2 Kings 2–7

Manaman ra pwari ngeni kich an Kot pochokun. Ra tongeni anisi kich ne okkufu ekkewe weiresin manau—usun eu fonu mi pon mi namot ngeni konik mi nimenimoch (nengeni 2 Kings 2:19–22) ika efoch kouk a namot ngeni epwe pwa sefan (nengeni 2 Kings 6:4–7). Nge akkauchean, manaman ra tongeni akunnu kich ngeni ewe Samon. Nupwen ka anneani 2 Kings 2–6, ekieki om kopwe etettenatiw ekkewe manaman ka kuna, me ekipwichi ekkewe nesen non pekin ngun oua kaeo seni emon me emon.

Kopwe pwan tongeni anonno fengeni ekkewe manaman Elisha a fori ngeni ekkewe manaman Jises Kraist a fori (nengeni 2 Kings 4:8–37 me Luke 7:11–16; 2 Kings 4:42–44 me John 6:1–13; 2 Kings 5:1–15 me Luke 17:11–19). Met ekkei manaman ra aituk usun ewe Chon Amanau me Noun soufos?

Nengeni pwan 2 Nephi 26:12–13; 27:23; Moroni 7:35–37; ewe kinikin “Kutta me esuku manaman” non Russell M. Nelson, “The Power of Spiritual Momentum,” Liahona, May 2022, 99–100.

Ewe Samon a ouroura Elisha an epwe osini usun mettoch repwe fis—napengeni, mettoch usun ita esap fis. Nupwen ka anneani 2 Kings 4:8–17; 7:1–16, ekieki ifa usun kopwe ponuweni ewe kapasen ewe Samon seni Noun soufos ikenai. Met osukun, osini, ika pwon ka fen rong seni soufos mi manau? Met ka fori om kopwe foffor non nuku won ar kapas?

Nengeni pwan 3 Nifaii 29:6; Doctrine and Covenants 1:37–38; “Teachings of Presidents” collection, Gospel Library.

Nupwen ka anneani 2 Kings 5, ekieki om kopwe anonno fengeni an Naaman we keinapan ngeni eu weiresin pekin ngun ka mesengeni.

Mi wor emon usun ewe “kukkun nengin chon angang” non manauom, a pesek kopwe kukutta emwen usun weiresum we seni noun ewe Samon soufos? (nengeni uwokisin 2–3, 13).

Met ewe Samon a tingor kopwe fori minne usun mi mecheres—usun “tutu, me nimochuno?” (uwokisin 13). Ita met epwe eppetuk seni om kopwe etiwa An tingor mi mecheres?

Ifa usun ka tongeni pwari om tipetekison usun Naaman a fori?

Esinna ifa usun met a fis ngeni Naaman a siwini an nuku non ewe Koten Israel (nengeni uwokisin 15). Met ka tongeni kaeo seni ei?

Nengeni pwan Luke 4:27; 1 Peter 5:5–7; Alma 37:3–7; Ether 12:27; L. Whitney Clayton, “Whatsoever He Saith unto You, Do It,” Liahona, May 2017, 97–99; “Naaman me Elisha” (video), Gospel Library.

14:30

Nupwen ka sossot ne tapweno mwirin Christ, ka mwo mefi usun noun Elisha we kukkun chon angang—a kuf nampar me uren nuokus? Anchangei pwe ka nom non nenian we nupwen ka anneani 2 Kings 6:8–23. Ifa usun ei porous a siwin non ewe napanap ka ekieki me mefi usun pwisin om kewe sossot, wisom kewe, ika om achocho ne manaueni ewe kapas allim?

Nupwen ka ekipwichi, ekieki an Preseten Henry B. Eyring kewe kapas: “Usun ena chon angang noun Elisha, mi wor chommong reom nap seni ekkana ka kuner pwe ra ungonuk. Ekkoch ir mi nom reom resap pwa ngeni mesen aramas. Ewe Samon epwe chunoketa me fan ekkoch epwe fori ren an kokkori ekkoch repwe uta reom” (“O Ye That Embark,” Liahona, Nov. 2008, 58).

Ekieki kopwe fori eu tettenin “ekkewe mi nom [reom]” (uwokisin 16)—aramas Kot a fen wanong non manauom repwe anisuk. Ka tongeni eisini I epwe anisuk ne esinner ren an suki mesom non pekin ngun. Eni a fen pwan eneniok non manauen ekkoch kopwe anisir. Ifa usun ka tongeni angei pochokun me aninis seni emon me emon?

Inet ka mefi ewe aninis minne ewe Samon a awewei non Doctrine and Covenants 84:?

Ka tongeni pwan kaeo an Sister Michelle D. Craig porous “Mas ne Kuna” (Liahona, Nov. 2020, 15–17). Eisinuk pwisin, “Met Kot a mochen upwe kuna?”

An kapas usun ewe porous non 2 Kings 6:8–23, Elter Ronald A. Rasband a apasa: “Meni epwe wor ika esap wor wach chariot mi ngetenget ra titito ar repwe asueno ach nuokus me okkufu ach ro]chopwak, nge ewe nesen mi fatoch. Ewe Samon mi nonom rech, ekieki kich me efeiochu kich non aan I chok a tongeni fori. Iotek a tongeni koratiw ewe pochokun me ewe pwarata mi namot ngeni kich ach sipwe afota ach ekiek won Jises Kraist me An asoren achasefan. Ewe Samon mi sinei pwe fan ekkoch sipwe mefi nuokus. Ua fen pin nom ikena me pwan en. … Non ei Mwichefen meni sipwe chokukkun non nampach anongonong won anf fonufan nampani, nge nupwen sia suki mesach ren pekin ngun, ‘ra chommong ekkewe mi nom rech nap seni ekkewe mi nom rer’ [2 Kings 6:16]” (“Be Not Troubled,” Liahona, Nov. 2018, 18, 19). Ifa usun om kopwe nounou ekkei kapas ne anisi emon mi mefi ourek are nuokus?

Nengeni pwan “Dearest Children, God Is Near You,” Kon mi fen, no. 96.

• Mwirin om anisi noum semirit repwe weweiti met wewen manaman, tingorer repwe etettanitw ukukun chommongun awewen manaman ra tongeni. Sasing non ewe Gospel Art Book ika Feito, Tapweto Mwiri ra tongeni aninis. Mwirin ra tongeni kutta ekkewe manaman non 2 Kings 4:1–7, 14–17, 32–35, 38–44. Met ekkei manaman ra aitikich usun Samach non Nang?

• En me noum semirit oua tongeni aporous fengen usun ifan ussun an Kot a fen pwari An tong me non manaman. Oua pwan tongeni kon fengeni echo kon usun ren “God’s Gracious Love” (Gospel Library).

• Anisi noum kewe semirit repwe kaeo ewe porous non 2 Kings 5:1–3, 9–14. Ekieki om kopwe aea “Elisha a Echikara Naaman” (non Porousen Testamen Noom, 134–37) ika ewe sasingin Naaman non maken etettenin ei wiik. Pwata Naaman ese mochen tutu non ewe Chonupupu Jordan, inamo ika Elisha a apasa pwe i epwe chikar seni an semwen? Ifa usun Naaman a feioch nupwen a fori an Elisha ourour? Oua tongeni aporousa fengeni nupwen oua aneasochisi ewe Samon, pwan mwo nupwen ouse ekiek pwe oua mochen fori.

  

  1:52

• En mi tongeni pwan pesei 2 King 5:13, ikewe noun Naaman we chon angang a anisi i epwe finata an epwe aneasochisi ewe soufos Elisha. Noum kewe semirit ra tongeni kapas usun ekkoch anen ar repwe tongeni anisi chiener ika chon ar famini ne ausening ngeni me aneasochisi ewe soufos.

• En me noum kewe semirit oua tongeni ekieki pwe ami mi rokopwanino ren eu mwichen sounfiu fiti ketinas, oris, me chariot. Ifa usun kopwe mefi? Met kopwe fori? Noum kewe semirit repwe ammour nupwen kan anneani 2 Kings 6:16–17 ngenir. (Nengeni pwan “Elisha me an ewe Samon Mwichen Sounfiu,” non Porousen Testamen Noom, 138–39, ika ewe sasing nesoponon ei mak.) Nupwen ka tori ekkewe kapas “suki mesan” (uwokisin 17), me eisini ekkewe semirit repwe suki meser. Kapas usun met ewe chon angang a kuna. Aporousa ngeni noum kewe semirit ekkoch aan ka fen mefi pwe we Samon a nonnom reom non om fansoun weires, pwan mwo nupwen usun ita ka anamon.

  

  1:9