1 Kings 12–13; 17–22

Ifa usun kopwe awewei ewe mwanino King Rehoboam, ewe noun Solomon, a fori 1 Kings 12:1–14? Met kewe napanapen Kraist ita repwe fen tongeni anisi Rehoboam ne angasa muun we? (nengeni uwokisin 7; Matthew 20:25–28; Mosaia 2:10–21). Ifa usun ka tongeni aea ekkei napanap usun emon sou emwen—ika epwe non wis seni Mwichefen are usun emon sou emwenin pwisin manauom?

Ewe soufos Elijah a tingorei emon fefin mi mano punuwan epwe ngeni och mwongo me konik me mwen an epwe pwisin amwongoni i me noun we at mi echik. Pwata i a fori ena? An Elijah tingor mi tongeni pwano pwe eu feioch ngeni ei kukkun famini. A namot ngenir an ewe Samon kewe feioch, me asor a wato feioch—mi pachenong ewe feiochun pochokunen nuku.

Nupwen ka anneani 1 Kings 17: 8–16, ekieki pwe en ei fefin mi mano punuwan. Met ka ingeiti usun neminei? Ka pwan tongeni fori eu tettenin mettochun finata kewe epwe namot ne nuku Jises Kraist (ren awewe, nengeni Ren ewe Pochokunen Sarafo: Ew Emwen ren Pekin Finata [2022]). Met ka kaeo seni ei fefin mi mano punuwan usun anganga nuku?

Ifa usun an Elisha mokutukut non 1 Kings 19:19–21 ra nonno ngeni an ewe fefin mi mano punuwan mokutukut?

Ekieki usun ekkewe asor ka fen fori ne tapweno mwirin ewe Chon Amanau. Met 1 Kings 17:8–16; 19:19–21 a aituk usun ekkei asor? Ifa usun om mirit usun ewe Chon Amanau a anisuk nupwen I a tingoreok kopwe asor? Ifa usun I a efeiochuk?

Nengnei pwan Matthew 4:18–22; 6:25–33; Luke 4:24–26; “Elijah and the Widow of Zarephath” (video), Gospel Library; “When Faith Endures,” Kon mi fen, no. 128.

10:13

Ekkewe Chon Israel meni ra mefi pwe a eoch ar popun ne fen ngeni Baal, ewe a fateno pwe ewe koten monumon me pungun ran. Mwirin unungat ierin pwas, ra fokkun wesewesen mochen pungun ran. Me fen ngeni Baal a ketiw me nein ekkewe aramas me a fis me ren ewe king me kiwin. Nupwen ka anneani 1 Kings 18, ekieki pwata emon non ach ei fansoun esap finata usun an epwe tapweno mwirin ewe Samon. Non ei sopwun, met ka ekieki ewe Samon a sotuni ne osukuna usun pwisin I? Met mettoch mi fis ngonuk a fen anisuk om pwonei pwe kopwe tapweno mwirin ewe Chon Amanau?

Nengeni pwan D. Todd Christofferson, “Choice and Commitment” (worldwide devotional for young adults, Jan. 12, 2020), Gospel Library.

Netipengawan, ewe manaman won Chukun Carmel ese fori an Elijah misin epwe mecheres. Ennetin, manauan a nom non feienaw, me i a opono non eu pokungo non ewe fonu pon. Ikewe, a tinisuk ren an anamon me tipemwaramwar, a wor met a fis ngeni ren ewe Samon minne a fokkun sokkono seni met ewe a fis ngeni me won Chukun Carmel Met ewe a fis ngeni Elijah non 1 Kings 19:1–18 a aiti ngonuk ren ifa usun ewe Samon kapas ngonuk non fansoun osupwang?

Ekipwichi fansoun nupwen ka mefi ewe Samon a fen kapas ngonuk. Ifa usun kopwe awewei ewe napanap I a kapas ngonuk? Pwata ekkewe kapas ra “mosonoson” me “kukkun” murinon napanap mi och ne awewei mongungun ewe Ngun? Met ekkoch kapas ka kuna non Ilaman 5:30; Doctrine and Covenants 6:22–23; 11:12–14? Met mi namot kopwe fori ne angei an ewe Samon emwen fan chommong?

Nengeni pwan Konupin 46:10.

• Om kopwe anisi noum kewe semirit ne kaeo ekkewe porousen nuku non 1 Kings 17, en mi tongeni pwar ngenir sasing ika pisek ar repwe chungani ekkewe porous, usun ren machang, pinewa, ika emon at. Nupwen ka ureni noum kewe semirit ekkei porous, tingorer repwe kutta ewe sasing ika pisek mi wewe ngeni eu me eu porous. “Elijah ewe Prophet” (non Porousen Testamen Noom, 121–24) a tongeni anisuk ne oporousa ekkei porous. Met eu me eu ekkei porous ra aiti kich usun ach pwarano nuku non Jises Kraist?

  

  1:58

• Anisi noum kewe semirit repwe ekieki ekkoch anen ra tongeni pwari ar nuku non Jises Kraist. Fitir ne konu eu kon usun nuku, usun ren “I Have Faith in the Lord, Jesus Christ” (Gospel Library), me aporousa fengeni met oua kaeo usun nuku seni ewe kon.

• Meni noum kewe semirit ra tongeni chungani echo sasingin met ewe Samon a ureni ewe fefin mi mano punuwan epwe ngeni Elijah (nengeni 1 Kings 17:12–13) me met ewe fefin mi mano punuwan a angei pwe niwinin (nengeni 1 Kings 17:15–16). (Nengeni pwan peichen uruomoten non ei wiik.) Ra pwan tongeni kutta sasingin ekkoch aramas ekkewe ra fangeta mettoch ra mochen fan iten och mettoch mi och seni. Tingorei noum kewe semirit repwe kutta sasing non ewe Gospel Art Book ika Feito, Tapweto Mwiri. Met ewe Samon ewe tingorei kich sipwe ani osor? Ifa usun I a efeiochu kich?

• Nupwen oua anneani 1 Kings 18:17–39 fengen, noum kewe semirit ra tongeni fini eu uwokisin me chungani echo sasingin met mi anapanapa. Ra tongeni nounou nour kewe sasing ne oporousa ewe porous non ar pwisin kapas. (Nengeni pwan “Elijah me ekkewe Prist non Baal,” non Porousen Testamen Noom, 125–28.)

  

  2:17

• Anisi noum kewe semirit repwe ekieki ekkoch nikinik nupwen epwe namot ngenir ar repwe finata ika repwe ika resap tapweno mwirin Jises Kraist. Meni ra tongeni chungani ekkoch sasingir ar finata met mi pung. Aporousa fengeni pwata ka finata ne tapweno mwirin Jises.

• Nupwen ka mennapei 1 Kings 19:9–12, ingorei noum kewe semirit repwe pwomweni ekkoch foffor mi esisinata ewe asapwan mi pochokun, ewe chechin fonu, me ewe ekkei. Mwirin tingorer repwe mosonoson ne momot nupwen oua apasa fengeni, non eu mongungu mi neukukun, “mwirin ewe ekkei eu mosonosonen kukkun mongungu” (uwokisin 12). (Nengeni pwan “The Lord Speaks to Elijah,” non Old Testament Stories, 129–31.) Ureni noum kewe semirit usun ekkewe fansoun ka fen mefi ei mosonosonen, kukkun mongungun ewe Ngun mi Fel.

  

  1:48

• Noukukun ne konu echo kon usun ewe Ngun, usun ren “The Still Small Voice” (Noun Semirit Puken kon, 106–7). Met a tongeni aosukosuka kich seni ach sipwe esinna ewe Ngun? Met a tongeni anisikich sipwe rongorong I?