1 Samuel 17–18; 24–26; 2 Samuel 5–7

Ewe porousen David eu me nein ekkewe porousen pukefel mi itefouno. Ennetin, sia chok anonga ach ekiek won David. Nge ei fansoun, nupwen ka kaeo 1 Samuel 17, ekipwichi pwan ekkewe kapas an ekkoch aramas non ei sopwun (nengeni ewe tetten fan). Met ka kaeo usur me ar popun? Met ka nuku usun David? Ifa usun i mi sokkono?

• Goliath: uwokisin 8–10, 43–44

• Goliath: uwokisin 44

• Saul: uwokisin 33

• David: uwokisn 26, 32, 26– 37, 37, 39–47

Porousom, inamo ese itefouno usun porousen David, ennetin mi wor watten weires usun ukukun Goliath om kopwe okkufu me ekkewe tufichun kopwe aea nuku non ewe Samon. Ifa usun an David nenien appiru a aituk ifa usun kopwe mesengeni ewe chon koum non porousom? Ka pwan tongeni anneani an Preseten Camille N. Johnson porous “Tingorei Kraist epwe Makkei Porousom” (Liahona, Nov. 2021, 80–82) ren eu me nein om kewe weires non ekiek. Kutta ponuwen kapaseis usun ekkei: Ifa usun ewe Samon a mochen ngang upwe nenengeni ai weires? IIfa usun I a fen anisiei me akkom? Ifa usun ua tongeni pwari pwe ua nuku non I an epwe makkei porousei?

Meni ka fen sinei pwe mi wor ekkeoch sopwun mi anetipengaw nesoponon porousen David (nengeni, ren awewe, 2 Samuel 11). Ika a wor reom ewe tufich om kopwe ngeni David ekkoch ourour mwirin an we maun ngeni Goliath, met kopwe apasa? Ifa usun ei ourour epwe wewe ngeni manauom?

Nengeni pwan “Ewe Samon Epwe Angasaei” (fitio), Gospel Library.

3:24

Kapacheta ngeni an emon pwisin weires, sia pwan mesengeni watten, fitikokon osukosuk mi ochungu ewe unusen fonufan. Nupwen pochokunen ngau ra “mwich fengen … repwe maun” ngeni pochokunen och (1 Samuel 17:1), sipwe oureki ifa usun ach achocho a tongeni oskano mettoch. Met ka kuna non porousen David we ewe a ngonuk epinukunuk?

Nengeni pwan “Sipwe Nikitu,” Kon mi fen, no. 10.

Nupwen ka anneani 1 Samuel 18, ekieki sokofesenin Saul me noun ewe Jonathan (ewe, ika esap ren David, sia tongeni ekieki pwe i epwe ewe king mwirin). Ifa usun an Saul me Jonathan ra ponuweni fetanochun David? Met ka tongeni kaeo seni ei mettoch mi fis?

Met ka kuna non napanapen me fofforun Jonathan ewe a achema ngonuk usun Jises Kraist?

Non 1 Samuel 24–26, kutta ekkewe nesen usun namanam tekia, omusomus, me ouku-pwisin inisum. Ka tongeni pwan ekieki ne anneani an Elter Mark A. Braggs porous “Echipwerun Napanapen Kraist” (Liahona, Nov. 2023, 60–63). Ifa usun David, Abigail, me ekkoch ra pwomeni—ika rese pwomweni—echipwerun napanapen Kraist me non ekkei sopwun? Met tufich mi wor reom om kopwe pwarano echipwerun napanapen Kraist?

An Sister Kristen Yee porous “Ningoch ren Fanangen Puun” (Liahona, Nov. 2022, 36–39) a tongnei anisuk ne kaeo 1 Samuel 25. Ifa usun Abigail a usun Jises Kraist?

Pwan mwo nupwen David a okkufu Goliath, an kewe osukosuk ren ekkewe Chon Philistine rese wesino. Nupwen ka anneani 2 Samuel 5:17–25, ekieki ifa usun an David nenien appiru a tongeni anisuk non ekkewe weires ka mesengeni (nengeni pwan 1 Samuel 23:2, 10–11; 30:8; 2 Samuel 2:1). Ifa usun ka feioch ren om foffor won ewe pwarata ka angei?

Nupwen David a apasa pwe epwe aueta eu imw wewen eu tempel, fan iten ewe Samon (nengeni 2 Samuel 7:1–3), ewe Samon a ponuweni pwe noun David we at epwe aueta (nengeni uwokisin 12–15; nengeni pwan 1 Chronicles 17:1–15). Ewe Samon a pwan apasa pwe I ren niwinin epwe aueta ngeni David eu “imw,” wewen eu mwirimwirin, me an nenien mottun king epwe nom feinfeino (nengeni 2 Samuel 7:11, 16, 25–29; Psalm 89:3–4, 35–37). Ei pwon a pwonuta non Jises Kraist, nouch King Esemuch, i ewe mwirimwirin David (nengeni Matthew 1:1; Luke 1:32–33; John 18:33–37).

• En mi tongeni aea “David me Goliath” non Porousen Testamen Noom, 112–16, an epwe anisi noum kewe semirit repwe sineochu met a fis non 1 Samuel 17:20–54. Mwirin ka tongeni mut ngenir repwe aporousa sefani ewe porous ar nounou ekkewe sasing ika chungan nain non ei kinikin. Eisinir met ra ekieki ewe Samon a mochen ir repwe kaeo seni ei porous.

  

  2:36

• En me noum kewe semirit oua pwan tongeni etettenatiw ekkoch ekkewe riaffou weires repwe tongeni mesengeni non fansoun manauer. Mwirin anisir ne kutta mettoch David a apasa minne repwe aninisoch ngeni ekkei weires (nengeni 1 Samuel 17:26, 32, 34–37, 45–47). Aporousa ifa usun Jises Kraist a anisuk fansoun ekkei weires.

• Noum kewe semirit ra tongeni maas usun ita ir David ra no fiu ngeni Goliath nupwen ra konu echo kon usun pwaracho, usun ren “I Will Be Valiant” (Noun Semirit Puken Kon, 162).

• Ifa usun ka tongeni anisi noum kewe semirit repwe kaeo seni an Jonathan me David chiechioch? Eu aan epwe om ngeni emon me emon semirit ruacho toropwen foun ngasangas, eu epwe tupuni David me ewe pwan eu epwe tupuni Jonathan. Iwe annea fengeni ekkoch kapas seni 1 Samuel 18:1–4 minne mi affatano ewe tong ekkei ruemon chiechi ra mefi fan iten emon me emon. Noum kewe semirit ra tongeni makkei ika chungani won nour kewe toropwe foun ngasangas ifa usun ra tongeni pwari tong ngeni emon chiener.

• Non ekkei sopwun, David a winiti ewe kingen Israel. Epwe tongeni apwapwa ren noum kewe semirit ar repwe tipitipin emon king ika kiwin. Met annuku repwe fori? Ian repwe no ia ren aninis? Anisi noum kewe semirit repwe kuna pwe nupwen a namot ngeni David aninis, i a “eisini,” ika iotek, ren ponuwan aninis. Ren awewe, nupwen ka anneani 2 Samuel 5:19, 23, etiwa ekkewe semirit repwe ausening ren ewe kapas “eisini” me repwe numi fengeni pour nupwen ra rong. Pwata a namot ngeni David an ewe Samon aninis non wisan we minafo?

• Ureni emon me emon usun ekkewe fansoun nupwen ka iotek fan iten an Samach non Nang aninis. Met sokofesen a fis nupwen I a anisuk?

• Meinisin ekkewe king sia anneani usur me non ewe Testamenin Nomw mi wor ar apwangapwang, me muur kewe meinisin ra muchuno. Nge Jises Kraist i emon king mi unusoch me epwe nemenem feinfeino. Ka tongeni anisi noum kewe semirit repwe kuna ei ren ar annea fengeni met ewe soufos Nathan a ureni King David non 2 Samuel 7:16–17. Ifa usun muun David we esap wor muchunon? Anisi noum kewe semirit repwe kuna me anneani uwokisin pukefel mi aiti kich pwe Jises Kraist, i emon mwirimwirin David, i ach King, usun ren Luke 1:32–33; John 18:33–37; me Pwarata 19:16. Ifa usun Jises mi sokkono seni kingen fonufan? Ifa usun sipwe sufonu Jises Kraist pwe i ach King Esemuch?