekkoch uwokisin ir mi tongeni anisuk ne kaeo ifa usun ekkei angangepin ra pwarata usun Jises Kraist:

• Tutu: Psalm 51:2; Ezekiel 36:25–27

• Ufouf non garment mi pin: Isaiah 61:10; Matthew 22:11–14; Pwarata 19:7–8

• Epiti: Luke 4:18–19; Foffor 10:38

Napengeni ewe puken Leviticus usun epwe sokkono ngeni kich—asoren man, fenin namanam mi pachenong cha me konik, me annuk mi nemeni tichikin manau. Nge ekkei fenin namanam me annuk ra fis pwe repwe aiti kich nongonong mi sinneno ngeni kich—aier, pinino, me an ewe Chon Amanau Achasefan. Om kutta ekkei nongonong nupwen ka anneani Leviticus 1:1–9; 4; 16, ekieki kapaseis usun ekkei:

• Met foun kapas ika porous ua kuna minne mi achema ngeniei usun Jises Kraist me An asoren achasefan?

• Met ua kaeo seni ekkei asor usun an ewe Chon Amanau asor?

• Ifa usun ngang mi usun ekkewe aramas kewe ra fori ekkei asor?

Ewe Samon ese chiwen anamota ewe asoren man. Nge asor mi chiwen eu auchean nongonongen ewe kapas allim. Ne kaeo usun ekkewe sokkun asor ewe Samon a anamota, kaeo 3 Nifai 9:19–20; Doctrine and Covenants 64:34. Ifa usun ka fangeno ekkei sokkun asor? Met Moses 5:7 a aituk ren ifa usun kopwe nenengeni om asor?

Nengeni pwan “Thoughts to Keep in Mind: The Tabernacle and Sacrifice.”

• Nesoponon ei kokkot mi makketiw echo sasingin an ekkewe chon Israel tabernacle non fonu pon. Meni ka tongeni mochen nennengeni fiti noum kewe semirit me eisinir met pisek ita epwe namot ar repwe aueta ewe tabernacle. Mwirin ka tongeni annea fengeni Exodus 35:20–29 ne kutta ifa usun ekkei pisek ra kawor. Ifa usun ewe Samon a tingorei kich sipwe aninis ne awora ne aueta Muun we?

• Ekieki ne annea rer Exodus 36:1 ne kutta met ewe Samon a ngeni Bezaleel me Aholiab ne anisi kauutan ewe tabernacle. Mwirin ka tongeni porous fiti noum kewe semirit usun met ka mefi ewe Samon a fen ngenir ne anisi kauutan Muun we. Ifa usun sia tongeni aea ekkei mettoch ne efeiochu ekkoch?

• Exodus 40:17–34 a etettenatiw mettoch ir kinikinin an ekkewe chon Israel we tabernacle. Menin en me noum kewe semirit oua tongeni kuner me non ekkei uwokisin me non ewe sasingin ewe tabernacle nesoponon ei kokkot mi makketiw. Kapas ren ifa usun eu kinikinin ewe tabernacle a tongeni aiti kich usun ewe Chon Amanau ika Samach non Nang. Ren awewe, ewe pwoorun kapasen pwarata a tongeni achema kich usun an Kot kewe annuk, ewe antare a tongeni achema kich usun an Jises Kraist asor, me pwan ekkoch.

• Met neni mi pin mi wor rech ikenai mi anisi kich ne mefi ach sipwe arap ngeni Jises Kraist? Usun kinikinin ei aporous, ka tongeni katon fengen ewe fitio “Tempel” (Gospel Library). Ka pwan tongeni konu echo kon usun “Holy Places” (Gospel Library). Aporousa fengeni ifa usun oua mefi usun neni mi pin usun ewe tempel.

5:41

• Ewe asoren man mi awewetiw non ewe Testamen Noom ra fis ar repwe aiti ekkewe semiriten Israel usun omusomusen tipis me ren Jises Kraist. Ekieki ifa usun ach anneani usun ekkei asor ra tongeni fori usun chok ena ngeni noum kewe semirit. Ka tongeni pwari sasingin Jises Kraist non Gethsemane me won ewe irapenges (nengeni Gospel Art Book, nos. 56, 57) nupwen ka annea me noum kewe semirit Leviticus 1:1–4. Anisir ne kutta foun kapas ika porous minne mi achema ngenir usun ewe asor an Jises Kraist.

• Ka pwan tongeni annea fengeni 3 Nifai 9:19–20 ne kutta met sia annuk sipwe asorata me nukun man. Met wewen ach asorata eu netipengaw me netip niamam ngeni ewe Samon? Nengeni Emwen ngeni ekkewe Pukefel, “Broken Heart” (Gospel Library) ren aninis ne ponuweni ei kapaseis.