Ruth; 1 Samuel 1–7

Manau mi weires ren emon fefin mi mano punuwan non meinisin fansoun. Nge nupwen punuwen Ruth we a mano, nonnomun we a wesewesen weires. Non orenien Israel non ena fansoun, emon fefin ese wor punuwan ika noun at ese wor an pung won pisek me a fokkun chokukkun anen ar repwe awora monien ar repwe manau. Nupwen ka anneani porousen Ruth, apareni ifa usun ewe Samon a akunnu riaffoun feiengaw ngeni watten feioch. Met ka apareni usun Ruth minne ita epwe fen anisi? Ifa usun Boaz a angasa Ruth seni siongawen nonnomun? (Nengeni Ruth4:4–10). Ifa usun ir me ruemon Ruth me Boaz ra usun Jises Kraist?

Nengeni pwan “Be Still, My Soul,” Kon mi fen, no. 124.

Meni ka fen riaffouni eu watten riaffoun chon mano sonuk, usun Ruth me Naomi (nengeni Ruth 1:1–5). Ika menin, usun Hannah, ka aneanei ekkoch feioch kose mwo angei (see 1 Samuel 1:1–10). Ifa usun ekkei fefin ra pwarano ar nuku non Kot? Met ka kaeo seni ar minen appiru?

Ewer, esap meinisin mi iotek fan iten emon semirit epwe angei emon, me esap meinisin ion punuwer mi mano mi pupunu sefan. Nge meinisin mi kun ngeni ewe Chon Amanau mi angei An aninis me emwen. Ekieki ifa usun ka fen “poputani ne nuku” ewe Samon (Ruth 2:12) atun om fansoun weires.

Nengeni pwan Amy A Wright, “Engino ngeni ewe Ran non Kraist,” Liahona, Nov. 2023, 9–11.

Nupwen ekkewe chon koum ngenir ra mauner, ekkewe Chon Israel ra ekieki pwe ita ren chok ar repwe angei ewe pwoorun ewe pwon mi pin epwe tumunur. Nupwen ka anneani 1 Samuel 4–6, ekieki usun pwata ena ese fis. (Ekieki pwan ekkewe fofforun tupwon an Noun Eli kewe att, ekkewe ra angang usun prist non ewe tabernacle, non 1 Samuel 2:12–25.) Met ka ekieki pwe ewe Samon a sossot ne aiti Noun kewe aramas? Met ka kaeo seni met a fis ngeni ekkewe Chon Philistine mwirin ar angei ewe ark [pwoor]? (nengeni sopwun 5-6). Met ka kaeo seni an ekkewe Chon Israel achocho ar repwe angei sefani en ewe Samon tumun non 1 Samuel 7?

Meni kopwe mefi ourour ren om anneani an Hannah makken mwareiti non 1 Samuel 2:1–10. Met ka kuna non an kapas mi tongeni epwe fen ita anisi noun Eli kewe aat me unusen ekkewe Chon Israel?

Fan ekkoch, meni kopwe mefi usun Samuel, ewe a rong mongungun ewe Samon nge ese esinna. Usun kich meinisin, Samuel a kaeo ifa usun an epwe esinna mongungun ewe Samon. Nupwen ka anneani 1 Samuel 3, met ka kaeo seni ei kukkun aat usun ausening me aneasochisi mongungun ewe Samon Ka pwan tongeni kutta ekkei pwan uwokisin me makkei eu tettenin emwen mi tongeni anisi emon aramas an epwe esinna mongungun ewe Samon: 1 Kings 19:11–12; Luke 24:15–32; 3 Nifai 11:3–7; Doctrine and Covenants 6:22–23; 8:2–3; 9:7–9.

Pwan ekkoch fansoun, meni kopwe mefi pwe ekkewe nang ra opunguno me Kot ese mochen porous ngonuk. Preseten Russell M. Nelson a apasa, “Kot a ennetin mochen kapas ngonuk? Ewer! (“Pwarata fan iten ewe Mwichefen, Pwarata fan iten Manauach,” Liahona, May 2018, 93–96). Nupwen ka kaeo an Preseten Nelson we porous, met ka kuna a peseok om kopwe ausening me aneasochisi mongungun ewe Samon? Met Preseten Nelson a tingoreok kopwe fori, me met kewe feioch i a pwonei? Ka pwan tongeni kuna tingor me feioch mi pwon ngonuk usun pwarata non “Fetan non an Kot saram” (Ren ewe Pochokunen Serafo: Eu Emwen ren Pekin Finata, 16–20). Ekieki kopwe fini eu mettoch ka tongeni fori om kopwe “anapano om tufichin pekin ngun ne angei pwarata.”

• Nupwen ka aporousa ngeni noum semirit ewe porousen Ruth (ka tongeni aea “Ruth me Naomi” non Porousen Testamenin Nomw, 100–103), tingorer repwe eitieta pour iteiten ra rong eu fofforun kirekiroch me non ewe tutunap. Ra pwan tongeni aporousa ifa usun ra mefi nupwen ekkoch ra kirekiroch ngenir, ika nupwen ra kirekiroch ngenir. Ifa usun ewe Chon Amanau a fen kirekiroch ngeni kich? Ifa usun sia tongeni tapweno mwirin An nenien appiru? (nengeni “Kindness Begins with Me,” Noun Semirit Puken Kon, 145).

  

  2:0

• Ekkewe porosen Ruth me Hannah ra tongeni pesei noum kewe semirit ar repwe nikitu fansoun weires. Ekieki ne anisir repwe fori eu mecheresin chart ren ekkewe itenap Sossot, Foffor, Feioch. Mwirin oua tongeni annea fengeni Ruth 1:3–5, 8, 16; 2:1–3, 8–12; 4:13–17; 1 Samuel 1:1–18 me makkei fan ekkewe itenap met ra kuna non ekkei uwokisin. Ifa usun Ruth me Hannah ra pwari ar nuku non ewe Samon? En me noum kewe semirit oua tongeni aporousa ekkoch pekin awewen ifa usun ewe Samon a fen afeiochuk non fansoun weires.

• Ne kaeo usun Hannah, noum kewe semirit ra tongeni anneani 1 Samuel 1:1–18 ika “Hannah” non Porousen Testamen Noom (104–5) ika katon “Hannah’s Faith” (video, Gospel Library). Meni epwe apwapwa ne mwonei efou pwor ngein emon semirit me tingorer repwe aporusa och ewe porous me mwen ar repwe passini ewe pwor ngeni pwan emon. Met sia kaeo usun iotek seni an Hannah nenien appiru?

  

  1:15

  

  3:9

• Meni eu mecheresin sipai a tongeni anisi noum kewe semirit repwe kaeo seni an Samuel angei pwarata. Emon semirit a tongeni tipitipin pwe i Samuel, me pwan emon a tongeni tipitipin pwe i Eli nupwen oua anneani 1 Samuel 3:1–10 (nengeni pwan “Samuel the Prophet” non Porousen Testamen Noom, 106–9, ika ewe fitio “Samuel and Eli,” Gospel Library). Met sia kaeo seni Samuel ren ifa usun sipwe ausening ngeni mwongungun ewe Samon? Ifa usun sipwe pwarano pwe sia mochen ausening nupwen ewe Samon a kapas ngeni kich?

  

  2:10

  

  1:58

• Aisini noum kewe semirit ifa usun repwe awewei ngeni emon ifa usun ewe Samon a kapas ngenir. Ka tongeni anisir ne kutta ponuwan non Doctrine and Covenants 6:22–23; 8:2–3; 9:7–9.