2 Chronicles 14–20; 26; 30

Nupwen Asa a kingen Judah, a mesengeni chommong weires—usun chok kich meinisin ikenai. Nupwen oupwe anneani usun ekkewe sossot a mesengeni, apareni ian a wano an epinukunuk me ifa usun ena a siwin non ekkewe fansoun a fefeino.

Pwata fan ekkoch sia kouno ne epinukunuku ewe Samon? Pwan met ka tongeni kaeo seni manauen Asa?

Nengeni pwan Elder D. Todd Christofferson, “Nefinach ngeni Kot,” Liahona, May 2022, 78–80.

Ewe soufos Micaiah meni a mefi watten oumwesimwes an epwe osini fetanoch fan iten ekkewe king Jehoshaphat me Ahab non ar maun ngeni Syria. Kutta pekin pwarata usun ena oumwesimwes non 2 Chronicles 18:1–12. Met pekin pwarata ka kuna usun an Micaiah pwaracho me wenechar non uwokisin 13–27? (Esinna pwe non uwokisin 14, Micaiah a ponuweni non turunufas; an ennetin ponuweni mi nom non uwokisin 16.) Ifa usun an Micaiah kapas ra pwonuta non uwokisin 28–34?

Ifan ekkoch napanap non minne kopwe tongeni weri oumwesimwes usun Micaiah a mesengeni? Met a ngonuk pwaracho ne peni ewe Samon me An osukun?

Nupwen ka anneani 2 Chronicles 20:1–12, nenengeni met King Jehoshaphat a fori nupwen chommong muu ra feito repwe maunei Judah. Ifa usun ka tongeni appiru an foffor non ekkewe nonnomun weires ka mesengeni?

Ponuwen an Jehoshaphat iotek me ren ewe Samon a pwa non uwokisin 14–17. Met foun kapas ka kuna ikewe minne mi tongeni ekinamweuk ika emon en mi sinei non fansoun weires?

Ewe ran mwirin, ekkewe aramasen Jerusalem ra feinniu repwe churi ewe sounfiun chon ungenir. Nupwen ka anneani 2 Chronicles 20:20 PM, nenengeni ewe porous Jehoshaphat a ngeni ekkewe aramasen Judah. Ifa usun an kewe kapas ra pwonuta? (nengeni uwokisin 22–23). Ifa usun Kot a efeiochuk ren om nuku non I me tapweno mwirin Noun soufos?

Preseten Russell M. Nelson a apasa: “Ai sinei pwe nupwen ka kouno ne wata esisinen kapaseis won an ewe soufos kewe kapas me fen wata esisinen fos pochokun [!], me fori, ekkewe feioch repwe niu. Use mwo eisiniei pwisin, ‘Inet ewe soufos a kapas usun emon soufos me inet ese?’ Ai mochen pwe, ‘Ifa usun ua tongeni upwe kon usun i?’” (non Lane Johnson, “Russell M. Nelson: A Study in Obedience,” Ensign, Aug. 1982, 24).

Nengeni pwan Doctrine and Covenants 21:4–6; “A Secure Anchor” (video), Gospel Library; “Make inspired choices,” Ren ewe Pochokunen Serafo: Eu Emwen ren Pekin Finata (2022), 4–5.

3:37

Usun ren pwan chommong kingen Judah, muun Uzziah a apoputa ren fetanoch napanap nge a muchuno ren osukosuk. Kukutta ei sokkun tetten non 2 Chronicles 26. Met kopwe apasa pwe ewe fansoun siwin non manauen Uzziah?

Nupwen ka anneani uwokisin 16-23, chechemeni pwe non ei fansoun, prist chok ra mumuta ar repwe kek asor non ewe tempel. Pwata ka ekieki King Uzziah a anneasonap ngeni Kot? Met ka kaeo seni ei feiengawen mwokutukut?

Nengeni pwan “Be Thou Humble,” Kon mi fel, no. 130.

Non 2 Chronicles 30, Hezekiah i ewe kingen Judah. A etiwa ewe muun chon ungeni Israel repwe chufengen non Jerusalem ar repwe apwapwai Passover—och mettoch ekkewe chon Israel rese tufichin fori non chommong ier (nengeni uwokisin 1–12). Met a amwasangok usun ewe etiwetiw me ifa usun a ketiw—me ru seni ekkewe wasonan Israel me nour kewe chon etiwer non Judah?

Pokiten a fansoun nakatam, ekkoch ekkewe wasona ngeni Jerusalem rese sisinei tichikin ifa usun repwe fiti ewe Passover. Nupwen ka anneani 2 Chronicles 30:18–27, met ka kaeo seni an Hezekiah ponuweni me ekkewe mettoch a fis ren an ponuweni?

Nengeni pwan Russell M. Nelson, “A Namot epwe Wor Chon Fori Kinamwe,” Liahona, May 2023, 98–101.

• Om kopwe affata ewe ekiekin epinukunuku ewe Samon, en mi tongeni pwar ngeni semirit och mettoch ka epinukunuku an epwe fori kopwe chok pwas nupwen a pung ran, usun ew amper ika jacket. Mut ngenir repwe porous usun pwata sia tongeni epinukunuku ekkei mettoch. Mwirin anisir repwe anonnou ena ngeni ach epinukunuk non ewe Samon. Pwata sia epinukunuku I an epwe tumunu kich non pekin ngun?

• Ka tongeni anisi noum kewe semirit repwe kuna ifa usun King Asa me King Jehoshaphat ra ponuweni ei weires ren ar epinukunuk non ewe Samon (nengeni 2 Chronicles 14:11; 20:3–5, 12). Aporousa fengeni ekkoch anen ami tongeni pwar ngeni ewe Samon pwe ka epinukunuku I.

• Peichen urmotun non ei wik a tongeni anisi noum semirit repwe weweiti ewe porousen an Jehoshaphat iotek me ponuwan me ren ewe Samon. En me noum semirit oua tongeni aporousa ekkoch fansoun nupwen Kot a rong me ponuweni ami iotek. Ekieki om kopwe apachanong ekkoch fansoun nupwen ponuwan kewe ra feito non ekkoch napanap ika atun fansoun kose esuku. Eu kon usun iotek, usun ren “I Pray in Faith” (Noun Semirit Puken Kon, 14),

• Om kopwe kaeo usun feiengawen namanam tekia, noum semirit ra tongeni aueta eu tower ren ekkoch ira ika kukkun kap. Nupwen ra wata eu me eu ira ika kap won ewe tower, anisir repwe affata eu me nein ekkewe mettoch Uzziah a atawei. 2 Chronicles 26:3–15. Mwirin ar awesi ewe tower, porous fengen me noum kewe semirit ifa usun Uzziah epwe tumunu an epwe chok tekia me pochokun. Met a tongeni epwe fori an epwe turutiw? Mwirin, nupwen ka anneani uwokisin 16, ka tongeni kapas usun met wewen an netipach repwe “namanam tekia ngeni [ach] kiteter.” Aprousa ngeni noum semirit met a fis ngeni Uzziah non uwokisin 16–23. Mut ngenir repwe atatiw ar kewe tower. Kapas usun met sia tongeni fori ach sipwe chok tipetekison.

• Ewe sasing asan a pwari nupwen Hezekiah a etiwa ekkewe chon orun Judah seni ewe Muun Israel ar repwe apwapwai Passover rer. Ka tongeni nengeni ei sasaing fiti noum kewe semirit me anneani 2 Chronicles 30:18–19, minne a awewei pwe ekkoch ekkewe wason rese nimeti inisir anongonong won ewe annukun Moses. Met Hezekiah a fori? Ifa usun ei epwe fori an ekkewe wasona repwe mefi? Anisi noum kewe semirit repwe ekieki ifa usun repwe tongeni repwe usun Hezekiah non ar foffor ngeni ekkoch.