2 Samuel 11–12; 1 Kings 3; 6–9; 11

Fan ekkoch sia nengeni aramas kewe usun ir mi pochokun non ar nuku, me sia ekiekieta pwe rese chunguchung me ren sossot. An david feiengawen finata mi awewetiw non 2 Samuel 11 mi fatoch ne pwarano pwe esap iei usun. Ekieki met nesen ka tongeni kaeo seni met a fis ngeni. Kapaseis usun ekkei ra tongeni anisuk ne kaeo 2 Samuel 11–12:

• Met pekin finata David a fori minne a napeno ne emwenatiw non anen tipis? Met pekin finata mi tupwon ita epwe tongeni fori? (Nengeni pwan ewe fitio “To Look Upon,” Gospel Library.)

  

  4:15

  Nounou ekkewe fitio. Fitio ra tongeni anisuk ne kuna uruo seni ekkewe pukefel me ekieki ifa usun ra wewe ngonuk. Ekieki ifa usun ka tongeni nounou ir ne anapano osukun me kaeo. Ren awewe, nupwen om katon “To Look Upon” (Gospel Library), ekieki om kopwe akounoi ewe fitio non ekkoch kinikinin ne ekipwichi ika porous fengen usun ekkoch ekkewe kapaseis mi nom non ei pekin mwokutukut.

• Ifa usun ewe chon koum a achocho ne emwenuketiw won anen tipis? Met pekin finata ka tongeni fori om kopwe tumun non pekin ngun?

• Esinna mwokutukun David ngeni porousen Nathan we non 2 Samuel 12:1–6. Met mwokutukutun ei a affata usun an David pwisin nenengeni inisin? Met ewe Samon a fen fori ne anisuk om kopwe kon kuna ochuk pwisin?

• Ifa usun kopwe mennapei ekkewe mettoch mi fis non 2 Samuel 11–12 non eu-mwochen kapasen fon?

Aneani usun an David finata mi ngaw a tongeni emwenuk om kopwe kaeo usun ekkewe feiengawen sasing mi ngaw me tipisin nisou. Eu murinon pekin aninis ren ei ina ewe Ren ewe Pochokunen Serafo: Eu Emwen ren Pekin Finata, akkaewin ekkewe kinikin itenaper “Met kopwe fori non ewe fansoun” me “Inisum mi pin” (peich 21–28). Meni ka tongeni nenong non ena pekin aninisin annea ren ourour mi tongeni fen anisi David an epwe finioch. Ika ka tongeni anneani “Jises Kraist epwe anisuk” (peich 6–9), ne kutta och mettoch epwe fen anisi David an epwe niwin ngeni ewe Samon.

Ekieki kopwe konu echo kon mi fen usun “U Mochen Ai Samon Non Kunok Meinisin” (Kon mi fen, no 14) me ekipwichi ifa usun ewe Chon Amanau a fen apochokunok nupwen ka mesengeni sossot.

Nengeni pwan 2 Nifai 28:20–24; Ulisses Soares, “Kutta Crhist non Ekiek Meinisin,” Liahona, Nov. 2020, 82–85; “Taking Charge of Technology,” Gospel Library; “Watch Your Step” (video), Gospel Library.

2:36

Ika ewe Samon a apasa ngonuk, “Eis met upwe ngonuk” (1 Kings 3:5), met kopwe tingor? Met a amwasangok usun an Solomon tingor? Ekipwichi pwata “eu weweochun netip” ne “esinna nefinen och me ngaw” (verse 9) a eu auchean niffang? Met ka tongeni fori ne kutta ei niffang?

Nengeni pwan Moronai 7:12–19.

Non 1 Kings 6–7 kopwe kuna eu tichikin awewetiwen ewe imw mi pin Solomon a aueta fan iten ewe Samon. Ekkewe tichikin meni ita resap auchea ngonuk usun ir mi auchea ngeni ekkewe Chon Israel me nom. Nge anneani ekkei sopwun repwe tongeni ngonuk eu memefin ifa usun auchean me rer an epwe wor eu imwen ewe Samon. Pwata mi auchea ngonuk?

Ka tongeni ekipwichi met kewe sokopaten kinikinin an Solomon tempel ra esisinata. Ren awewe, ekieki met ewe cherubim, ekkewe ira, me ponira non 1 King 6:35 ra tongeni esisinata. (Nengeni pwan Genesis 3:24.)

Sopwun 8 a rekotei an Solomon iotek nupwen a awesi ewe tempel (nengeni uwokisin 22–61). Ekieki ne fori eu tettenin ekkewe feioch Solomon a tingor fan iter. Met a amwasangok usun ekkei feioch? (Esina pwan an ewe Samon kewe pwon non 2 Kings 6:11–13; 9:1–9.) Ika ka fen pin no ngeni imwen ewe Samon, ekieki usun om we fen ngeni me ikewe. Ifa usun om apwonueta pwon mi pin non tempel a anisuk ne angei an ewe Samon kewe feioch?

Nengeni pwan Doctrine and Covenants 109; Henry B. Eyring, “Ua Sani ai upwe Kuna ewe Tempel,” LiahonaU, May 2021, 28–31.

Met wewen kopwe “mut ngeni netipom … epwe unusoch ren ewe Samon”? (1 Kings 8:61). Mi sokkono seni ach foffor epwe unusoch? Ifa usun? Anneani 1 Kings 11:1–11, me apareni met ewe Samon a apasa usun netipen Solomon. Meni kopwe ekipwichi ika pwe mi wor pochokun non manauom minne mi tongeni okunnu netipom seni ewe Samon ngeni “ekkoch kot.”

• “David” non Porousen Testamen Noom, 117–20, a tongeni anisuk ne ureni noum kewe semirit ewe porous non 2 Samuel 11. Ka tongeni eisini noum kewe semirit repwe kutta ekkewe pekin finata mi muan David a fori me awora pekin finata ita i epwe fen fori. Met ekkoch mettoch sia tongeni fori nupwen sia kuna sossot minne repwe anisi kich ne finata mi pung?

  

  2:11

• Aneani usun an David feiengawen tipis meni epwe eu tufich mi och ne kapas usun ekkewe feiengawen sasing mi ngaw. Ewe fitio “Met Upwe Fori Nupwen Ua Kuna Sasing Mi Ngaw?” (Gospel Library) a wor aninisochun emwen non. Anisi noum kewe semirit repwe fori eu kokkot usun met repwe fori nupwen ra weri sasing mi ngaw.

  

  5:46

• Nupwen en me noum kewe semirit oua kaeo usun ewe epinipinin ewe tempel non 1 Kings 8, ka tongeni nenengeni ekkewe sasingin tempel non tettenin ei wiik. Mut ngeni noum kewe semirit repwe kapas usun tichikin met ra kuna me non ekkewe sasing. En mi tongeni affataochu uwokisin 57–58. Met wewen ne “fetan non unusen [an ewe Samon] aan”? (1 Kings 8:58). Meni noum kewe semirit ra tongeni eipweipw ren eu me eu ponuwan ra awora.

• Ureni noum kewe semirit ifa usun apwonuetan pwon mi pin ka fori non ewe tempel a anisuk ne fetan non anen ewe Samon. Ka tongeni urenir met ekkei pwon mi pin (nengeni Pukenapen Emwen, 27.2, Gospel Library). Oua pwan tongeni konu fengeni echo kon usun “I Love to See the Temple” (Noun Semirit Puken Kon, 95).

• Anneani ifa usun an punuwen Solomon kewe mwokutukut ra tongeni poputani eu aporous usun awewen “ekkoch kot”—ika mettoch aramas ra fen ngeni ika tongei nap seni ewe Samon. Ifa usun sia pwarano pwe sia tongei I nap seni och mettoch non manauach?